Mirditë, Lezhë
Vijon zbatimi i planit të masave për parandalimin dhe goditjen e krimeve mjedisore.
Bllokohen nga Policia, 2 automjete që transportonin lëndë drusore të prerë në mënyrë të paligjshme.
Procedohen penalisht drejtuesit e mjeteve që po transportonin lëndën drusore.
Në zbatim të planit të masave për parandalimin dhe goditjen e krimeve mjedisore, shërbimet e Policisë Mirditë, në bashkëpunim me shërbimet e Njësisë Operacionale të Autostradës Milot-Morinë, kanë konstatuar dhe ndaluar në vendet e quajtura “Ish-Uzina Rubik” dhe “Qafë Mollë”, Mirditë, 2 automjete që transportonin lëndë drusore.
Gjatë kontrollit të ushtruar, shërbimet e Policisë kanë konstatuar se drejtuesit e këtyre mjeteve, shtetasit M. G. dhe P. Gj., po transportonin lëndë drusore të prerë në mënyrë të paligjshme.
Në përfundim të veprimeve, specialistët për Hetimin dhe Parandalimin e Krimit në Komisariatin e Policisë Mirditë kanë proceduar penalisht për veprën penale “Prerja e paligjshme e pyjeve”, shtetasit M. G., 32 vjeç dhe P. Gj., 56 vjeç, banues në Mirditë.
Materialet në ngarkim të tyre janë referuar në Prokurorinë e Rrethit Gjyqësor Lezhë, për veprime të mëtejshme.
Policia e Shtetit do të vijojë kontrollet për parandalimin dhe goditjen e krimeve mjedisore dhe në këtë kuadër kërkon bashkëpunimin e qytetarëve që të denoncojnë çdo rast të paligjshmërisë në Komisariatin Dixhital apo në numrin pa pagesë 112, duke siguruar anonimatin dhe reagim të paanshëm kundrejt shkelësve të ligjit.