Kanosi me mjet të mprehtë, për shkak të detyrës punonjësit e policisë, vihet në pranga autori i dyshuar i ngjarjes.
Specialistët për Hetimin e Krimeve në Komisariatin e Policisë Korçë, bënë arrestimin në flagrancë të shtetasit E. F., 22 vjeç, banues në Korçë.
Shtetasi i mësipërm, pasi ka hyrë në ambientet e zyrës së pritjes së qytetarëve në Komisariatin e Policisë Korçë, në gjendje të dehur, ka fyer dhe ka kanosur për shkak të detyrës punonjësit e policisë, me një mjet të mprehtë i cili iu sekuestrua në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Korçë për veprat penale “Prodhimi, mbajtja, blerja apo shitja pa leje e armëve të ftohta” dhe “Kanosja për shkak të detyrës”.
————–
Pogradec
Specialistët e Sektorit për Policinë Rrugore në DVP Korçë, bënë arrestimin në flagrancë të shtetasit D. M., 34 vjeç, banues në fshatin Dardhas, Pogradec, pasi në rrugën rurale Dardhas-Stropskë, ky shtetas u kap duke drejtuar mjetin tip “Jeep”, pa leje drejtimi.
Materialet i kaluan Prokurorisë pranë Gjykatës së Shkallës së Parë Pogradec për veprën penale “Drejtimi i mjetit në mënyrë të parregullt”.