Arrestohen në flagrancë 2 shtetas. Njëri prej tyre, gjithashtu lëvizte me armë, pa leje, në automjet.

Sekuestrohen arma (pistoletë, me zara metalikë), sasi dhe doza të lëndëve narkotike, si dhe automjetet dhe celularët e të arrestuarve.

Specialistët e Seksionit për Hetimin e Narkotikëve, në bashkëpunim me shërbimet e Forcës së Posaçme “Shigjeta”, si rezultat i kontrolleve permanente, të kryera me qëllim identifikimin dhe ndalimin e shtetasve që lëvizin të armatosur ose transportojnë lëndë narkotike, me qëllim shitjen, finalizuan operacionin e koduar “Variety”.

Gjatë operacionit u arrestuan shtetasit R. S., 36 vjeç dhe I. S, 50 vjeç, të dy banues në Tiranë.

-Nga kontrolli fizik, si dhe nga kontrollet në banesë dhe në automjetin që 36-vjeçari drejtonte në rrugën “Njazi Meka”, u gjetën sasi dhe doza të lëndëve të dyshuara narkotike Kokainë dhe Cannabis Sativa. Gjithashtu, në automjet iu gjet 1 armë imituese e armës së zjarrit pistoletë, me zara metalikë.

-Nga kontrolli në automjetin që drejtonte 50-vjeçari, në bulevadin “Zogu i Parë”, u gjet sasi lënde e dyshuar narkotike Kokainë, e ndarë në doza, me qëllim shitjen.

Materialet procedurale iu referuan Prokurorisë, për veprime të mëtejshme.\

The post Tiranë/Finalizohet operacioni i koduar “Variety”, arrestohen 2 shtetas appeared first on Policia e Shtetit.

Arrestohen bashkëshortja dhe djali i tij, të dyshuar për vrasjen e tij me armë zjarri dhe mjete të forta prerëse.

Më datë 04.11.2026, nga Sektori për Hetimin e Krimeve të Rënda në DVP Dibër, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Dibër, pas një hetimi intensiv, u bë i mundur dokumentimi i ngjarjes së ndodhur më datë 03.11.2026, në fshatin Godvi, Bulqizë.

Fillimisht, familjarët e shtetasit U. F. raportuan se ai kishte humbur jetën si pasojë e sulmit nga një kafshë e egër (ari), por nga hetimet e kryera dhe ekzaminimet mjekoligjore rezultoi se ky shtetas ishte vrarë me armë zjarri.

Në vijim të veprimeve hetimore, u bë ndalimi i shtetasve:

* S. F., 57 vjeçe;

* G. F., 33 vjeç;

të dy banues në fshatin Godvi (përkatësisht bashkëshortja dhe djali i shtetasit U. F.).

Ndalimi i tyre u bë pasi dyshohet se, në bashkëpunim me njëri-tjetrin, kanë vrarë me armë zjarri dhe mjete të forta prerëse shtetasin U. F.

Në cilësinë e provës materiale u sekuestruan një armë zjarri pistoletë, model 54, me fishekë, si dhe një gëzhojë pistolete, e gjetur në oborrin e banesës.

Materialet procedurale iu referuan Prokurorisë Dibër për veprat penale “Vrasja për shkak të marrëdhënieve familjare” dhe “Mbajtja pa leje e armëve dhe municioneve”, kryer në bashkëpunim.

The post DVP Dibër/Zbardhet ngjarja e ndodhur në fshatin Godvi, Bulqizë, ku fillimisht u raportua se një shtetas kishte humbur jetën pas sulmit nga një kafshë e egër appeared first on Policia e Shtetit.

Si rezultat i punës hetimore dhe operacionale, janë finalizuar 7 operacione për goditjen e veprimtarive kriminale në fushën e narkotikëve, zbardhjen e vjedhjeve, dhënien e ndihmës emigrantëve për kalim të paligjshëm të kufirit dhe kapjen e shtetasve në kërkim.

Janë kapur 6 shtetas të shpallur në kërkim për vepra të ndryshme penale.

Në fushën e narkotikëve janë evidentuar 7 raste, me 1 shtetas të arrestuar dhe 7 të proceduar në gjendje të lirë.

Në fushën e krimeve ndaj personit janë evidentuar 3 raste, me 3 shtetas të proceduar në gjendje të lirë.

Në fushën e krimeve kundër pronës janë evidentuar 7 raste, me 4 shtetas të proceduar në gjendje të lirë dhe 3 në kërkim.

Janë evidentuar 6 raste të dhunës në familje, me 6 shtetas të proceduar në gjendje të lirë. Gjithashtu, janë plotësuar 7 kërkesë-padi për lëshimin e urdhrave të mbrojtjes.

Në fushën e krimeve kibernetike janë evidentuar 2 raste. Për 1 rast është proceduar në gjendje të lirë 1 shtetas, ndërsa për rastin tjetër po punohet për identifikimin dhe kapjen e autorëve.

Janë arrestuar 7 shtetas dhe janë proceduar penalisht 4 shtetas, pasi drejtonin mjete në gjendje të dehur dhe/ose pa leje drejtimi.

Janë proceduar penalisht 5 shtetas për shkelje të rregullave të qarkullimit rrugor.

Gjithashtu, u arrestua në flagrancë shtetasi D. S., 20 vjeç, pasi dje, në Pakuqan, duke drejtuar një motomjet pa leje drejtimi, ka humbur kontrollin dhe, si pasojë, motomjeti është rrëzuar. Nga aksidenti janë dëmtuar shtetasi D. S. dhe një shtetas i mitur që udhëtonte me të, të cilët po marrin mjekim në spital.

Është proceduar në gjendje të lirë 1 shtetas, pasi nuk i është bindur urdhrit të punonjësve të Policisë.

Janë proceduar në gjendje të lirë 5 shtetas për vepra të ndryshme penale.

Shërbimet e Policisë Kufitare kapën 3 shtetas në kërkim dhe proceduan penalisht 1 shtetas për kontrabandë mallrash.

Policia e Shtetit fton qytetarët të denoncojnë në numrin pa pagesë 112 çdo rast paligjshmërie, duke garantuar reagim profesional dhe të shpejtë, si dhe ruajtjen e anonimatit.

The post Rezultatet kryesore të strukturave policore në vend dhe ngjarjet e ndodhura gjatë 24 orëve të fundit appeared first on Policia e Shtetit.

Rreth orës 13:40, në pyllin e fshatit Fushë-Sopot, Bulqizë, shtetasi B. F., 44 vjeç, banues në Tiranë, dyshohet se gjatë gjuetisë, duke qëlluar me armë gjahu në drejtim të një kafshe të egër, ka qëlluar nga pakujdesia shtetasin E. L., 29 vjeç, banues në fshatin Strikçan, i cili, si pasojë e plagëve të marra, ka ndërruar jetë në vendngjarje.

Shtetasi B. F. është shoqëruar në ambientet e Komisariatit të Policisë Bulqizë, ndërsa arma e gjahut, e dyshuar si e përdorur në ngjarje, është sekuestruar në cilësinë e provës materiale.

Grupi hetimor, nën drejtimin e Prokurorisë, po punon për dokumentimin dhe zbardhjen e plotë të rrethanave të ngjarjes.

The post Bulqizë/Informacion paraprak appeared first on Policia e Shtetit.

Arrestohet në flagrancë një 56-vjeçar, i cili tentoi të fuste në Shqipëri, me automjet, 1 kilogram lëndë të dyshuar narkotike kokainë.

Si rezultat i koordinimit të veprimeve dhe shkëmbimit të informacionit ndërmjet Policisë Kufitare dhe autoriteteve doganore, parandalohet dhe goditet një rast i tentativës për trafikim të lëndëve narkotike.

Shërbimet e Policisë Kufitare Muriqan, në bashkëpunim me autoritetet doganore, në kuadër të operacionit policor të koduar “Bashkëpunimi”, goditën një rast të tentativës për trafikim të lëndëve narkotike.

Në hyrje të Republikës së Shqipërisë, shërbimet e Policisë Kufitare dhe ato doganore, bazuar në analizën e riskut, kaluan për kontroll të detajuar, në vijën e dytë, automjetin tip “Renault”, që drejtohej nga 56-vjeçari A. H.

Gjatë kontrollit të automjetit, brenda një çante, u gjet një pako me lëndë të dyshuar narkotike kokainë, me peshë mbi 1 kilogram. Lënda narkotike dhe automjeti u sekuestruan në cilësinë e provës materiale.

Në vijim të veprimeve, specialistët e Sektorit për Hetimin e Narkotikëve të DVP Shkodër arrestuan shtetasin A. H., 56 vjeç, banues në Durrës.

Strukturat për Hetimin e Narkotikëve, në bashkëpunim me Prokurorinë, vijojnë punën për dokumentimin e plotë ligjor të rastit.

Materialet procedurale do t’i referohen Prokurorisë pranë Gjykatës së Shkallës së Parë të Juridiksionit të Përgjithshëm Shkodër.

The post PKK Muriqan/Finalizohet operacioni i koduar “Bashkëpunimi”, sekuestrohet 1 kg Kokainë appeared first on Policia e Shtetit.

Policia Rrugore Fier vijon monitorimin intensiv me pajisje inteligjente dhe kontrollet në akset rrugore dhe pikat hyrëse-dalëse të qarkut, me qëllim evidentimin, parandalimin, ndëshkimin e shkeljeve që cenojnë sigurinë rrugore si dhe vështirësojnë qarkullimin në qëndrat e banuara.

Gjatë kësaj jave:

• 11 shtetas janë proceduar penalisht, 3 prej tyre të arrestuar në flagrancë për drejtim automjeti në gjendje të dehur;
• 885 masa administrative për tejkalim të shpejtësisë së lejuar;
• 25 masa për mospërdorim të rripit të sigurimit;
• 14 masa për parakalim të gabuar;
• 10 masa për drejtim nën efektin e alkoolit;
• 440 masa për shkelje të tjera të rregullave të qarkullimit rrugor.

APEL I POLICISË RRUGORE FIER

Mos e përdorni automjetin si mjet për të rrezikuar jetën tuaj dhe të tjerëve!

Tejkalimi i shpejtësisë së lejuar, drejtimi i mjetit nën efektin e alkoolit, përdorimi i celularit, manovrat e rrezikshme, parkimet në shkelje nuk janë thjesht shkelje të Kodit Rrugor, por papërgjegjshmëri që mund të sjellin pasoja fatale për ju dhe përdoruesit e tjerë të rrugës.

Respektoni rregullat. Ulni shpejtësinë. Mos drejtoni automjetin nën efektin e alkoolit.

Në timon, përgjegjësia është detyrim, jo zgjedhje!

The post Fier/Monitorim intensiv i qarkullimit, me pajisje inteligjente appeared first on Policia e Shtetit.

Vijojnë takimet në shkolla të ndryshme të kryeqytetit, në kuadër të programit “Siguria e të Rinjve”.

Në kuadër të këtij programi, shefat e komisariateve të Policisë dhe strukturat në varësi të tyre, në bashkëpunim me stafet pedagogjike, kanë zhvilluar takime me nxënës të shkollave të ndryshme të kryeqytetit, me qëllim ndërgjegjësimin e tyre për evidentimin dhe parandalimin e fenomeneve që cenojnë sigurinë dhe mirëqenien e të rinjve.

Gjatë bashkëbisedimeve u trajtuan tema të ndryshme si dhuna në shkollë, bullizmi, bullizmi kibernetik, si dhe mënyrat e parandalimit dhe adresimit të këtyre problematikave.

Nxënësit u informuan mbi rreziqet që mund t’u kanosen, rëndësinë e respektimit të njëri-tjetrit dhe domosdoshmërinë e kërkimit të ndihmës në rastet kur përballen me situata problematike.

Këto takime synojnë forcimin e bashkëpunimit mes Policisë, institucioneve arsimore dhe komunitetit, për krijimin e një mjedisi shkollor të sigurt, gjithëpërfshirës dhe pa dhunë.

Siguria e të rinjve është përgjegjësi e përbashkët.

The post Tiranë/Zhvillohen takime në shkolla të ndryshme, në kuadër të programit “Siguria e të Rinjve” appeared first on Policia e Shtetit.

Zbardhet vjedhja me dhunë e xhiros ditore të një pike karburanti në Klos.

Finalizohet operacioni policor i koduar “Koordinimi”.

Operacioni u zhvillua nga Komisariati i Policisë Mat, në bashkëpunim me Drejtorinë Vendore të Policisë Dibër dhe Komisariatet e Policisë Nr. 1 dhe Nr. 6 Tiranë, nën drejtimin e Prokurorisë Dibër.

Identifikohen, kapen dhe arrestohen 2 autorët e dyshuar.

Shërbimet e Komisariatit të Policisë Mat, rreth orës 01:10 të datës 03.11.2026, kanë marrë njoftim se në Klos, dy shtetas të paidentifikuar kishin ushtruar dhunë ndaj punonjësit të një pike karburanti, shtetasit S. M., dhe më pas i kishin vjedhur një shumë parash (xhiron e turnit).

Menjëherë pas marrjes së njoftimit, specialistët e Hetimit të Krimit në Komisariatin e Policisë Mat, në bashkëpunim me ato të DVP Dibër, kanë organizuar punën për zbardhjen e rastit, identifikimin dhe kapjen e autorëve.

Si rezultat i hetimeve intensive, të kryera nga strukturat hetimore të Drejtorisë Vendore të Policisë Dibër, nën drejtimin e Prokurorisë së Juridiksionit të Përgjithshëm Dibër, u bë i mundur identifikimi i dy autorëve të dyshuar të ngjarjes.

Në vijim të veprimeve, në kuadër të operacionit policor të koduar “Koordinimi”, në bashkëpunim me Komisariatet e Policisë Nr. 1 dhe Nr. 6 Tiranë, u bë kapja dhe arrestimi i shtetasve :

– J. L., 22 vjeç, banues në fshatin Dars, Klos
– M. D., 21 vjeç, banues në Tiranë.

Nga veprimet hetimore dyshohet se këta dy shtetas, në bashkëpunim me njëri-tjetrin, kanë ushtruar dhunë ndaj punonjësit të karburantit dhe më pas i kanë vjedhur xhiron e turnit.

Materialet procedurale iu referuan Prokurorisë së Juridiksionit të Përgjithshëm Dibër, për veprën penale “Vjedhja me dhunë”, e kryer në bashkëpunim.

The post Mat/Finalizohet operacioni i koduar “Koordinimi”, zbardhet një vjedhje me dhunë appeared first on Policia e Shtetit.

Me qëllim edukimin dhe ndërgjegjësimin e të rinjve, mbi evidentimin dhe parandalimin e fenomeneve që cenojnë sigurinë dhe mirëqenien e tyre, ndihmësspecialistët e Edukimit në Shkolla, në bashkëpunim me stafin pedagogjik, zhvilluan takim me nxënësit e shkollës 9-vjeçare në fshatin Kakarriq, Lezhë.

Gjatë takimeve u trajtuan tema me rëndësi të veçantë për moshën e adoleshencës, si dhuna në shkollë, bullizmi, bullizmi kibernetik dhe trafikimi.

Përmes bashkëbisedimit dhe informimit, nxënësit u informuan mbi rreziqet që mund t’u kanosen, rëndësinë e respektimit të njëri-tjetrit dhe domosdoshmërinë e kërkimit të ndihmës në çdo rast kur ndihen të kërcënuar apo përballen me situata problematike.

Takime të tilla synojnë krijimin e një mjedisi shkollor të sigurt, gjithëpërfshirës dhe pa dhunë, si dhe forcimin e bashkëpunimit mes Policisë, shkollës, nxënësve dhe komunitetit.

Siguria e të rinjve është përgjegjësi e përbashkët.

#SiguriaETëRinjve#Edukimi
#StopBullizmit
#SiguriaKibernetike
#JoTrafikimit

The post Lezhë/Zhvillohen takime me nxënës të shkollave të tjera të qarkut, në zbatim të programit “Siguria e të Rinjve”. appeared first on Policia e Shtetit.

Gjatë operacioneve, u kapën në Vlorë dhe u vunë në pranga:
1 shtetas i dënuar me 20 vjet burgim, për një vrasje të kryer në Itali;
1 shtetas i akuzuar për kultivimin dhe prodhimin e rreth 12 kg Cannabis Sativa dhe disa bimëve Cannabis Sativa;
1 shtetas i akuzuar si autor i 5 vjedhjeve.

Në vijim të punës për kapjen e shtetasve të shpallur në kërkim, strukturat e Drejtorisë Vendore të Policisë Vlorë, bazuar dhe në informacionet e siguruara për vendndodhjen e shtetasve në kërkim, kanë organizuar dhe finalizuar 3 operacione policore, si rezultat i të cilave janë kapur dhe ndaluar 3 shtetas.

-Sektori për Hetimin e Krimeve të Rënda, në bashkëpunim me Seksionin për Mbështetjen Operacionale dhe Forcën e Posaçme “Shqiponja”, finalizoi operacionin për kapjen e shtetasit në kërkim Maringlen Doga, 47 vjeç, banues në Vlorë, i cili u lokalizua në lagjen “Pavarësia 3”.
Gjykata e Shkallës së Parë e Juridiksionit të Përgjithshëm Vlorë ka njohur vendimin e autoriteteve gjyqësore italiane dhe e ka dënuar këtë shtetas, me 20 vjet burgim, për veprën penale “Vrasja me dashje”. Në vitin 2000, në Ravena, Itali, 47-vjeçari, gjatë një konflikti për motive të dobëta, ka vrarë me thikë një shtetas shqiptar.

-Seksioni për Hetimin e Krimeve të Komisariatit të Policisë Vlorë, në bashkëpunim me Seksionin për Hetimin e Narkotikëve, të DVP Vlorë, finalizoi operacionin për kapjen dhe ndalimin e shtetasit Y. D., 49 vjeç, banues në Bishan, i cili ishte shpallur në kërkim pasi gjatë kontrollit në banesën e tij, më datë 31.10.2026, u gjetën dhe u sekuestruan rreth 12 kg lëndë e dyshuar narkotike Cannabis Sativa dhe 6 bimë të dyshuara narkotike Cannabis Sativa.

-Seksioni për Hetimin e Krimeve i Komisariatit të Policisë Vlorë finalizoi operacionin për kapjen e shtetasit A. K., 50 vjeç, banues në Vlorë, i cili ishte shpallur në kërkim për vjedhje. Ky shtetas dyshohet se gjatë muajve tetor dhe nëntor, 2026, në qytetin e Vlorës, ka vjedhur shuma parash, portofol, laptop dhe celular në subjekte/shtetasve të ndryshëm.

Materialet procedurale iu referuan Prokurorisë, për veprime të mëtejshme.

The post DVP Vlorë/Finalizohen 3 operacione policore për kapjen e shtetasve në kërkim appeared first on Policia e Shtetit.