Specialistët e Sektorit të Qarkullimit Rrugor në DVP Fier arrestuan në flagrancë shtetasit:
-G. M., 32 vjeç, banues në Fier, pasi është kapur nga shërbimet e Policisë duke drejtuar mjetin tip “Toyota” në gjendje të dehur;
-J. M., 20 vjeç, banues në Patos, pasi është kapur nga shërbimet e Policisë duke drejtuar mjetin tip “Rover” pa leje drejtimi.
—
Specialistët për Hetimin e Krimeve të Komisariatit të Policisë Mallakastër arrestuan në flagrancë shtetasin Xh. B., banues në Kalenjë, Mallakastër, për veprën penale “Plagosja e rëndë me dashje”, pasi për motive të dobëta, ka goditur me sende të forta shtetasin M. B., i cili ndodhet në spital, nën kujdesin e mjekëve.
—
Më datë 05.06.2022 u referuan materialet në Prokurori për vlerësim, pasi në lagjen “8 Shkurti”, Fier, është gjetur i pajetë shtetasi L. P., 86 vjeç, banues në Fier. Nga këqyrja paraprake e trupit të viktimës nuk vërehen shënja dhune dhe dyshohet se vdekja ka ardhur për shkaqe natyrale.