Në zbatim të marrëveshjes së bashkëpunimit ndërmjet Ministrisë së Punëve të Brendshme dhe Ministrisë së Arsimit dhe Sportit, për zbatimin e programit “Siguria e të rinjve”, shërbimet e Policisë kanë vijuar takimet sensibilizuese me nxënësit e shkollave 9-vjeçare të qarkut Fier.

Takimet e radhës u zhvilluan nga ndihmësspecialistët e DVP Fier për edukimin në shkolla, në bashkëpunim me stafet e shkollave 9-vjeçare “Flatrat e Dijes”, “Arkea 2000” “Sila Gjini” dhe “Zyber Sharka Hysgjokaj”.

Gjatë takimeve u bashkëbisedua me nxënësit, për tema si:
● Dhuna dhe parandalimi i saj;
● Bullizmi në mjediset shkollore;
● Bullizmi kibernetik dhe siguria në internet;
● Trafikimi i qenieve njerëzore;
● Rëndësia e denoncimit dhe kërkimit të ndihmës në rastet kur nxënësit përballen me situata të rrezikshme.

Gjithashtu, nxënësit u informuan mbi rreziqet që vijnë nga përdorimi i lëndëve narkotike, duhanit dhe alkoolit, si dhe nga mbajtja dhe përdorimi i armëve të vogla dhe të lehta (AVL).

Përmes takimeve dhe aktiviteteve informuese, synohet parandalimi i këtyre fenomeneve, promovimi i sjelljeve të përgjegjshme dhe rritja e sigurisë për nxënësit brenda dhe jashtë ambienteve shkollore.

Punonjësit e Policisë kishin përgatitur materiale ilustruese për nxënësit, si dhe iu shpërndanë atyre fletëpalosje me informacione dhe kuriozitete mbi fushën e sigurisë.

Prezantimi i temës u shoqërua me video dhe foto, nëpërmjet të cilave nxënësit kishin mundësinë të shihnin konkretisht pasojat nga fenomenet që u trajtuan.

#PoliciShkollë
#Përsigurinëtuaj
#Sëbashkupërnjëkomunitettësigurtë

The post Fier/Vijojnë takimet informuese dhe sensibilizuese në shkolla appeared first on Policia e Shtetit.

Orë edukative me nxënësit e shkollës 9-vjeçare “Fuat Babani”.

Në zbatim të programit “Siguria e të Rinjve”, që ka si qëllim edukimin dhe ndërgjegjësimin e nxënësve, evidentimin dhe parandalimin e fenomeneve që cenojnë sigurinë dhe mirëqenien e tyre, u zhvillua në shkollën “Fuat Babani”, një takim me nxënësit e klasave VI.

Gjatë takimit u trajtuan tema me rëndësi të veçantë, si:
●Dhuna dhe parandalimi i saj;
●Bullizmi në mjediset shkollore;
●Bullizmi kibernetik dhe siguria në internet;
●Trafikimi i qenieve njerëzore;
●Rëndësia e denoncimit dhe kërkimit të ndihmës në rastet kur nxënësit përballen me situata të rrezikshme.

Përmes bashkëbisedimit, vizatimeve të bëra nga vetë nxënësit dhe informimit, nxënësit u inkurajuan të jenë më të ndërgjegjshëm për rreziqet që i rrethojnë, të respektojnë njëri-tjetrin dhe të kontribuojnë në krijimin e një mjedisi shkollor të sigurt, gjithëpërfshirës, pa dhunë dhe fenomene negative.

#SiguriaETëRinjve
#Edukim#Ndërgjegjësim#Parandalim
#StopBullizmitDhunesTrafikimit

The post Devoll/Orë edukative me nxënësit e shkollës 9-vjeçare “Fuat Babani” appeared first on Policia e Shtetit.

Me qëllim edukimin dhe ndërgjegjësimin e të rinjve mbi evidentimin dhe parandalimin e fenomeneve që cenojnë sigurinë dhe mirëqenien e tyre, ndihmëspecialistët e Edukimit në Shkolla, në bashkëpunim me stafin pedagogjik, zhvilluan takime me nxënësit e 6 shkollave 9-vjeçare në qytetin e Shkodrës.

Gjatë takimeve u trajtuan tema me rëndësi të veçantë për moshën e adoleshencës, si dhuna në shkollë, bullizmi, bullizmi kibernetik dhe trafikimi.

Përmes bashkëbisedimit dhe informimit, nxënësit u informuan mbi rreziqet që mund t’u kanosen, rëndësinë e respektimit të njëri-tjetrit dhe domosdoshmërinë e kërkimit të ndihmës në çdo rast kur ndihen të kërcënuar apo përballen me situata problematike.

Takime të tilla synojnë krijimin e një mjedisi shkollor të sigurt, gjithëpërfshirës dhe pa dhunë, si dhe forcimin e bashkëpunimit mes Policisë, shkollës, nxënësve dhe komunitetit.

Siguria e të rinjve është përgjegjësi e përbashkët.

#SiguriaETëRinjve
#Edukimi
#StopBullizmit
#SiguriaKibernetike
#JoTrafikimit

The post Shkodër/Zhvillohen takime me nxënës të shkollave të tjera të qarkut, në zbatim të programit “Siguria e të Rinjve” appeared first on Policia e Shtetit.

Vijojnë takimet në shkolla të ndryshme të kryeqytetit, në kuadër të programit “Siguria e të Rinjve”.

Në kuadër të këtij programi, shefat e komisariateve të Policisë dhe strukturat në varësi të tyre, në bashkëpunim me stafet pedagogjike, kanë zhvilluar takime me nxënës të shkollave të ndryshme të kryeqytetit, me qëllim ndërgjegjësimin e tyre për evidentimin dhe parandalimin e fenomeneve që cenojnë sigurinë dhe mirëqenien e të rinjve.

Gjatë bashkëbisedimeve u trajtuan tema të ndryshme si dhuna në shkollë, bullizmi, bullizmi kibernetik, si dhe mënyrat e parandalimit dhe adresimit të këtyre problematikave.

Nxënësit u informuan mbi rreziqet që mund t’u kanosen, rëndësinë e respektimit të njëri-tjetrit dhe domosdoshmërinë e kërkimit të ndihmës në rastet kur përballen me situata problematike.

Këto takime synojnë forcimin e bashkëpunimit mes Policisë, institucioneve arsimore dhe komunitetit, për krijimin e një mjedisi shkollor të sigurt, gjithëpërfshirës dhe pa dhunë.

Siguria e të rinjve është përgjegjësi e përbashkët.

The post Tiranë/Zhvillohen takime në shkolla të ndryshme, në kuadër të programit “Siguria e të Rinjve” appeared first on Policia e Shtetit.

Le ta bëjmë kujdesin ndaj vetes pjesë të përditshmërisë sonë.

#TetorRozë #PoliciaeShtetit #ForcaQëFrymëzon #KontrolliParandalon

The post Korçë/Mesazh sensibilizues për kontrollit e gjirit, në tetorin rozë appeared first on Policia e Shtetit.

Gjatë këtyre takimeve, bashkëbisedimi me nxënësit u përqendrua në tema të rëndësishme për moshën e tyre, si parandalimi i bullizmit, siguria në shkollë, respektimi i rregullave dhe bashkëpunimi me Policinë, si dhe në rëndësinë e krijimit të një mjedisi të sigurt dhe të shëndetshëm për zhvillimin e procesit mësimor.

Në takime morën pjesë edhe psikologët dhe oficerët e sigurisë në shkolla, të cilët u bënë pjesë e diskutimeve dhe bashkëbisedimeve me nxënësit.

Punonjësit e Policisë prezantuan materiale informuese dhe ilustruese, ndërsa nxënësve iu shpërndanë fletëpalosje me këshilla, informacione dhe mesazhe sensibilizuese për sigurinë dhe sjelljen e përgjegjshme.

#SiguriaNëShkolla

The post DVP Fier/Zhvillohen takime të tjera informuese dhe sensibilizuese në shkolla appeared first on Policia e Shtetit.

Në kuadër të Planit të Masave për Sigurinë në Shkolla, Shefi i Komisariatit të Policisë Malësi e Madhe, Komisar Koldian Ceka, së bashku me SPZ-të, zhvilluan takim me drejtuesit e institucioneve arsimore dhe oficerët e sigurisë.

Gjatë takimit u diskutua mbi masat për garantimin e një mjedisi të sigurt për nxënësit, identifikimin dhe adresimin e problematikave, respektimin e rregullave në institucionet arsimore, si dhe forcimin e bashkëpunimit ndërinstitucional për parandalimin e çdo situate që mund të cenojë sigurinë e nxënësve.

Policia e Shtetit vijon angazhimin për rritjen e pranisë dhe forcimin e bashkëpunimit me drejtuesit dhe stafet pedagogjike të shkollave, oficerët e sigurisë, nxënësit dhe prindërit, me qëllim parandalimin e fenomeneve negative dhe garantimin e sigurisë në mjediset shkollore.

Takimet dhe aktivitetet në kuadër të Planit të Masave për Sigurinë në Shkolla do të vijojnë gjatë gjithë vitit shkollor 2026–2027, në të gjitha institucionet arsimore të qarkut Shkodër.

#SiguriaNëShkolla
#PoliciaPranëKomunitetit

The post Malësi e Madhe/Vijon angazhimi i Policisë për garantimin e sigurisë në institucionet arsimore appeared first on Policia e Shtetit.

Në kuadër të angazhimit për forcimin e sigurisë në institucionet arsimore, shefi i Komisariatit të Policisë Elbasan, Kryekomisar Oltion Demiraj, dhe koordinatorja e SPZ-ve, zhvilluan takime me nxënësit dhe drejtuesit e shkollave “Luigj Gurakuqi”, “Avdyl Paralloj”, “Vasil Kamami”, “Ptoleme Xhuvani”, “Onufri” dhe “Ali Agjahu”.

Takimet u fokusuan në çështje që lidhen me sigurinë dhe mirëqenien e nxënësve, duke diskutuar mbi problematikat e mundshme, respektimin e rregullave dhe mënyrat e parandalimit të situatave që mund të cenojnë sigurinë e tyre.

Një shkollë e sigurt ndërtohet përmes komunikimit, besimit dhe bashkëpunimit. Për këtë arsye, Policia mbetet e angazhuar për të qenë pranë nxënësve, për t’i dëgjuar dhe për të bashkëpunuar me ta, stafet pedagogjike dhe prindërit, në funksion të një mjedisi sa më të sigurt.

Takimet me nxënësit do të vijojnë gjatë vitit shkollor 2026–2027, në kuadër të aktiviteteve të përbashkëta për rritjen e sigurisë në shkollat e qarkut Elbasan.

#SiguriaNëShkolla
#PoliciaPranëKomunitetit

The post Elbasan/Zhvillohen takime me nxënësit dhe drejtuesit e disa shkollave, për sigurinë në shkolla appeared first on Policia e Shtetit.

Në ambientet e shkollave 9-vjeçare në fshatin Floq dhe Vinçan, u zhvilluan takime me temë “Siguria në shkolla, një hap drejt një komuniteti të sigurt”, me fokus garantimin e sigurisë së nxënësve në shkolla, në rrugë dhe në komunitet.

Në takime morën pjesë përfaqësues të Prefekturës, të Sektorit të Rendit të DVP Korçë, të AKU-së dhe drejtues të institucioneve arsimore, si dhe oficerë të sigurisë në shkolla.

Siguria e fëmijëve dhe e të rinjve është një përgjegjësi e përbashkët. Bashkëpunimi ndërinstitucional, komunikimi i vazhdueshëm dhe angazhimi i përbashkët janë thelbësorë për krijimin e një mjedisi sa më të sigurt për nxënësit dhe komunitetin.

Gjatë vitit shkollor 2026–2027, takimet dhe aktivitetet me fokus sigurinë e nxënësve do të vijojnë edhe me drejtues të shkollave të tjera të qarkut Korçë.

The post Korçë/Zhvillohen takime me temë “Siguria në shkolla, një hap drejt një komuniteti të sigurt” appeared first on Policia e Shtetit.

Në kuadër të programit kombëtar “Siguria në shkolla” dhe në vijim të bashkëpunimit ndërinstitucional, në ambientet e gjimnazit “Siri Shapllo”, u zhvillua një takim me drejtuesit e institucioneve arsimore dhe strukturat e tjera përgjegjëse për sigurinë në arsim.

Në këtë takim morën pjesë Drejtori i DVP Gjirokastër, Drejtues Altin Merizaj, Prefektja e Qarkut Gjirokastër, znj. Albana Hasanaj, Drejtoresha e Zyrës Vendore Arsimore Gjirokastër, znj. Etleva Yzo, zëvendësdrejtori për Sigurinë Publike i DVP Gjirokastër, Kryekomisar Altin Demiraj, shefi i Komisariatit të Policisë Gjirokastër, Kryekomisar Agim Troci, shefi i Seksionit të Patrullës së Përgjithshme dhe Forcës së Posaçme “Shqiponja”, në DVP Gjirokastër, Komisar Klement Lena, ndihmësspecialistët për Edukimin dhe Sigurinë në Shkolla të DVP Gjirokastër, si dhe drejtorët e shkollave, oficerët e sigurisë dhe psikologët.

Takimi kishte si synim analizimin e situatës së sigurisë në shkolla, evidentimin e problematikave, koordinimin e masave dhe përcaktimin e përgjegjësive konkrete, për garantimin e një viti shkollor të qetë, të sigurt dhe sa më larg fenomeneve kriminale për fëmijët dhe të rinjtë.

Gjatë diskutimeve u vu theksi te rritja e masave të sigurisë brenda dhe përreth ambienteve arsimore, si dhe te forcimi i bashkëpunimit ndërmjet Policisë, drejtuesve të shkollave dhe oficerëve të sigurisë, me qëllim evidentimin dhe parandalimin në kohë të problematikave që mund të cenojnë sigurinë dhe mirëqenien e nxënësve.

Vëmendje e veçantë iu kushtua sigurisë rrugore pranë shkollave, parandalimit të dhunës, bullizmit dhe sjelljeve me risk në komunitetin shkollor dhe në hapësirën digjitale, si dhe rritjes së komunikimit të vazhdueshëm me nxënësit, prindërit dhe komunitetin.

Drejtuesit e Policisë dhe të institucioneve arsimore theksuan se siguria e nxënësve është një përgjegjësi e përbashkët, ndaj secili duhet të kontribuojë sipas fushës së përgjegjësisë, për garantimin e saj.

Policia e Gjirokastrës do të vijojë takimet dhe monitorimet në terren, me qëllim garantimin e një viti shkollor të sigurt dhe të qetë.

Bashkë për sigurinë e nxënësve!

#SiguriaNëShkolla
#NxënësitTëParët
#RaportoÇdoShqetësim

The post Gjirokastër/Zhvillohen takime në kuadër të programit kombëtar “Siguria në shkolla” appeared first on Policia e Shtetit.