Si rezultat i punës hetimore dhe operacionale, janë finalizuar 3 operacione, në Vlorë, Fier dhe Gjirokastër, për goditjen e veprimtarive kriminale në fushën e narkotikëve dhe armëmbajtjes pa leje.

Janë kapur 4 shtetas që ishin në kërkim për vepra të ndryshme penale.

Në fushën e narkotikëve janë goditur 2 raste, me 1 shtetas të arrestuar dhe 1 të proceduar në gjendje të lirë. Janë sekuestruar, në cilësinë e provës materiale, sasi të lëndëve të dyshuara narkotike kokainë dhe Cannabis Sativa.

Në fushën e krimeve ndaj personit janë evidentuar 6 raste, me 1 shtetas të arrestuar, 5 të proceduar në gjendje të lirë dhe 1 në kërkim.

Tiranë/U identifikua dhe u shpall në kërkim një shtetas i cili dyshohet se dje, në rrugën “Josif Pashko”, ka plagosur me armë zjarri, në këmbë, shtetasin G. A.

Në fushën e krimeve kundër pronës janë evidentuar 6 raste, me 2 shtetas të arrestuar, 3 të proceduar në gjendje të lirë dhe 2 në kërkim.

Në fushën e krimeve kundër mjedisit janë evidentuar 3 raste, me 3 shtetas të proceduar në gjendje të lirë dhe 1 në kërkim.

Janë evidentuar 6 raste të dhunës në familje, me 1 shtetas të arrestuar dhe 5 të proceduar në gjendje të lirë. Gjithashtu, janë plotësuar 11 kërkesa-padi për lëshimin e urdhrave të mbrojtjes.

Në fushën e krimeve ekonomiko-financiare janë evidentuar 2 raste, me 2 shtetas të proceduar në gjendje të lirë dhe 1 në kërkim.

Në fushën e krimeve kibernetike janë evidentuar 2 raste, me 2 shtetas të proceduar në gjendje të lirë.

Janë arrestuar 4 shtetas dhe janë proceduar penalisht 4 të tjerë, pasi drejtonin mjete në gjendje të dehur dhe/ose pa leje drejtimi, njëri prej të cilëve përdorte dhe fenelina si të Policisë.

Janë proceduar penalisht 6 shtetas për shkelje të rregullave të qarkullimit rrugor, si dhe po punohet për identifikimin dhe kapjen e një drejtuesi motomjeti që është larguar nga vendi i aksidentit.

Është proceduar penalisht 1 shtetas që ka tentuar të korruptojë punonjësit e Policisë Rrugore, për të shmangur masën administrative.

Më datë 15.10.2026, rreth orës 00:45, në kryqëzimin e Laknasit, automjeti me drejtues shtetasin I. T., 32 vjeç, punonjës policie , ka aksidentuar  shtetasin S.M, 66 vjeç, i cili lëvizte me biçikletë. Si pasojë e aksidentit, ky shtetas ka ndërruar jetë. 32 vjeçarit iu bë testi i alkolit i cili rezultoi 0.00 mg/l. Menjëherë është njoftuar Agjencia e Mbikëqyrjes Policore  e cila ka proceduar me arrestimin e 34 vjeçarit, ndërsa grupi hetimor po vijon veprimet për sqarimin e rrethanave të aksidentit dhe dokumentimin ligjor të rastit

Janë proceduar penalisht 7 shtetas për vepra të ndryshme penale.

Shërbimet e Policisë Kufitare kapën 1 shtetase në kërkim dhe proceduan penalisht 6 shtetas për kalim të paligjshëm të kufirit, trafikim të mjeteve motorike, kontrabandë mallrash, vjedhje dhe mosdeklarim të shumave monetare.

Policia e Shtetit fton qytetarët të denoncojnë në numrin pa pagesë 112 çdo rast paligjshmërie, duke garantuar reagim profesional dhe të shpejtë, si dhe ruajtjen e anonimatit.

The post Rezultatet kryesore të strukturave policore në vend dhe ngjarjet e ndodhura gjatë 24 orëve të fundit appeared first on Policia e Shtetit.

Orë edukative me nxënësit e shkollës 9-vjeçare “Agimi”.

Në zbatim të programit “Siguria e të Rinjve”, që ka si qëllim edukimin dhe ndërgjegjësimin e nxënësve, evidentimin dhe parandalimin e fenomeneve që cenojnë sigurinë dhe mirëqenien e tyre, u zhvillua në shkollën “Agimi”, një takim me nxënësit e klasave të VI.

Gjatë takimit u trajtuan tema me rëndësi të veçantë, si:
●Dhuna dhe parandalimi i saj;
●Bullizmi në mjediset shkollore;
●Bullizmi kibernetik dhe siguria në internet;
●Trafikimi i qenieve njerëzore;
●Rëndësia e denoncimit dhe kërkimit të ndihmës në rastet kur nxënësit përballen me situata të rrezikshme.

Përmes bashkëbisedimit dhe informimit, nxënësit u inkurajuan të jenë më të ndërgjegjshëm për rreziqet që i rrethojnë, të respektojnë njëri-tjetrin dhe të kontribuojnë në krijimin e një mjedisi shkollor të sigurt, gjithëpërfshirës, pa dhunë dhe fenomene negative.

#SiguriaETëRinjve
#Edukim#Ndërgjegjësim#Parandalim
#StopBullizmitDhunesTrafikimit

The post Maliq/Orë edukative me nxënësit e shkollës 9-vjeçare “Agimi” appeared first on Policia e Shtetit.

Në kuadër të Planit të Masave për Sigurinë në Shkolla, Zëvendësdrejtori për Sigurinë dhe Rendin Publik në DVP Vlorë, Kryekomisar Shpëtim Hasanaliaj, dhe Shefi i Komisariatit të Policisë Vlorë, Komisar Andi Deda, së bashku me specialistët përkatës të Policimit në Komunitet (SPZ), zhvilluan takim me drejtuesit e institucioneve arsimore dhe oficerët e sigurisë.

Gjatë takimit u diskutua mbi masat për garantimin e një mjedisi të sigurt për nxënësit, identifikimin dhe adresimin e problematikave, respektimin e rregullave në institucionet arsimore, si dhe forcimin e bashkëpunimit ndërinstitucional për parandalimin e çdo situate që mund të cenojë sigurinë e nxënësve.

Policia e Shtetit vijon angazhimin për rritjen e pranisë dhe forcimin e bashkëpunimit me drejtuesit dhe stafet pedagogjike të shkollave, oficerët e sigurisë, nxënësit dhe prindërit, me qëllim parandalimin e fenomeneve negative dhe garantimin e sigurisë në mjediset shkollore.

Takimet dhe aktivitetet në kuadër të Planit të Masave për Sigurinë në Shkolla do të vijojnë gjatë gjithë vitit shkollor 2026–2027, në të gjitha institucionet arsimore të qarkut Vlorë.

#SiguriaNëShkolla
#PoliciaPranëKomunitetit

The post Vlorë/Vijon angazhimi i Policisë për garantimin e sigurisë në institucionet arsimore appeared first on Policia e Shtetit.

The post Drejtori i Përgjithshëm Skender Hita viziton punonjësit e Policisë të dëmtuar gjatë tubimit appeared first on Policia e Shtetit.

The post REAGIM I POLICISË SË SHTETIT appeared first on Policia e Shtetit.

Policia e Shtetit kërkon që çdo pjesëmarrës të mos bëhet pjesë, të mos mbështesë dhe të mos lejojë që tubimi të përdoret si mbulesë për akte të dhunshme dhe shkatërruese. Çdo person që ushtron dhunë, djeg apo shkatërron pronën, ose sulmon punonjësit e Policisë, mban përgjegjësi individuale dhe do të përballet me ligjin, në përputhje me veprën e kryer.

Kodi Penal parashikon dënime deri në 7 vjet burgim për vepra të caktuara që lidhen me dhunën dhe shkatërrimin e pronës me zjarr, në varësi të rrethanave dhe pasojave të shkaktuara.

Veprimet e dhunshme dhe shkatërrimi i pronës me zjarr rrezikojnë drejtpërdrejt jetën e qytetarëve, si dhe pronën publike dhe private.

Distancohuni menjëherë nga dhuna, largohuni nga personat që kryejnë akte të dhunshme dhe mos u përfshini në veprime që rrezikojnë jetën e njerëzve! Ruajtja e qetësisë dhe e sigurisë është përgjegjësi e gjithsecilit.

E drejta për të protestuar është e garantuar, por dhuna dhe shkatërrimi nuk janë pjesë e saj. Çdo shkelje e ligjit do të trajtohet me vendosmëri dhe çdo individ do të mbajë përgjegjësi për veprimet e tij.

The post REAGIM I POLICISË SË SHTETIT appeared first on Policia e Shtetit.

Si rezultat i punës hetimore dhe operacionale, janë finalizuar 5 operacione:

-4 në Tiranë, Lezhë dhe Elbasan, për goditjen e veprimtarive kriminale në fushën e narkotikëve, armëmbajtjes pa leje, kontrabandës së mallrave dhe për zbardhjen e vjedhjeve;
-1 operacion në bashkëpunim me SPAK-un, për goditjen e një grupi kriminal që jepte ndihmë për kalim të paligjshëm të kufijve. Në kuadër të këtij operacioni, u ekzekutuan masat e sigurisë “Arrest në burg” për 4 shtetas dhe “Arrest në shtëpi” për 1 shtetase.

Janë kapur 4 shtetas që ishin në kërkim, njëri prej tyre i shpallur në kërkim 1 ditë më parë, për veprën penale “Vepra të turpshme”.

Në fushën e narkotikëve janë goditur 10 raste, me 2 shtetas të arrestuar dhe 9 të proceduar në gjendje të lirë. Janë sekuestruar, në cilësinë e provës materiale, sasi të lëndëve të dyshuara narkotike kokainë dhe Cannabis Sativa.

Në fushën e krimeve ndaj personit janë evidentuar 6 raste, me 8 shtetas të proceduar në gjendje të lirë.

Dibër/U proceduan në gjendje të lirë shtetasit R. H., 18 vjeç, dhe 7 shtetas të mitur, të moshave 14, 15 dhe 17 vjeç, pasi dyshohet se dje, pas përfundimit të procesit mësimor, janë konfliktuar me njëri-tjetrin në oborrin e gjimnazit në njësinë administrative Kastriot, si dhe shtetasit I. S., 30 vjeç, dhe J. S., 30 vjeç (familjarë të njërit prej shtetasve të mitur), pasi dyshohet se, pas konfliktit, kanë thyer xhamat e një subjekti në pronësi të një 47-vjeçari.

Në fushën e krimeve kundër pronës janë evidentuar 13 raste, me 7 shtetas të proceduar në gjendje të lirë, ndërsa për 6 raste po punohet për identifikimin dhe kapjen e autorëve.

Në fushën e krimeve kundër mjedisit janë evidentuar 6 raste, me 6 shtetas të proceduar në gjendje të lirë.

Lezhë/U referuan materialet në Prokurori, ku nisi procedimi penal për shtetasit N. P., 61 vjeç, me profesion jurist, dhe A. D., 51 vjeçe, me profesion inxhiniere, për veprat penale “Shpërdorimi i detyrës” dhe “Korrupsioni pasiv i personave që ushtrojnë funksione publike”, pasi dyshohet se, gjatë kohës që kanë qenë të punësuar në Bashkinë Mirditë, kanë lejuar kryerjen e ndërtimeve pa leje në një objekt në fshatin Domgjon, Mirditë, në këmbim të ryshfetit.

Gjithashtu, u procedua penalisht për shpërdorim detyre shtetasi E. Xh., 45 vjeç, kryeinspektor i IMT-së Malësi e Madhe, pasi dyshohet se nuk ka marrë masa për evidentimin e një ndërtimi të paligjshëm në zonën që ka në monitorim.

Janë evidentuar 8 raste të dhunës në familje, me 2 shtetas të arrestuar, 5 të proceduar në gjendje të lirë dhe 1 në kërkim. Gjithashtu, janë plotësuar 7 kërkesë-padi për lëshimin e urdhrave të mbrojtjes.

Në fushën e krimeve ekonomiko-financiare janë evidentuar 5 raste, me 5 shtetas të proceduar në gjendje të lirë.

Në fushën e krimeve kibernetike janë evidentuar 2 raste, me 2 shtetas të proceduar në gjendje të lirë.

Janë arrestuar 2 shtetas dhe janë proceduar penalisht 5 të tjerë, pasi drejtonin mjete në gjendje të dehur dhe/ose pa leje drejtimi.

Janë proceduar penalisht 4 shtetas për shkelje të rregullave të qarkullimit rrugor.

Tiranë/U arrestua shtetasi A. B., 50 vjeç, banues në Tiranë, pasi dje pasdite, duke drejtuar automjetin, dyshohet se ka përplasur motomjetin me drejtues një 35-vjeçar dhe është larguar nga vendi i aksidentit. 35-vjeçari po merr mjekim në spital.

Shkodër/U procedua penalisht shtetasja E. V., 28 vjeçe, banuese në fshatin Hot i Ri, pasi dje, në fshatin Hot i Ri, duke drejtuar automjetin, dyshohet se ka aksidentuar një shtetase të mitur 5 vjeçe, banuese në Shkodër, dhe është larguar nga vendi i ngjarjes. Shtetasja e mitur mori mjekim dhe u largua në banesë, jashtë rrezikut për jetën.

Janë arrestuar 4 shtetas, pasi janë kapur jashtë banesës, duke thyer masën e sigurisë “Arrest në shtëpi”.

Është proceduar penalisht 1 shtetas që ka tentuar të korruptojë punonjësit e Policisë Rrugore për të shmangur masën administrative, si dhe 3 shtetas që nuk u janë bindur urdhrave të punonjësve të Policisë.

Janë proceduar penalisht 8 shtetas që posedonin armë të ftohta dhe 5 shtetas të tjerë për vepra të ndryshme penale.

Shërbimet e Policisë Kufitare kapën 5 shtetas në kërkim për vepra të ndryshme penale dhe proceduan penalisht 1 shtetas për falsifikim dokumentesh dhe mosdeklarim të shumave monetare.

Interpol Tirana/Në vijim të operacionit “The Wanted”, si rezultat i bashkëpunimit të ngushtë ndërmjet specialistëve të Drejtorisë së Interpolit dhe homologëve të Interpol Parisit, u arrestuan nga shërbimet e Komisariatit të Policisë Rinas shtetasi nga RMV-ja, D. D., 48 vjeç, dhe shtetasja kroate, M. L., 47 vjeçe. Këta shtetas ishin në kërkim ndërkombëtar, pasi janë dënuar nga gjykatat në Francë, përkatësisht në vitin 2024 dhe në vitin 2023, me nga 2 vjet burgim, për veprën penale “Përvetësimi ose blerja e sendeve të vjedhura”. Bashkëpunimi me homologët francezë vijon për të finalizuar procedurat për ekstradimin e 2 të ndaluarve në Francë.

Policia e Shtetit fton qytetarët të denoncojnë në numrin pa pagesë 112 çdo rast paligjshmërie, duke garantuar reagim profesional dhe të shpejtë, si dhe ruajtjen e anonimatit.

The post Rezultatet kryesore të strukturave policore në vend dhe ngjarjet e ndodhura gjatë 24 orëve të fundit appeared first on Policia e Shtetit.

E drejta për të protestuar është e garantuar me Kushtetutë, por dhuna ndaj punonjësve të Policisë, qytetarëve dhe institucioneve është e papranueshme dhe e dënueshme me ligj.

Policia e Shtetit është në krye të detyrës për të garantuar sigurinë e çdo qytetari, ushtrimin e të drejtës së tubimit paqësor, mbrojtjen e jetës, pronës dhe institucioneve.

Apelojmë për ndërprerjen e menjëhershme të akteve të dhunës. Çdo person që kryen veprime të kundërligjshme do të mbajë përgjegjësi penale përpara ligjit.

Policia e Shtetit do të vijojë të veprojë me profesionalizëm, përmbajtje dhe vendosmëri, në përputhje me ligjin, për të garantuar rendin dhe sigurinë publike.

E drejta për të protestuar mbrohet. Dhuna nuk tolerohet.

https://www.facebook.com/share/v/14skkJkVY1y/

The post APEL I POLICISË SË SHTETIT appeared first on Policia e Shtetit.

Rreth orës 00:30 të datës 14.10.2026, menjëherë pas njoftimit për zjarr te banesat sociale në rrugën “Ali Shefqeti”, Shkozë, shërbimet e Komisariatit të Policisë Nr. 1 shkuan në vendngjarje, për të sqaruar rrethanat dhe përgjegjësitë në lidhje me rastin.

Nga veprimet hetimore të kryera nga ekspertë kriminalistë dhe ekspertë të rasteve të zjarrvënieve, dyshohet se shtetasi A. I., 35 vjeç, i ka vënë zjarrin njërës prej banesave të këtij kompleksi, konkretisht asaj të shtetasve I. Z., 65 vjeçe dhe A. Z., 68 vjeç, prindër të bashkëjetueses së tij. Si pasojë, humbën jetën në spital, të dy bashkëshortët.

Si rezultat i veprimeve të menjëhershme policore, 35-vjeçari u arrestua menjëherë pas kryerjes së krimit.

Hetimi është në vijim, në drejtimin e Prokurorisë së Tiranës, për të sqaruar dhe dokumentuar me prova ligjore, të gjitha rrethanat e këtij rasti.

Materialet procedurale i janë referuar Prokurorisë, për veprime të mëtejshme.

The post Tiranë – Zbardhen autorësia dhe rrethanat e zjarrit, rreth mesnatës, te banesat sociale appeared first on Policia e Shtetit.

Procedohen penalisht 49 shtetas të tjerë.

Gjatë tubimit të zhvilluar më datë 13.10.2026, rreth orës 14:00, përpara Ministrisë së Arsimit, disa pjesëmarrës të maskuar kanë ushtruar akte dhune, duke hedhur sende të forta, pllaka guri, kapsolla, kokteje molotovi dhe sende të tjera në drejtim të punonjësve të Policisë, institucioneve shtetërore, subjekteve private dhe ambienteve publike.

Si pasojë e akteve të dhunës, janë dëmtuar kangjellat rrethuese, muret dhe dritaret e godinës së Ministrisë së Arsimit, si dhe kangjellat e trotuareve, tabelat e reklamave dhe sinjalistika rrugore. Gjithashtu, janë thyer dhe djegur sende brenda një institucioni mikrofinanciar, dhe është dëmtuar fasada prej xhami e subjektit privat, bankë e nivelit të dytë.

Në rrugën “Ded Gjon Luli”, është thyer me forcë një nga dyert e godinës së Bashkisë Tiranë dhe i është vënë zjarri katit të parë të saj.

Gjatë gjithë tubimit, punonjësit e Policisë të planëzuar me shërbim janë përballur, që prej fillimit të tij, me dhunë të vazhdueshme, përmes hedhjes së gurëve, sendeve të forta, kapsollave dhe koktejeve molotovë nga grupe pjesëmarrësish të maskuar. Si pasojë, janë dëmtuar 6 punonjës policie.

Në vijim të veprimeve për dokumentimin ligjor të akteve të dhunës dhe vënien para përgjegjësisë ligjore të autorëve, nën drejtimin e Prokurorisë së Tiranës, pas kryerjes së veprimeve procedurale:

U bë arrestimi në flagrancë i shtetasve K. V., 41 vjeç; F. B., 48 vjeç; A. B., 40 vjeç; G. I., 57 vjeç; E. K., 32 vjeç; I. S., 38 vjeç; B. K., 59 vjeç; D. V., 55 vjeç; E. Z., 30 vjeç; H. B., 52 vjeç; O. V., 35 vjeç; Xh. P., 27 vjeç; K. M., 23 vjeç; B. Gj., 31 vjeç; K. H., 38 vjeç dhe K. A., 32 vjeç, për veprat penale “Goditje për shkak të detyrës”, “Prishja e rendit dhe qetësisë publike”, “Shkelja e rregullave mbi lëndët plasëse dhe djegëse”, “Vjedhja e bankave dhe arkave të kursimit”, “Shkatërrimi i pronës”, “Shkatërrimi i pronës me zjarr”, “Kundërshtimi i punonjësit të rendit publik” dhe “Prodhimi, mbajtja, blerja apo shitja pa leje e armëve të ftohta”.

U proceduan penalisht 49 shtetas të tjerë.

Grupi hetimor, në bashkëpunim me Prokurorinë, vijon punën për identifikimin e personave të tjerë të përfshirë në akte dhune ndaj punonjësve të Policisë, institucioneve shtetërore dhe subjekteve private, si dhe për dokumentimin e plotë ligjor të veprimeve të kundërligjshme të kryera gjatë tubimit të datës 13.10.2026.

Materialet procedurale iu referuan Prokurorisë së Tiranës për veprime të mëtejshme.

The post Tiranë/Arrestohen 16 shtetas dhe procedohen 49, pasi kryen veprime të kundërligjshme dje, gjatë tubimit appeared first on Policia e Shtetit.