Korçë
Drejtonin mjetet në mënyrë të parregullt, vihen në pranga 4 shtetas.
Specialistët e Sektorit për Policinë Rrugore në Drejtorinë Vendore të Policisë Korçë, bënë arrestimin në flagrancë të shtetasve:
F. Ll., 35 vjeç, banues në Korçë, pasi në qytetin e Korçës, ky shtetas u kap duke drejtuar pa leje drejtimi, një mjet tip motor, pa targa.
M. K., 32 vjeç, banues në Elbasan, pasi në qytetin e Bilishtit, ky shtetas u kap duke drejtuar mjetin tip “Benz” pa leje drejtimi.
A. K., 28 vjeç, banues në Hoçisht, Devoll, pasi në kryqëzimin e këtij fshati, u kap duke drejtuar mjetin tip “Benz” në gjendje të dehur.
A. Xh., 51 vjeç, banues në Korçë, pasi në këtë qytet, u kap duke drejtuar mjetin tip “Benz” në gjendje të dehur.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprime të mëtejshme.