Tiranë/Arrestohen 4 shtetas, për vepra të ndryshme penale.
Specialistët e Sektorit për Hetimin e Narkotikëve arrestuan shtetasin R. R., 39 vjeç, banues në Tiranë, pasi gjatë kontrollit fizik, shërbimet e Policisë i gjetën dhe sekuestruan sasi lënde të dyshuar narkotike kokainë.
Specialistët për Hetimin e Krimeve të Komisariatit të Policisë Nr. 4 arrestuan shtetasin O. A., 42 vjeç, banues në Tiranë, pasi dyshohet se ka përndjekur dy shtetase.
Specialistët për Hetimin e Krimeve ndaluan shtetasin F. Sh., 40 vjeç, banues në Tiranë, pasi Gjykata e Shkallës së Parë e Juridiksionit të Përgjithshëm Tiranë e ka dënuar me 8 muaj burgim, për veprën penale “Prodhimi, mbajtja, blerja apo shitja pa leje e armëve të ftohta”. Gjatë kontrollit fizik, 40-vjeçarit iu gjet dhe sekuestrua në cilësinë e provës materiale, një mjet prerës thikë.
Specialistët e Komisariatit të Policisë Rrugore Tiranë arrestuan shtetasin G. D., 26 vjeç, banues në Tiranë, pasi rreth orës 00:35, në kryqëzimin e rrugës “ 4 Dëshmorët“ me Rrugën Bardhyl, duke drejtuar mjetin tip “Audi”, është përplasur me motomjetin tip “Yamaha”, me drejtues shtetasin D. B., 22 vjeç, banues në Tiranë. Si pasojë drejtuesi i motomjetit është dëmtuar dhe ndodhet në spital, në kujdesin e mjekëve.
Materialet i kaluan Prokurorisë, për veprime të mëtejshme.