Drejtoria Vendore e Policisë Korçë
Komisariati i Policisë Korçë:
-U arrestua shtetasi R. B., banues në fshatin Plasë, Maliq, u kap në lagjen nr. 3, Korçë, duke vjedhur biçkiletën e një shtetasi. Nga veprimet hetimore rezultoi se ky shtetas, javën e fundit, në lagjet nr. 10 dhe nr. 18, Korçë, ka vjedhur edhe 3 biçikleta të tjera, në pronësi të shtetasve të ndryshëm. Në cilësinë e provës materiale u sekuestruan 3 biçikleta dhe 1 palë pinca, të cilat shtetasi R. B. i përdorte për të prerë kavot e sigurisë të biçikletave.
Komisariati i Policisë Devoll:
-U arrestua në flagrancë shtetasi E. K., 50 vjeç, banues në fshatin Vranisht, Devoll, me probleme të shëndetit mendor, pasi dyshohet se ka ushtruar dhunë ndaj nënës së tij.
Sektori i Policisë Rrugore:
-U arrestua në flagrancë shtetasi M. D., 20 vjeç, banues në Korçë, pasi në aksin rrugor “Korçë-Ersekë”, pranë fshatit Drenovë, duke drejtuar pa leje drejtimi automjetin, është përplasur me një automjet tjetër, duke shkaktuar vetëm dëme materiale.
Komisariati i Policisë Korçë:
-U referuan materialet në Prokurori, ku filloi procedimi në gjendje të lirë për shtetasin K. F., 29 vjeç, banues në fshatin Drenovë, Korçë, pasi në fshat, pas një konflikti për motive të dobëta, dyshohet se ka dëmtuar derën e lokalit të një 53-vjeçari.
Komisariati i Policisë Maliq:
-U referuan materialet në Prokurori ku filloi procedimi në gjendje të lirë për shtetasen N. P., 35 vjeçe, banuese në fshatin Podgorie, Maliq, pasi dyshohet se ka ushtruar dhunë ndaj vajzës së saj 14 vjeçe, e cila u pajis me urdhër mbrojtjeje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.