N\u00eb kuad\u00ebr t\u00eb operacionit \u201cForca e Ligjit\u201d, p\u00ebrgjat\u00eb dy muajve t\u00eb fundit, OFL nuk e ka nd\u00ebrprer\u00eb pun\u00ebn asnj\u00eb dit\u00eb. N\u00eb bashk\u00ebpunim me agjencit\u00eb e tjera ligjzbatuese, OFL ka vijuar hetimet dhe goditjen e subjekteve t\u00eb Ligjit Special.<\/p>\n
S\u00eb bashku me Strukturat e Specializuara t\u00eb Hetimit Financiar n\u00eb Policin\u00eb e Shtetit dhe Doganat, n\u00eb vijim t\u00eb luft\u00ebs kund\u00ebr informalitetit, evazionit, ushtrimit t\u00eb aktiviteteve t\u00eb palicencuara dhe abuzimeve me tregun e hidrokarbureve, mbr\u00ebmjen e djeshme OFL sekuestroi 1,2 milion litra naft\u00eb dhe nj\u00eb magazin\u00eb doganore, n\u00eb Durr\u00ebs, n\u00eb pron\u00ebsi t\u00eb subjektit privat L. B. & E. SH.<\/p>\n
K\u00ebtij subjekti i ishte revokuar licenca nga autoritetet kompetente shtet\u00ebrore \u201cP\u00ebr ushtrimin e veprimtaris\u00eb s\u00eb furnizimit me karburant, p\u00ebr konsum t\u00eb anijeve n\u00eb porte\u201d. Pavar\u00ebsisht revokimit t\u00eb licenc\u00ebs, subjekti ka vazhduar t\u00eb ushtroj\u00eb n\u00eb m\u00ebnyr\u00eb t\u00eb paligjshme aktivitetin e tregtimit t\u00eb naft\u00ebs p\u00ebr peshkimin, duke p\u00ebrdorur shantazhin ndaj konkurrenc\u00ebs dhe duke tentuar t\u00eb krijoj\u00eb nj\u00eb monopol k\u00ebrc\u00ebnues p\u00ebr operator\u00ebt e industris\u00eb s\u00eb peshkimit.<\/p>\n
Pasi e ka ndjekur fillin e k\u00ebtij organizimi kriminal, OFL ka kryer mbr\u00ebm\u00eb operacionin e sekuestros dhe po vijon, n\u00eb bashk\u00ebpunim me Strukturat e Specializuara t\u00eb Hetimit Financiar, hetimin intensiv p\u00ebr zbulimin dhe dokumentimin e gjith\u00eb veprimtaris\u00eb kriminale n\u00eb k\u00ebt\u00eb fush\u00eb dhe lidhjen me persona t\u00eb tjer\u00eb publik\u00eb e privat\u00eb.<\/p>\n