Me taksi nga Tirana drejt Mamurrasit për të shitur lëndë narkotike, arrestohet në flagrancë 31-vjeçari.

Sekuestrohen 126 doza me lëndë të dyshuar narkotike kokainë, me peshë rreth 109 gramë.

Seksioni për Hetimin e Narkotikëve, në bashkëpunim me Seksionin për Mbështetjen Operacionale të Hetimit, finalizoi operacionin policor të koduar “Destinacioni”.

Gjatë operacionit u arrestua në flagrancë shtetasi S. S., 31 vjeç, lindur në Sarandë dhe banues në Tiranë.

Ky shtetas do të udhëtonte me një automjet taksi nga Tirana në drejtim të qytetit të Mamurrasit, për të shitur lëndë narkotike.

Pas marrjes së informacionit, u organizuan shërbimet dhe, në aksin e vjetër Mamurras–Thumanë, në vendin e quajtur kryqëzimi i Fushë-Mamurrasit, u konstatua dhe u ndalua automjeti taksi me drejtues shtetasin S. S.

Gjatë kontrollit në automjet, u gjetën dhe u sekuestruan në cilësinë e provës materiale 126 doza me lëndë të dyshuar narkotike kokainë, me peshë rreth 109 gramë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm, për veprën penale “Prodhimi dhe shitja e narkotikëve”.

The post Lezhë/Finalizohet operacioni antidrogë i koduar “Destinacioni” appeared first on Policia e Shtetit.

Shisnin lëndë narkotike kokainë në zona të ndryshme të Burrelit, arrestohen në flagrancë 3 shtetas.

Gjatë kontrolleve fizike dhe në ambientet e banesave të këtyre shtetasve, u gjetën dhe u sekuestruan;

-133 gram lëndë e dyshuar narkotike kokainë
-19 fishekë luftarakë të kalibrave të ndryshëm
-13 telefona celularë
-2 peshore elektronike
-1 automjet
-1 orë dore e markës “Rolex”.
-sasi parash në lekë dhe euro.

Specialistët e Seksionit për Hetimin e Narkotikëve në DVP Dibër, në bashkëpunim me shërbimet e seksionit Operacional dhe Komisariatin e Policisë Mat, si rezultat i një hetimi proaktiv, të kryer nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Dibër, për dokumentimin e veprimtarisë kriminale të 3 shtetasve në fushën e narkotikëve, finalizuan operacionin policor të koduar “Start 3”.

Në kuadër të këtij operacioni u arrestuan në flagrancë shtetasit:

A. M., 27 vjeç, dhe D. Gj., 55 vjeç, banues në Sanxhak, Laç;

N. Gj., 72 vjeç, banues në Burrel.

Nga hetimet e kryera dyshohet se këta shtetas, në bashkëpunim me njëri-tjetrin, përgatitnin dhe shisnin lëndë narkotike kokainë në zona të ndryshme të qytetit të Burrelit.

Materialet procedurale iu referuan Prokurorisë Dibër, për veprime të mëtejshme.

The post DVP Dibër/Finalizohet operacioni i koduar “Start 3” appeared first on Policia e Shtetit.

Identifikohen dhe arrestohen 2 shtetas, njëri i dyshuar si porositës dhe tjetri si autor i djegies së automjetit.

Specialistët për Hetimin e Krimeve të Komisariatit të Policisë Vlorë, në vijim të veprimeve hetimore të kryra në drejtimin e Prokurorisë, për zbardhjen e ngjarjes së ndodhur më datë 22.09.2026, rreth orës 01:20, në lagjen “1 Maji”, Vlorë, ku u dogj automjeti në pronësi të shtetases S. N., organizuan dhe finalizuan operacionin e koduar “Order”.

Fillimisht, ngjarja u raportua si aksidentale për shkak të një defekti teknik në motorin e automjetit, por nga veprimet intensive hetimore u zbulua se automjeti ishte djegur qëllimisht.

Në kuadër të operacionit u arrestuan shtetasit R. K., 33 vjeç dhe T. K., 36 vjeç, të banues në Vlorë, pasi dyshohet se shtetasi R. K. ka porositur shtetasin T. K., për djegien e automjetit në pronësi të shtetases S. N., 50 vjeçe, banuese në Vlorë.

Vijojnë hetimet për dokumentimin e plotë ligjor të këtij rasti.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprën penale “Shkatërrimi i pronës me zjarr”, kryer në bashkëpunim.

The post Vlorë/Finalizohet operacioni i koduar “Order” appeared first on Policia e Shtetit.

Është finalizuar 1 operacion nga DVP Tiranë, gjatë të cilit u zbulua një magazinë në Selitë, ku ruheshin medikamente të ndryshme, dyshohet me qëllim përfitimin e fondeve të rimbursimit, nëpërmjet mashtrimit dhe falsifikimit të dokumenteve.

Janë kapur 5 shtetas që ishin në kërkim për vepra të ndryshme penale.

U ekzekutua vendimi i Gjykatës së Shkallës së Parë të Juridiksionit të Përgjithshëm Shkodër, për shtetasin e deportuar nga Spanja, A. C., 23 vjeç, i dënuar me 2 vjet burgim nga kjo Gjykatë, për veprën penale “Vjedhja”.

Në fushën e narkotikëve janë goditur 2 raste, me 2 shtetas të proceduar në gjendje të lirë. Janë sekuestruar, në cilësinë e provës materiale, sasi të lëndës së dyshuar narkotike Cannabis Sativa.

Në fushën e krimeve ndaj personit janë evidentuar 11 raste, me 14 shtetas të proceduar në gjendje të lirë, ndërsa për 2 raste po punohet për identifikimin dhe kapjen e autorëve.

Ndërkohë, në Vlorë u arrestua në flagrancë shtetasi J. D., 23 vjeç, banues në Vlorë, pasi dyshohet se mbrëmjen e djeshme, në një restorant në lagjen “Uji i Ftohtë”, gjatë një konflikti për motive të dobëta, ka kanosur me mjet prerës (thikë) 2 shtetas.

Në fushën e krimeve kundër pronës janë evidentuar 7 raste, me 6 shtetas të proceduar në gjendje të lirë dhe 2 në kërkim.

Në fushën e krimeve kundër mjedisit janë evidentuar 8 raste, me 8 shtetas të proceduar në gjendje të lirë.

Gjithashtu, u ndalua shtetasi B. P., 55 vjeç, banues në fshatin Lëpushë, Malësi e Madhe, pasi dyshohet se ka kryer punime për ndërtimin e 2 bujtinave pa leje, në zonë të mbrojtur, në fshatin Vermosh, Malësi e Madhe.

Janë evidentuar 6 raste të dhunës në familje, me 1 shtetas të arrestuar, 4 të proceduar në gjendje të lirë dhe 1 në kërkim. Gjithashtu, janë plotësuar 6 kërkesë-padi për lëshimin e urdhrave të mbrojtjes.

Në fushën e krimeve ekonomike janë evidentuar 2 raste, me 2 shtetas të proceduar në gjendje të lirë.

Tiranë/ U procedua një 33-vjeçar, pasi iu gjetën në automjet 32 615 euro, pa asnjë dokument shoqërues që vërteton burimin e tyre.

Në fushën e krimeve kibernetike është evidentuar 1 rast, me 1 autor të proceduar në gjendje të lirë.

Janë arrestuar 2 shtetas dhe janë proceduar penalisht 7 shtetas, pasi drejtonin mjete në gjendje të dehur dhe/ose pa leje drejtimi.

U arrestua 1 shtetas dhe u proceduan penalisht 5 shtetas, pasi dyshohet se kanë shkelur rregullat e qarkullimit rrugor.

Lushnjë/ U procedua penalisht shtetasi I. M., 21 vjeç, banues në Lushnjë, pasi ka parkuar në mënyrë të parregullt automjetin që drejtonte pa leje drejtimi, në lagjen “Kongresi”, duke u bërë pengesë për kalimin e një ambulance dhe të mjeteve të tjera.

U procedua penalisht 1 shtetas, për kundërshtim të punonjësve të Policisë.

U proceduan penalisht 4 shtetas, për vepra të ndryshme penale.

Shërbimet e Policisë Kufitare kapën 1 shtetas në kërkim dhe proceduan penalisht 11 shtetas, për kalim të paligjshëm të kufirit, falsifikim dokumentesh dhe trafikim të mjeteve motorike.

Interpol Tirana/ Si rezultat i bashkëpunimit ndërmjet specialistëve të Drejtorisë së Interpolit dhe homologëve të Interpol Mançesterit, në kuadër të operacionit të koduar “The Wanted”, u ekstradua nga Mbretëria e Bashkuar në Shqipëri shtetasi Andi Hoxha, 24 vjeç, lindur në Tiranë, i cili ishte shpallur në kërkim ndërkombëtar, sepse Gjykata e Vlorës, në vitin 2025, e ka dënuar me 5 vjet burgim për veprën penale “Ndihma për kalim të paligjshëm të kufijve”.

Në vitin 2023, shtetasi Andi Hoxha ka transportuar me automjet të marrë me qira 9 shtetas sirianë, të cilët e kishin paguar 1000 euro/person për t’i transportuar ilegalisht në Kosovë, me qëllim lëvizjen drejt shteteve të BE-së.

Sarandë/ Dje, rreth orës 22:30, në dalje të tunelit të Skërficës, ka rënë zjarr në automjetin në lëvizje, me drejtues shtetasin M. Dh., 37 vjeç, banues në Himarë. Dyshohet se zjarri ka rënë për shkak të një shkëndije elektrike në motor. Si pasojë, automjeti u dogj plotësisht, ndërsa drejtuesi pësoi djegie në trup. Ai po merr mjekim në Spitalin e Traumës, Tiranë. Grupi hetimor vijon punën për dokumentimin e shkakut të rënies së zjarrit.

Policia e Shtetit fton qytetarët të denoncojnë në numrin pa pagesë 112 çdo rast paligjshmërie, duke garantuar reagim profesional dhe të shpejtë, si dhe ruajtjen e anonimatit.

The post Rezultatet kryesore të strukturave policore në vend dhe ngjarjet e ndodhura gjatë 24 orëve të fundit appeared first on Policia e Shtetit.

Finalizohet operacioni i koduar “Return”.

Identifikohen dhe arrestohen 2 prej autorëve të dyshuar.

Specialistët për Hetimin e Krimeve të Komisariatit të Policisë Vlorë, në vijim të veprimeve hetimore për zbardhjen e ngjarjes së ndodhur më datë 19.10.2026, rreth orës 02:50, në fshatin Llakatund, ku u dëmtua me lëndë plasëse automjeti në pronësi të shtetasit I. B., organizuan dhe finalizuan operacionin e koduar “Return”.

Si rezultat i veprimeve intensive hetimore, u bë i mundur identifikimi dhe arrestimi i shtetasve:

* Sh. M., 41 vjeç;

* E. S., 43 vjeç, të dy banues në Tiranë.

Nga hetimet dyshohet se këta shtetas, në bashkëpunim me shtetas të tjerë ende të paidentifikuar, kanë vendosur një sasi lënde plasëse në automjetin e shtetasit I. B., 29 vjeç, banues në Shushicë, me detyrë administrator i njësisë administrative Shushicë.

Nga shpërthimi u shkaktuan vetëm dëme materiale.

Në bashkëpunim me Prokurorinë, vijojnë hetimet për identifikimin dhe kapjen e personave të tjerë të përfshirë në këtë ngjarje.

Materialet procedurale iu referuan Prokurorisë së Vlorës, për veprime të mëtejshme, për veprën penale “Shkatërrimi i pronës me eksploziv”, kryer në bashkëpunim.

The post Vlorë/Finalizohet operacioni i koduar “Return” appeared first on Policia e Shtetit.

Kanosën një shtetas (rezident në Itali), për t’iu kthyer borxhin, arrestohet 34-vjeçari dhe shpallet në kërkim bashkëpunëtori i tij, të dy me precedentë të mëparshëm penal.

34-vjeçari, i cili u kap në flagrancë duke marrë 2 automjete në këmbim të borxhit, kishte me vete armë neuroparalizuese. Sekuestrohen 2 automjetet dhe pistoleta neuroparalizuese.

Specialistët e Sektorit për Hetimin e Krimeve të Rënda, si rezultat i administrimit të menjëhershëm të kallëzimit të një 28-vjeçari, se ishte kanosur nga 2 shtetas, për dhënien e një shume parash, finalizuan operacionin e koduar “Këmbimi”, në kuadër të të cilit, u vu në pranga shtetasi F. S.(H.), 34 vjeç dhe u shpall në kërkim shtetasi R. M.(F.), 37 vjeç, të dy banues në Vlorë.

Nga veprimet hetimore dyshohet se këta shtetas kanë kanosur 28-vjeçarin që t’iu jepte shumën e parave që pretendonin se iu kishte borxh. Në këmbim, 28-vjeçari ka udhëzuar vëllanë e tij, për t’i dhënë në Lushnjë, 34-vjeçarit, 2 automjete.

Punohet për lokalizimin dhe kapjen e 37-vjeçarit, si dhe për sqarimin dhe dokumentimin e rrethanave të rastit.

Materialet procedurale iu referuan Prokurorisë, për veprime të mëtejshme.

The post Fier/Finalizohet operacioni i koduar “Këmbimi” appeared first on Policia e Shtetit.

U kap në afërsi të PKK Hani i Hotit, duke transportuar me automjet, 3 shtetas të huaj që synonin të kalonin ilegalisht në territorin e Malit të Zi, arrestohet në flagrancë 44-vjeçari.

Sekuestrohet automjeti me të cilin transportoheshin 3 shtetasit e huaj.

Specialistët e Seksionit për Hetimin e Trafiqeve të DVP Shkodër, në vijim të punës për evidentimin dhe goditjen e rasteve të dhënies ndihmë shtetasve të huaj, për kalim të paligjshëm të kufirit, bazuar dhe në informacionet e siguruara, organizuan dhe finalizuan operacionin e koduar “Destinationi”.

Në kuadër të këtij operacioni, u arrestua në flagrancë shtetasi Gj. U., 44 vjeç, banues në Shkodër.

Ky shtetas u kap nga shërbimet e Policisë, gjatë natës, në rrugën nacionale pranë PKK Hani i Hotit, duke transportuar me automjetin e tij, 3 shtetas me origjinë afrikane, që synonin të kalonin ilegalisht në territorin e Malit të Zi. 3 shtetasit e huaj nuk dispononin dokumente identifikimi dhe dyshohet se kanë hyrë në mënyrë të paligjshme në territorin e Republikës së Shqipërisë.

Materialet procedurale iu referuan Prokurorisë, për veprime të mëtejshme.

The post DVP Shkodër/Finalizohet operacioni i koduar “Destinationi” appeared first on Policia e Shtetit.

Arrestohet 35-vjeçari që kishte thyer masën e sigurisë “Arrest në shtëpi” dhe qarkullonte me automjet të blinduar.

Në pranga edhe pasagjeri, pasi posedonte lëndë të dyshuar narkotike.

Sekuestrohen një sasi lënde narkotike Cannabis Sativa, një jelek antiplumb, një armë e ftohtë (shpatë), automjeti i blinduar dhe 3 celularë.

Specialistët e Seksionit për Hetimin e Narkotikëve, në bashkëpunim me specialistët e Seksionit të Mbështetjes Operacionale për Hetimin, shërbimet e Forcës së Posaçme “Shqiponja” dhe të Komisariatit të Policisë Kurbin, bazuar në informacionet e siguruara, organizuan dhe finalizuan operacionin e koduar “Blindi”, në kuadër të të cilit u arrestuan në flagrancë shtetasit E. P., 35 vjeç, dhe Z. K., 31 vjeç, të dy banues në Laç.

Këta shtetas u kapën nga shërbimet e Policisë në qytetin e Laçit, duke lëvizur me një automjet luksoz të blinduar, tip “BMW”, që drejtohej nga shtetasi E. P.

Nga verifikimet rezultoi se shtetasi E. P. kishte thyer masën e sigurisë “Arrest në shtëpi”, caktuar nga Gjykata e Apelit Tiranë, për veprën penale “Prodhimi dhe shitja e narkotikëve”.

Shtetasit Z. K., pasagjer në automjet, gjatë kontrollit fizik iu gjet një sasi lënde e dyshuar narkotike Cannabis Sativa, ndërsa gjatë kontrollit në banesë iu gjetën një jelek antiplumb dhe një armë e ftohtë (shpatë).

Automjeti i blinduar, që dyshohet se është përfituar nga të ardhura me burime të dyshimta, lënda narkotike, sendet e kundërligjshme dhe 3 celularë u sekuestruan në cilësinë e provës materiale.

Vijojnë hetimet për dokumentimin e veprimtarive të kundërligjshme të këtyre shtetasve.

Materialet procedurale iu referuan Prokurorisë, për veprime të mëtejshme.

The post Kurbin/Finalizohet operacioni i koduar “Blindi” appeared first on Policia e Shtetit.

Zbulohet një magazinë me mbi 450 pajisje dhe artikuj (dronë, dedektorë, pajisje zbuluese/regjistruese, etj) të kontrabanduar.

Në magazinë u gjetën edhe 75 llastiqe gjuetie dhe një sasi të konsiderueshme me sfera metalike.

Vihet në pranga 23-vjeçari që posedonte pajisjet/artikujt, dyshohet për qëllime të kundërligjshme.

Ai u kap duke iu shitur llastiqe dhe sfera, pjesëmarrësve në protestat e ditëve të fundit, për të goditur punonjësit e Policisë dhe insitucionet.

Specialistët e Sektorit për Hetimin e Krimeve Ekonomiko-Financiare, si rezultat i administrimit të menjëhershëm të informacioneve të siguruara gjatë punës operative, finalizuan operacionin e koduar “Infrastruktura”, gjatë të cilit u arrestua pas konsultimit me prokurorin, shtetasi O. M., 23 vjeç, banues në Tiranë.

23-vjeçari u kap në flagrancë në rrugën “Tre Dëshmorët”, duke iu shitur pjesëmarrësve në protestë, 30 llastiqe gjuetie me sfera metalike, që u sekuestruan me cilësinë e provës materiale.

Më tej, u krye kontroll në një magazinë që posedonte 23-vjeçari, në rrugën “Kol Koçi”, ku u gjetën:
-239 dronë të madhësive të ndryshme;
-75 llastiqe gjuetie; një sasi të konsiderueshme me sfera metalike;
-44 celularë;
-17 Powerbank, 10 pajisje për lokalizimin GPS të automjeteve; 11 llamba LED; 3 drynë elektronikë me GPS;
-1 pajisje elektronike me antenë (RFGS Detector);
-3 palë syze me videoregjistrues;
-pajisje DVR;
-7 pajisje Bluetooth për automjete; 8 pajisje Blackbox me kamera për automjete;
-1 kompresor, 8 elektrikë dore; 6 pajisje lazer;
-2 pajisje Xiaomi Smart Plug 2; 3 pajisje elektronike; 5 pajisje K-68 për zbulimin e GPS-ve dhe kamerave;
-12 pajisje kompjuterike (mouse); 7 pajisje me lojëra kompjuterike; 7 pajisje Watch 10 Pro Max;
-8 çanta me hapje me gjurmë gishtash.

Shtetasi O. M. nuk dispononte asnjë dokumentacion për këto pajisje/artikuj.

Vijon hetimi për të dokumentuar veprimtarinë kriminale të shtetasit O. M., si dhe për të identifikuar dhe nxjerrë përpara përgjegjësisë penale, shtetas të tjerë të përfshirë në të.

Materialet procedurale iu referuan Prokurorisë, për veprime të mëtejshme, për veprat penale “Tregtimi dhe transportimi i mallrave që janë kontrabandë”, “Kontrabanda me mallra të tjera”, “Fshehja e të ardhurave”, “Mospagimi i taksave dhe tatimeve” dhe “Ushtrimi i një aktiviteti tregtar të paligjshëm ose të parregjistruar në organet tatimore dhe moslëshimi i kuponit tatimor, dëftesës ose faturës tatimore”.

The post Tiranë/Finalizohet operacioni i koduar “Infrastruktura” appeared first on Policia e Shtetit.

The post Dibër/Finalizohet operacioni policor i koduar “Taksia” appeared first on Policia e Shtetit.