Drejtuesit e komisariateve të Policisë Nr. 1, Nr. 3 dhe Nr. 5, së bashku me shërbimet në varësi të tyre, kanë zhvilluar takime me drejtues të shkollave të kryeqytetit, për të forcuar bashkëpunimin dhe për të bashkërenduar masat për garantimin e sigurisë së nxënësve.

Gjatë takimeve u diskutua mbi problematikat që lidhen me sigurinë në mjediset shkollore, parandalimin e dhunës, të bullizmit, veçanërisht atij kibernetik, si dhe evidentimi në kohë i rasteve që mund të cenojnë mirëqenien e të rinjve.

Gjithashtu, u vlerësua rëndësia e komunikimit dhe e kontaktit të vazhdueshëm ndërmjet Policisë dhe institucioneve arsimore, për identifikimin, adresimin dhe ndjekjen në dinamikë të problematikave, me qëllim parandalimin në kohë të ngjarjeve me pasoja.

Policia e Tiranës mbetet e angazhuar për të forcuar bashkëpunimin me shkollat dhe me komunitetin, në funksion të krijimit të një mjedisi të sigurt për çdo nxënës dhe të ri.

Siguria e të rinjve, përgjegjësi parësore!

The post Tiranë/Zhvilohen takime me drejtuesit e shkollave, në kuadër të programit “Siguria e të rinjve” appeared first on Policia e Shtetit.

Si rezultat i punës hetimore dhe operacionale, janë finalizuar 4 operacione për goditjen e veprimtarive kriminale në fushën e narkotikëve, armëmbajtjes pa leje dhe dhënies së ndihmës emigrantëve për kalim të paligjshëm të kufirit.

Janë kapur 3 shtetas të shpallur në kërkim për vepra të ndryshme penale.

Në fushën e narkotikëve janë evidentuar 13 raste, me 2 shtetas të arrestuar dhe 12 të proceduar në gjendje të lirë.

Në fushën e krimeve ndaj personit janë evidentuar 11 raste, me 9 shtetas të proceduar në gjendje të lirë dhe 1 në kërkim, ndërsa për 1 rast po punohet për identifikimin dhe kapjen e autorit/autorëve.

Ndërkohë u arrestua në flagrancë shtetasja M. M., 42 vjeçe, banuese në Mat, pasi dyshohet se ka tentuar të djegë me lëndë djegëse (benzinë), në banesë, babanë e saj, shtetasin A. M., 89 vjeç, i cili po merr mjekim në Spitalin e Traumës.

Në fushën e krimeve kundër pronës janë evidentuar 10 raste, me 5 shtetas të proceduar në gjendje të lirë dhe 3 në kërkim, ndërsa për 2 raste po punohet për identifikimin dhe kapjen e autorit/autorëve.

Në fushën e krimeve kundër mjedisit janë evidentuar 10 raste, me 10 shtetas të proceduar në gjendje të lirë.

Janë evidentuar 2 raste të dhunës në familje, me 1 shtetas të arrestuar dhe 1 të proceduar në gjendje të lirë, njëri prej të cilëve ka thyer masën e sigurisë “Arrest në shtëpi”. Gjithashtu, janë plotësuar 8 kërkesëpadi për lëshimin e urdhrave të mbrojtjes.

Në fushën e krimeve ekonomike janë evidentuar 5 raste, me 5 shtetas të proceduar në gjendje të lirë.

Në fushën e krimeve kibernetike janë evidentuar 3 raste, me 1 shtetas të proceduar në gjendje të lirë, ndërsa për 2 raste po punohet për identifikimin dhe kapjen e autorëve.

Janë arrestuar 6 shtetas dhe janë proceduar penalisht 3 shtetas, pasi drejtonin mjete në gjendje të dehur dhe/ose pa leje drejtimi. Gjithashtu, njëri nga të arrestuarit nuk i është bindur urdhrit të punonjësve të Policisë.

Është arrestuar 1 shtetas dhe janë proceduar penalisht 5 të tjerë, për shkelje të rregullave të qarkullimit rrugor.

U arrestuan shtetasit A. B., 58 vjeç, dhe E. I., 29 vjeç, të dy banues në Fier, pasi dje, në aksin rrugor “Levan–Vlorë”, shtetasi A. B., dyshohet se duke drejtuar automjetin, ka goditur me pasqyrën e tij shtetasin B. Sh., 72 vjeç, banues në fshatin Levan, këmbësor, i cili është rrëzuar dhe më pas është goditur nga automjeti me drejtues shtetasin E. I., i cili është larguar nga vendi i ngjarjes. Si pasojë e dëmtimeve, 72-vjeçari ka humbur jetën.

Janë arrestuar 2 shtetas që kanë thyer masën e sigurisë “Arrest në shtëpi”.

Është shpallur në kërkim 1 shtetas dhe janë proceduar në gjendje të lirë 4 shtetas për vepra të ndryshme penale.

Shërbimet e Policisë Kufitare kapën 1 shtetas në kërkim dhe proceduan penalisht 7 shtetas, për kalim të paligjshëm të kufirit, falsifikim dokumentesh dhe kontrabandë mallrash.

Interpol Tirana/ U ekstradua nga Italia shtetasi E. H., 30 vjeç, i cili ishte shpallur në kërkim ndërkombëtar, pasi Gjykata e Dibrës e ka dënuar me 6 muaj burgim, për veprën penale “Veprime që pengojnë zbulimin e së vërtetës”.

Gjithashtu, në Berat, u ekzekutua masa e sigurisë “Arrest në burg” për shtetasin K. M., 36 vjeç, banues në Durrës, pas deportimit të tij nga Greqia. Masa e sigurisë i është caktuar nga Gjykata e Beratit, për veprat penale “Vrasja me paramendim”, kryer në bashkëpunim, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit”. Shtetasi K. M. akuzohet se më datë 02.01.2025, në Berat, bashkë me vëllanë e tij (i shpallur në kërkim), kanë qëlluar me armë zjarri nga një automjet, në drejtim të 2 shtetasve.

Reagim i DVP Tiranë/ Në lidhje me një video të publikuar më datë 03.11.2026, në rrjete sociale, sipas së cilës pretendohet se një shtetas ka vjedhur sende personale nga një automjet i Policisë, bëjmë me dije se nga verifikimet e kryera ka rezultuar se automjeti që shfaqet në video nuk është i Policisë, por është në pronësi të shtetasit A. L., i cili ka bërë kallëzim për rastin. Vijon puna për identifikimin dhe kapjen e autorit të vjedhjes.

Vau i Dejës/Informacion paraprak – Rreth orës 11:30, në fshatin Toplanë, shtetasi P. G., rreth 58 vjeç, dyshohet se është rrëzuar aksidentalisht në ambientet e jashtme të banesës së tij dhe për pasojë është dëmtuar. Pas ndihmës së parë mjekësore, ai u transportua me helikopter në Spitalin e Traumës. Grupi hetimor po punon për zbardhjen e rrethanave të rastit.

Policia e Shtetit fton qytetarët të denoncojnë në numrin pa pagesë 112 çdo rast paligjshmërie, duke garantuar reagim profesional dhe të shpejtë, si dhe ruajtjen e anonimatit.

The post Rezultatet kryesore të strukturave policore në vend dhe ngjarjet e ndodhura gjatë 24 orëve të fundit appeared first on Policia e Shtetit.

Drejtori i Përgjithshëm i Policisë së Shtetit, Drejtues Madhor Skender Hita, ndoqi nga afër një seancë stërvitore të Policisë Alpine, pjesë e Forcës Kombëtare të Sigurisë, Njësia Shkodër.

Drejtor Hita vlerësoi angazhimin dhe profesionalizmin e punonjësve të Policisë Alpine, si dhe theksoi rëndësinë e përgatitjes së vazhdueshme profesionale dhe të gatishmërisë për t’iu shkuar në ndihmë turistëve, vizitorëve dhe qytetarëve, në çdo rast nevoje. Drejtori i inkurajoi efektivët që të vijojnë trajnimet dhe stërvitjet, për të përmirësuar më tej kapacitetet e tyre operacionale.

Hita: “Jemi me Njësinë Alpine të Forcave të Sigurisë Kombëtare, këtu në Shkodër. Demonstrimi që ne sapo ndoqëm na bën më entuziastë dhe të fortë për të përballuar çdo situatë të vështirë. Ishte me të vërtetë në kushte reale dhe shumë i arritur nga forcat alpine.

Forcat alpine, gjatë këtij viti, kanë bërë ndërhyrje më së shumti në zonat malore të rrethit Shkodër, ku, përveç veçorive turistike që ka ky qytet, ka lindur domosdoshmërisht nevoja për këtë forcë.

Unë ju inkurajoj që të vazhdoni të përgatiteni për kryerjen e operacioneve të kërkim-shpëtimit të turistëve që vizitojnë alpet tona, por edhe të të gjithë shtetasve të tjerë shqiptarë që janë në këto zona.

Gjithashtu, meqë jemi në prag të sezonit të dimrit, do të duhet t’i kushtojmë vëmendje kërkim-shpëtimit në pjesën ku ka përmbytje dhe problematika të tjera për sa i përket jetës dhe pronës së qytetarëve.

Forcat alpine do të kenë vërtet një mbështetje të padiskutueshme, si në burimet njerëzore, ashtu edhe në formatin tjetër, për sa i përket pjesës materiale dhe teknike. Gjithashtu, nuk do të përfundojë me kaq.

Kemi si qëllim që ne të jemi garant për rendin, garant të jetës së qytetarit. Ju inkurajoj që këtë proces kaq të mirë që ne kemi filluar tani ta çojmë më tej dhe të jemi në krye të të gjitha sfidave me të cilat përballet Policia.

Ju falënderoj, prandaj, unë zgjodha ta filloj nga Shkodra, për t’ju dhënë mbështetjen e plotë. Një falënderim nga zemra dhe një përkrahje e madhe për ju. Vetëm suksese dhe na e priftë e mbara të gjithëve!”

Shefi i Seksionit të Policisë Alpine, Komisar Ardian Zhuraj, falënderoi Drejtorin e Përgjithshëm, për mbështetjen dhe inkurajimin, dhe bëri me dije se ky seksion është angazhuar në 23 raste, në mbështetje të Emergjencave Civile, në qarqe të ndryshme të vendit, 10 prej të cilave kanë qenë operacione kërkim-shpëtimi.

Ndërkaq, Shefi i Njësisë së Forcës Kombëtare të Sigurisë, Shkodër, Kryekomisar Arben Curri, siguroi Drejtorin e Përgjithshëm se e gjithë trupa e njësisë është e angazhuar për shërbime të shumta, në luftën kundër kultivimit të kanabisit, për kapjen e shtetasve të shpallur në kërkim, për garantimin e sigurisë publike, si dhe në mbështetje të strukturave të Policisë vendore.

The post Drejtori i Përgjithshëm Skender Hita ndjek afër një seancë stërvitore të Policisë Alpine, në Shkodër appeared first on Policia e Shtetit.

Ndër fokuset e punës së Policisë Rrugore të Beratit, konstatimit i parakalimeve të gabuara, shkelje të cilat rezultojnë burime parësore të aksidenteve rrugore me pasoja të rënda.

Si rezultat i monitorimit, gjatë 2 javëve, janë proceduar penalisht 4 shtetas, prej tyre:
-3 janë arrestuar për drejtim mjeti nën ndikimin e alkoolit dhe 1 është proceduar në gjendje të lirë, për drejtim të mjetit, pa leje drejtimi.

Gjithashtu, gjatë kësaj periudhe, janë ndëshkuar administrativisht:
-340 drejtues automjetesh, për ndalim ose pushim të automjetit, në kundërshtim me sinjalistikën rrugore;
-200 drejtues mjetesh, për parakalime të gabuara;
-100 drejtues mjetesh, për qarkullim me shpejtësi mbi normat e lejuara;
-92 drejtues motomjetesh, për mosvendosje të kaskës mbrojtëse;
-88 drejtues automjetesh, për mosvendosjen e rripit të sigurimit;
-2 drejtues mjetesh, për drejtim të mjetit, në efektin e alkoolit;
-190 drejtues mjetesh, për shkelje të tjera të Kodit Rrugor.

Kontrollet vijojnë në të gjitha akset rrugore të qarkut.

Policia Rrugore e Beratit apelon për të gjithë drejtuesit e mjeteve, që të zbatojnë me rigorozitet rregullat e qarkullimit rrugor dhe të kontribuojnë në këtë mënyrë në parandalimin e aksidenteve në veçanti dhe në sigurinë rrugore në tërësi.

The post Policia Rrugore e Beratit/Monitorim intensiv i qarkullimit, me dron, radar dhe makina inteligjente appeared first on Policia e Shtetit.

Shërbimet e Komisariatit të Policisë Rrugore Tiranë, si rezultat i monitorimit intensiv, me pajisje bashkëkohore, në të gjitha akset e kryeqytetit, kanë konstatuar dhe ndëshkuar shkelje të rregullave të qarkullimit rrugor, burime potenciale për aksidente rrugore me pasoja. Konkretisht, u vunë:

-1832 masa për qëndrim të gabuar të mjetit;
-292 masa për tejkalim të normave të shpejtësisë;
-118 masa për parakalim të gabuar;
-83 masa për mospërdorim të kaskës mbrojtëse/jelekut fosforeshent, gjatë drejtimit të motomjetit;
-56 masa për përdorim të celularit, gjatë drejtimit të automjetit;
-52 masa për mosvendosje të rripit të sigurimit;
-37 masa për mosdhënie përparësie këmbësorëve;
-23 masa për mosrregullim të shpejtësisë;
-18 masa për xhama të zinj të riveshur pa autorizim;
-16 masa për qarkullim të motomjeteve, në korsitë e biçikletave;
-14 masa për mungesë të certifikatës së kontrollit teknik;
-10 masa për drejtim të automjetit, në efektin e alkoolit;
-7 masa për mosrespektim të sinjalit “STOP”;
-4 masa për mosrespektim të sinjalistikës së semaforit;
-587 masa për shkelje të tjera të sinjalistikës rrugore.

Gjithashtu, si rezultat i monitorimit, janë arrestuar 12 shtetas dhe janë referuar materialet në Prokurori, ku ka nisur procedimi në gjendje të lirë, për 4 shtetas, për vepra penale në fushën e qarkullimit rrugor.

Kontrollet do të vijojnë në mënyrë të pandërprerë, me qëllim parandalimin e aksidenteve dhe garantimin e sigurisë rrugore.

Policia Rrugore apelon sërish, për të gjithë drejtuesit e automjeteve dhe përdoruesit e tjerë të rrugës, që të mos drejtojnë automjetin, në efektin e alkoolit dhe/ose lëndëve narkotike, të normojnë shpejtësinë dhe të tregojnë kujdes maksimal gjatë lëvizjes.

The post Tiranë/Monitorim intensiv i qarkullimit, me pajisje bashkëkohore, në të gjitha akset e kryeqytetit appeared first on Policia e Shtetit.

Me qëllim edukimin dhe ndërgjegjësimin e të rinjve mbi evidentimin dhe parandalimin e fenomeneve që cenojnë sigurinë dhe mirëqenien e tyre, ndihmëspecialistët e Edukimit në Shkolla, në bashkëpunim me stafin pedagogjik, zhvilluan takime me nxënësit e 6 shkollave 9-vjeçare në qytetin e Shkodrës.

Gjatë takimeve u trajtuan tema me rëndësi të veçantë për moshën e adoleshencës, si dhuna në shkollë, bullizmi, bullizmi kibernetik dhe trafikimi.

Përmes bashkëbisedimit dhe informimit, nxënësit u informuan mbi rreziqet që mund t’u kanosen, rëndësinë e respektimit të njëri-tjetrit dhe domosdoshmërinë e kërkimit të ndihmës në çdo rast kur ndihen të kërcënuar apo përballen me situata problematike.

Takime të tilla synojnë krijimin e një mjedisi shkollor të sigurt, gjithëpërfshirës dhe pa dhunë, si dhe forcimin e bashkëpunimit mes Policisë, shkollës, nxënësve dhe komunitetit.

Siguria e të rinjve është përgjegjësi e përbashkët.

#SiguriaETëRinjve
#Edukimi
#StopBullizmit
#SiguriaKibernetike
#JoTrafikimit

The post Shkodër/Zhvillohen takime me nxënës të shkollave të tjera të qarkut, në zbatim të programit “Siguria e të Rinjve” appeared first on Policia e Shtetit.

Operacionet, nga Seksioni për Hetimin e Trafiqeve të Paligjshme, në bashkëpunim me Sektorin Operacional dhe me Komisariatin e Policisë Tepelenë.

Arrestohen 3 shtetas dhe punohet për kapjen e një tjetri.

Sekuestrohen 3 automjete dhe 5 celularët e të arrestuarve.

-Gjatë operacionit të koduar “Zona 01”, u arrestuan në flagrancë shtetasit A. B., 43 vjeç, banues në Durrës, A. C., 38 vjeç, banues në Tiranë dhe A. L., 45 vjeç, banues në Durrës, pasi 43-vjeçari dhe 38-vjeçari u kapën në afërsi të fshatit Shtëpëz, duke transportuar 4 emigrantë nga Vendet e Treta, ndërsa shtetasi A. L. kontrollonte rrugën, me automjet tjetër, për të sinjalizuar bashkëpunëtorët e tij, për prezencën e Policisë.

-Gjatë operacionit të koduar “Zona 02”, u identifikua dhe u shpall në kërkim shtetasi A. I., 29 vjeç, banues në fshatin Cakran, Fier. 29-vjeçari nuk i është bindur urdhrit të punonjësve të Policisë, për të ndaluar në aksin rrugor “Tepelenë-Memaliaj”, automjetin me të cilin transportonte 4 emigrantë nga Vendet e Treta, por ka vijuar lëvizjen me shpejtësi dhe ka braktisur automjetin te kthesa e Memaliajt. Punohet intensivisht për kapjen e 29-vjeçarit.

Materialet procedurale iu referuan Prokurorisë, për veprime të mëtejshme.

The post Gjirokastër/Zhvillohen në 24 orë, 2 operacione kundër transportimit të emigrantëve të paligjshëm appeared first on Policia e Shtetit.

Procedohen penalisht 2 shtetas të tjerë, për mosbindje ndaj urdhrit të punonjësve të Policisë.

Në zbatim të Aktit Normativ nr. 5, datë 28.10.2026, konkretisht pikës 2 të nenit 24/1, janë plotësuar 31 procesverbale për konstatimin e kundërvajtjeve administrative të kryera gjatë tubimit të zhvilluar pasditen e djeshme, në bulevardin “Dëshmorët e Kombit”, për shtetas që kanë bllokuar rrugën dhe kanë penguar qarkullimin e mjeteve të transportit, pavarësisht thirrjeve të përsëritura të punonjësve të Policisë, nëpërmjet megafonit.

Për secilin prej këtyre shtetasve është vendosur masa administrative gjobë në vlerën 5 000 lekë.

Ndërkohë, specialistët për Hetimin e Krimeve të Komisariatit të Policisë Nr. 2 referuan materialet në Prokurori, ku nisi procedimi penal për shtetasit D. G. dhe E. L., pasi dje në bulevardin “Dëshmorët e Kombit” nuk i janë bindur urdhrit të punonjësve të Policisë, për të paraqitur dokumentet e identifikimit.

Materialet procedurale iu referuan Prokurorisë, për veprime të mëtejshme.

The post Tiranë/Bllokuan rrugën dhe penguan qarkullimin e automjeteve, gjatë tubimit të djeshëm, vendosen 31 masa administrative appeared first on Policia e Shtetit.

Në vijim të informacionit të dhënë dje, për zjarrin në katin e tretë të pallatit në lagjen “Qemal Stafa”, informojmë se pas disa orësh kërkimesh intensive, nga Policia e Elbasanit, në bashkëpunim me shërbimet e Forcave të Armatosura, të Emergjencave Civile dhe Zjarrfikësit, u gjet, rreth orës 00:40, trupi i pajetë i pronarit të banesës ku ra zjarri, shtetasit H. I., 69 vjeç.

Si pasojë, humbi jetën në vendngjarje shtetasja H. B., 82 vjeçe. Gjithashtu, u dëmtuan 10 banorë në të njëjtin pallat, të cilët morën asistencë mjekësore dhe u larguan nga ambientet e spitalit, si dhe pati dëme të shumta materiale.

Nga veprimet paraprake të kryera nga strukturat hetimore të Drejtorisë Vendore të Policisë Elbasan, në bashkëpunim me ekspertët xhenierë të RENEA-s dhe nën drejtimin e Prokurorisë së Elbasanit, paraprakisht dyshohet se shpërthimi dhe më pas zjarri janë shkaktuar nga prania e tepërt e gazit në banesën e 69-vjeçarit.

Grupi i posaçëm hetimor, nën drejtimin e Prokurorisë, vijon këqyrjen në vendin e ngjarjes dhe veprimet e tjera hetimore për zbardhjen e plotë të rrethanave dhe shkakut të shpërthimit.

Materialet procedurale iu referuan Prokurorisë, për vlerësim.

The post Elbasan/Informacion appeared first on Policia e Shtetit.

Lëvizte i armatosur me pistoletë dhe posedonte me qëllim shitjen, 600 gramë Cannabis, kapet në flagrancë në qytetin e Lezhës dhe arrestohet 20-vjeçari.

Sekuestrohen arma e zjarrit pistoletë me krehër me municion luftarak, lënda narkotike, 2 celularë dhe 1 automjet.

Seksioni për Hetimin e Narkotikëve, në bashkëpunim me Seksionin për Mbështetjen Operacionale të Hetimit, të DVP Lezhë, si rezultat i administrimit të shpejtë të informacioneve për një shtetas që lëvizte i armatosur dhe shiste lëndë narkotike, finalizoi operacionin e koduar “Reagimi”.

Në kuadër të këtij operacioni, u arrestua në flagrancë shtetasi G. T., 20 vjeç, banues në Lezhë.

Ky shtetas është lokalizuar nga shërbimet e Policisë, në qytetin e Lezhës. Sapo ka vënë re punonjësit e Policisë, ai ka tentuar të largohet me vrap, por është kapur dhe vënë në pranga.

Gjatë kontrollit fizik, 20-vjeçarit iu gjet 1 armë zjarri pistoletë me krehër me municion luftarak. Në vijim, gjatë kontrollit në automjetin që ai përdorte, u gjetën 600 gramë lëndë e dyshuar narkotike Cannabis Sativa, që ky shtetas dyshohet se e posedonte me qëllim shitjen.

Në cilësinë e provës materiale u sekuestruan arma e zjarrit pistoletë, sasia e lëndës së dyshuar narkotike Cannabis Sativa, 2 celularë dhe automjeti i 20-vjeçarit.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

The post Lezhë/Finalizohet operacioni i koduar “Reagimi”, arrestohet 1 shtetas që lëvizte i armatosur appeared first on Policia e Shtetit.