Drejtonte automjetin pa leje drejtimi, arrestohet në flagrancë 36-vjeçari.
Specialistët e Trafikut Interurban dhe Urban arrestuan në flagrancë shtetasin D. M., 36 vjeç, banues në Libohovë, pasi në aksin rrugor Gjirokastër-Jorgucat, në vendin e quajtur “Gorricë”, ky shtetas duke drejtuar mjetin tip “Benz” ka përplasur mjetin tip “Toyota”, me drejtues shtetasin P. J.
Për pasojë është dëmtuar shtetasi D. M., i cili ndodhet në spital, jashtë rrezikut për jetën.
——————————
Gjithashtu u referuan materialet në Prokurori për shtetasin D. G., 38 vjeç, banues në Tiranë, pasi në aksin rrugor Gjirokastër-Kakavije, në afërsi të lagjes “Puntore”, ka aksidentuar shtetasin A. J., 59 vjeç, banues në Gjirokastër, i cili ndodhet në spital, jashtë rrezikut për jetën.
Materialet në ngarkim të shtetasit D. G. i kaluan Prokurorisë për vepren penale “Shkelje e rrrgullave të qarkullimit rrugor”.
—‐———————–
Specialistët për Hetimin e Krimeve në Komisariatin e Policisë Gjirokastër arrestuan në flagrancë shtetasin Sh. S., banues në Gjirokastër, pasi dyshohet se ky shtetas ka ngacmuar seksualisht një shtetase të mitur.
Materialet i kaluan Prokurorisë Pranë Gjykatës së Rrethit Gjyqësor Gjirokastër për veprime të mëtejshme.