Policia e Shtetit mori masa për ruajtjen e materialeve të provimit të parë të maturës, garantimin e rendit dhe sigurisë gjatë ditës së sotme, si dhe për shoqërimin në destinacion të materialeve pas përfundimit të provimit.
1000 punonjës policie u angazhuan në të gjithë vendin, që i gjithë procesi i provimit të ishte i qetë dhe i sigurtë, përsa i përket detyrimeve ka që Policia e Shtetit, në mbarëvajtjen e këtij procesi.
Punonjësit e Policisë u angazhuan në shoqërimin dhe ruajtjen e materialeve të provimit dhe për ruajtjen e rendit pranë çdo qendre provimi.
Në të gjithë vendin, procesi u mbyll pa asnjë incident, përsa i përket rendit dhe sigurisë.
Policia e Shtetit uron maturantët në të gjithë vendin, suksese dhe në provimet e radhës dhe i fton ata që të bëhen pjesë e saj, duke zgjedhur si mundësi studimi, Akademinë e Sigurisë.
