Policia e Tiranës
Me rastin e 113-vjetorit të themelimit të Policisë së Shtetit, si dhe në kuadër të javës “Dyer të hapura për qytetarët”, njësitë në varësi të Drejtorisë Vendore të Policisë Tiranë mirëpritën ditën e sotme, në ambientet e tyre, nxënës nga disa shkolla të kryeqytetit.
Gjatë këtyre vizitave, nxënësit u njohën nga afër me strukturat e Policisë së Shtetit, misionin e saj, historikun dhe rolin e rëndësishëm që Policia luan në garantimin e rendit dhe sigurisë publike.
Nxënësit u shoqëruan gjatë vizitës nga ndihmësspecialistët për Edukimin në Shkolla, me të cilët zhvilluan biseda ndërgjegjësuese mbi ligjin, sigurinë në komunitet dhe çështje me interes për grupmoshën e tyre.
Në përfundim, nxënësit uruan punonjësit e DVP Tiranë, për përvjetorin e 113-të të Policisë së Shtetit dhe i falënderuan për përkushtimin dhe angazhimin e përditshëm në shërbim të qytetarëve.
#113vjetPoliciaeShtetit
#DyertEHapuraPërQytetarët
#SëbashkuPërKomunitetin
#nëshërbimtëqytetarëve ♂️