Punonjës të Drejtorisë Vendore të Policisë Lezhë dhe komisariateve në varësi iu bashkuan nismës sensibilizuese “Dhuro gjak, shpëto jetë!”, të organizuar nga Qendra Kombëtare e Transfuzionit të Gjakut, duke dhuruar gjak në ndihmë të personave që jetojnë me talasemi.

Dhurimi i gjakut është një akt i lartë humanizmi dhe solidariteti, që shkon përtej detyrave të përditshme për garantimin e rendit dhe sigurisë publike.

Ky gjest pasqyron përkushtimin e punonjësve të Policisë së Shtetit për t’i shërbyer komunitetit dhe për të qenë pranë qytetarëve edhe në momentet kur ata kanë më shumë nevojë.

‍ Policia e Lezhës mbështet dhe promovon nisma të tilla humanitare, duke kontribuar në shpëtimin e jetëve, forcimin e lidhjeve me komunitetin dhe përcjelljen e mesazheve të solidaritetit, humanizmit dhe përgjegjshmërisë qytetare.

#DhuroGjakShpëtoJetë
#MeKomunitetin #DVPLezhë #PoliciaeShtetit

The post Lezhë/Punonjësit e Policisë i bashkohen nismës sensibilizuese “Dhuro gjak, shpëto jetë!” appeared first on Policia e Shtetit.

The post Apel: Zbatoni rregullat e qarkullimit rrugor për një destinacion të sigurt! appeared first on Policia e Shtetit.

Gjithashtu, vijon intensivisht zbatimi i detyrave të parashikuara në planin e masave për garantimin e sigurisë publike gjatë sezonit turistik veror.

Shërbimet e Komisariatit të Policisë Shkodër dhe të Stacionit të Policisë Velipojë, gjatë këtyre ditëve, sipas hartëzimit të zonave me risk për ndotje akustike, kanë organizuar grupe kontrolli në terren, gjatë të cilave, në bazë të ligjit nr. 9774, datë 12.07.2007, “Për administrimin e zhurmës në mjedis”, i ndryshuar, kanë testuar me matës të zhurmës, disa ambiente dhe subjekte, të hapura dhe të mbyllura, në Shkodër dhe në Velipojë.

Matjet e realizuara, sipas kushteve të përcaktuara në procedurën standarde për këtë qëllim, kanë rezultuar brenda kufijve të lejuar.

Krahas matjes së nivelit të zhurmës, strukturat përgjegjëse kanë kryer kontrolle dhe për respektimin e orarit të lejuar për aktivitetet me muzikë, në ambiente të hapura dhe në qendra të banuara, i cili është nga ora 11:00 deri në orën 24:00.

Policia e Shkodrës mbetet e angazhuar dhe e vendosur për të garantuar një mjedis të qetë dhe të sigurt për qytetarët, vizitorët dhe pushuesit.

Ftojmë qytetarët të denoncojnë çdo shkelje dhe çdo paligjshmëri që hasin, duke iu garantuar anonimat dhe ndërhyrje të menjëhershme konform ligjit.

#PoliciaeShkodrës #SezoniTuristik2026 #QetësiDheSiguri #RespektoLigjin #NëShërbimTëQytetarëve

The post Policia e Shkodrës, kontrolle për nivelin e zhurmave dhe zbatimin e orarit të aktiviteteve me muzikë appeared first on Policia e Shtetit.

Gjatë javës që shkoj, për shkelje të normave të ndryshme të Kodit Rrugor, janë arrestuar 14 shtetas, janë vendosur 1606 masa administrative.

Fokus i monitorimit ka qenë ndëshkimi i drejtimit të automjetit nën efektin e alkoolit, si një ndër shkeljet më të rrezikshme dhe më shpesh burim aksidentesh me pasoja. Si dhe parkimet dyshe të cilat bëhen pengesë për trafikun në qytet.
Konkretisht, për këtë shkelje, gjatë javës, janë arrestuar 11 shtetas.

Më tej, janë vendosur këto masa:
-410 për ndalim, pushim mjeti ose qëndrim të gabuar;
-40 për mosvendosje të rripit të sigurimit;
-8 për përdorim të celularit gjatë drejtimit të mjetit;
-39 për përdorim të pijeve alkoolike;
-31 paraklime të gabuara;
-1078 për shkelje të normave të shpejtësisë.

Policia Rrugore Durrës apelon sërish, për respektim rigoroz të rregullave të qarkullimit rrugor, si një kontribut publik për përmbushjen e parametrave të sigurisë rrugore, për mbrojtjen e jetës/shëndetit të përdoruesve të rrugës dhe për qarkullimin e lirë dhe pa pengesa në rrugë.

The post Durrës/Monitorim intensiv i qarkullimit të automjeteve, me pajisje inteligjente appeared first on Policia e Shtetit.

Në një botë gjithnjë e më të lidhur përmes teknologjisë, siguria kibernetike nuk është vetëm përgjegjësi e institucioneve ligjzbatuese, por edhe e çdo qytetari, biznesi, prindi, mësuesi dhe përdoruesi të internetit. Veprimet tona në mjedisin online kanë ndikim real dhe mund të kontribuojnë në parandalimin ose nxitjen e veprimtarive kriminale.

Qytetarët duhet të jenë të vetëdijshëm se veprime të tilla si: hyrja e paautorizuar në sisteme kompjuterike, mashtrimet online dhe vjedhja e identitetit, hpërndarja e programeve keqdashëse (malware), vjedhja, përdorimi ose publikimi i paligjshëm i të dhënave personale, shpërndarja apo posedimi i përmbajtjeve të paligjshme në internet dhe përbëjnë vepra penale dhe ndëshkohen sipas legjislacionit në fuqi.

Policia e Shtetit mbetet e angazhuar në luftën kundër krimit kibernetik, në forcimin e bashkëpunimit kombëtar dhe ndërkombëtar, si dhe në promovimin e edukimit digjital dhe kulturës së sigurisë kibernetike.

Në këtë ditë, ftojmë qytetarët, institucionet, bizneset dhe veçanërisht të rinjtë të informohen mbi rreziqet në internet, të përdorin teknologjinë me përgjegjësi dhe të raportojnë çdo aktivitet të dyshimtë.

Informohu! Vepro me përgjegjësi! Respekto ligjin edhe online!

Së bashku mund të kontribuojmë për një internet më të sigurt për të gjithë.

#InterCOP#KrimiKibernetik#PoliciaeShtetit#CyberSecurity#CyberAwareness#InternetISigurt

The post 15 Qershor – Dita Ndërkombëtare e Parandalimit të Krimeve Kibernetike appeared first on Policia e Shtetit.

Fokus i monitorimit ka qenë ndëshkimi i drejtimit të automjetit nën efektin e alkoolit, si një ndër shkeljet më të rrezikshme dhe më shpesh burim aksidentesh me pasoja.

The post Durrës/Monitorim intensiv, me pajisje inteligjente, në akset rrugore appeared first on Policia e Shtetit.

Në kuadër të edukimit dhe ndërgjegjësimit të brezit të ri mbi rëndësinë e respektimit të rregullave të qarkullimit rrugor, nga Seksioni i Policimit në Komunitet pranë Komisariatit të Policisë Nr. 1 u zhvillua programi “Fushatë ndërgjegjësimi për Sigurinë Rrugore”.

Kjo nismë u realizua në bashkëpunim me Policinë Rrugore, ku pjesë aktive u bënë nxënës të një klase të 6-të. Aktiviteti nuk u kufizua vetëm në shpjegime teorike, por u zhvillua edhe në terren, duke i dhënë fëmijëve mundësinë të shohin nga afër zbatimin e rregullave të qarkullimit rrugor.

Të pajisur me jelekë sinjalizues, nxënësit dolën në rrugë së bashku me efektivët e policisë, duke përcjellë mesazhe ndërgjegjësuese për qytetarët dhe drejtuesit e mjeteve. Ata u njohën me mënyrën e kalimit të sigurt në vijat e bardha, rëndësinë e semaforëve dhe respektimin e sinjalistikës rrugore.

Përmes këtij programi, synohet jo vetëm rritja e njohurive të fëmijëve mbi sigurinë rrugore, por edhe krijimi i një kulture përgjegjësie që ata ta përcjellin më tej në familje dhe komunitet.

Policia e Tiranës mbetet e angazhuar në promovimin e sigurisë rrugore dhe në edukimin e qytetarëve, duke e konsideruar këtë një investim të rëndësishëm për jetën dhe mirëqenien e të gjithëve.

The post Tiranë/Zhvillohet në bashkëpunim me disa nxënës, fushatë ndërgjegjësimi për sigurinë rrugore appeared first on Policia e Shtetit.

Gjatë javës së fundit, shërbimet e Policisë Rrugore kanë intensifikuar kontrollet në të gjitha akset kryesore urbane dhe interurbane, me qëllim rritjen e parametrave të sigurisë rrugore dhe parandalimin e aksidenteve.

33 drejtues mjetesh janë arrestuar/proceduar penalisht, për shkelje të rregullave të ndryshme të qarkullimit rrugor.

Janë vendosur masat administrative si më poshtë:
-34 masa për drejtim mjeti në efektin e alkoolit;
-585 masa për shkelje të limiteve të shpejtësisë;
-584 masa për mosvendosje të rripit të sigurimit;
-611 masa për përdorim të celularit gjatë drejtimit të mjetit;
-316 masa për parakalime të gabuara;
-201 masa për mospozicionim të rregullt në karrexhatë;
-66 masa për mosrregullim të shpejtësisë sipas kushteve të rrugës;
-812 masa për mosvendosje të kaskës mbrojtëse;
-486 masa për shkelje që lidhen me mosrespektimin e këmbësorëve.

Gjithashtu, janë zhvendosur me mjet ngritës (karrotrec), 85 automjete, për shkelje të ndryshme të Kodit Rrugor.

Policia Rrugore apelon për respektim rigoroz të rregullave të qarkullimit, përdorimin e pajisjeve të sigurisë dhe shmangien e çdo veprimi që rrezikon jetën e përdoruesve të rrugës.

The post Tiranë/Kontrolle intensive nga Policia Rrugore, gjatë javës së fundit appeared first on Policia e Shtetit.

The post Policia e Shtetit, apel për qytetarët, në Javën e Internetit të Sigurt appeared first on Policia e Shtetit.

Objektivi kryesor, mbrojtja e jetës dhe shëndetit të përdoruesve të rrugës, nga ngjarjet rrugore.

Në funksion të përmbushjes së këtij objektivi, gjatë 48 orëve të fundit:
-u konstatuan 524 shkelje të rregullave të qarkullimit rrugor, të cilat u ndëshkuan me masa administrative;
-u arrestuan ose proceduan penalisht 12 shtetas, të cilët nëpërmjet manovrave me mjete, rrezikuan rëndë shëndetin/jetën e përdoruesve të rrugës.

Ndër masat e vëna:
-85 ishin për drejtues automjetesh, të cilët duke mos respektuar radhën, krijuan situata kaotike në trafik dhe rrezikuan lëvizjen e mjeteve të tjera;
-179 ishin për mosvendosje të rripit të sigurimi, gjatë drejtimit të automjetit;
-260 ishin për përdorim të celularit, gjatë drejtimit të automjetit.

Policia Rrugore apelon sërish, për të gjithë drejtuesit e mjeteve që të respektojnë rregullat e qarkullimit rrugor, të përdorin rripin e sigurimit, të mos përdorin celularin gjatë drejtimit të mjetit dhe të tregojnë kujdes maksimal gjatë çdo manovre, me qëllim parandalimin e aksidenteve dhe mbrojtjen e jetës së tyre dhe të qytetarëve të tjerë.

Kontrollet vijojnë çdo ditë, në të gjitha akset e qarkut.

The post Policia Rrugore e Tiranës, kontrolle intensive, me shërbime të shtuara dhe pajisje bashkëkohore appeared first on Policia e Shtetit.