{"id":25843,"date":"2022-04-10T15:51:04","date_gmt":"2022-04-10T13:51:04","guid":{"rendered":"https:\/\/www.asp.gov.al\/?p=25843"},"modified":"2022-04-11T12:13:03","modified_gmt":"2022-04-11T10:13:03","slug":"fjala-e-drejtorit-te-pergjithshem-te-policise-se-shtetit-mbajtur-ne-ceremonine-e-organizuar-me-rastin-e-emertimit-te-pallatit-te-kultures-ne-kamze-me-emrin-e-deshmorit-te-atdheut-artan-cuku","status":"publish","type":"post","link":"https:\/\/asp.gov.al\/fjala-e-drejtorit-te-pergjithshem-te-policise-se-shtetit-mbajtur-ne-ceremonine-e-organizuar-me-rastin-e-emertimit-te-pallatit-te-kultures-ne-kamze-me-emrin-e-deshmorit-te-atdheut-artan-cuku\/","title":{"rendered":"Fjala e Drejtorit t\u00eb P\u00ebrgjithsh\u00ebm t\u00eb Policis\u00eb s\u00eb Shtetit, mbajtur n\u00eb ceremonin\u00eb e organizuar me rastin e em\u00ebrtimit t\u00eb Pallatit t\u00eb Kultur\u00ebs n\u00eb Kamz\u00eb, me emrin e D\u00ebshmorit t\u00eb Atdheut Artan Cuku"},"content":{"rendered":"
\n
Nuk ka sesi t\u00eb mos ndihem i emocionuar dhe nj\u00ebherazi krenar, q\u00eb gjendem sot n\u00eb mes t\u00eb gjith\u00ebve ju n\u00eb k\u00ebt\u00eb ceremoni, e cila synon t\u00eb rivler\u00ebsoj\u00eb jet\u00ebn dhe vepr\u00ebn e punonj\u00ebsve t\u00eb Policis\u00eb s\u00eb Shtetit t\u00eb r\u00ebn\u00eb p\u00ebr nj\u00eb kauz\u00eb madhore dhe n\u00eb t\u00eb nj\u00ebjt\u00ebn koh\u00eb, t\u00eb zgjoj\u00eb kujtes\u00ebn mbar\u00eb qytetare p\u00ebr D\u00ebshmor\u00ebt e Policis\u00eb.<\/div>\n
<\/div>\n<\/div>\n
\n
Nisma p\u00ebr t\u00eb risjell\u00eb n\u00eb v\u00ebmendjen qytetare emrin dhe vepr\u00ebn e D\u00ebshmor\u00ebve t\u00eb Policis\u00eb hodhi rr\u00ebnj\u00eb e po lul\u00ebzon n\u00eb shum\u00eb bashki anemban\u00eb vendit. Mbi t\u00eb gjitha po troket n\u00eb nd\u00ebrgjegjen e memorien e \u00e7do qytetari, p\u00ebr m\u00eb shum\u00eb vler\u00ebsim p\u00ebr figur\u00ebn e punonj\u00ebsit t\u00eb Policis\u00eb, jo vet\u00ebm kur ata bien d\u00ebshmor\u00eb, jo vet\u00ebm kur ata mbrojn\u00eb jet\u00ebn me jet\u00eb, por edhe kur jan\u00eb gjall\u00eb e jan\u00eb n\u00eb detyr\u00eb, oficer\u00eb aktiv\u00eb, joaktiv\u00eb apo n\u00eb pension.<\/div>\n
<\/div>\n<\/div>\n
\n
\u00c7dokush \u00ebsht\u00eb i vet\u00ebdijsh\u00ebm se punonj\u00ebsi i Policis\u00eb sakrifikon shum\u00eb nga vetja dhe familja e tij p\u00ebr t\u00eb mir\u00ebn e shoq\u00ebris\u00eb dhe t\u00eb vendit, madje n\u00eb jo pak raste rrezikon deri edhe vetveten p\u00ebr t\u00eb mbrojtur qytetar\u00ebt, rendin dhe ligjin.<\/div>\n
<\/div>\n<\/div>\n
\n
Ndaj, kurrsesi s\u2019duhet t\u2019i harrojm\u00eb k\u00ebto sakrifica t\u00eb mij\u00ebra burrave e grave, djemve e vajzave t\u00eb p\u00ebrkushtuar t\u00eb Policis\u00eb s\u00eb Shtetit.<\/div>\n
<\/div>\n<\/div>\n
\n
Nga sot, p\u00ebr Pallatin e Kultur\u00ebs t\u00eb Bashkis\u00eb s\u00eb Kamz\u00ebs sh\u00ebnohet nj\u00eb dit\u00eb tejet e ve\u00e7ant\u00eb sepse po pag\u00ebzohet me emrin e nderuar t\u00eb d\u00ebshmorit Artan Cuku.<\/div>\n
<\/div>\n<\/div>\n
\n
Kjo klim\u00eb na ka shoq\u00ebruar gjith\u00eb k\u00ebt\u00eb periudh\u00eb dhe n\u00ebse me lejoni doja t\u2019ju sjell nd\u00ebrmend se vet\u00ebm dy dit\u00eb m\u00eb par\u00eb, n\u00eb Gjirokast\u00ebr, kat\u00ebr rrug\u00eb kryesore t\u00eb k\u00ebtij qyteti u em\u00ebrtuan me emrat e kat\u00ebr D\u00ebshmor\u00ebve t\u00eb qarkut Gjirokast\u00ebr.<\/div>\n
<\/div>\n<\/div>\n
\n
N\u00eb k\u00ebt\u00eb kontekst, nuk mund t\u00eb l\u00eb pa p\u00ebrmendur edhe kat\u00ebr rrug\u00ebt n\u00eb kryeqytet q\u00eb mbajn\u00eb tashm\u00eb emrat e kat\u00ebr D\u00ebshmor\u00ebve t\u00eb Policis\u00eb, po ashtu dhe rrug\u00eb t\u00eb tjera, n\u00eb Durr\u00ebs, Dib\u00ebr dhe n\u00eb Burrel.<\/div>\n
<\/div>\n<\/div>\n
\n
N\u00eb gjith\u00eb k\u00ebto vite t\u00eb tranzicionit, ne pam\u00eb me syt\u00eb tan\u00eb se krimi na ka goditur pabesisht n\u00eb koh\u00eb paqeje dhe n\u00eb jo pak raste, pas shpine. Krimi nuk krijon kurr\u00eb llogore dhe kund\u00ebrshtarin e as viktim\u00ebn nuk e v\u00ebshtron kurr\u00eb n\u00eb sy. Kjo \u00ebsht\u00eb karakteristika e k\u00ebsaj lufte t\u00eb pabarabart\u00eb ndaj dukuris\u00eb q\u00eb sjell kriminaliteti, por Policia e Shtetit ka qen\u00eb dhe do t\u00eb jet\u00eb e pranishme n\u00eb \u00e7do situat\u00eb, p\u00ebr t\u00eb neutralizuar dhe v\u00ebn\u00eb para drejt\u00ebsis\u00eb e moralit qytetar ato struktura apo individ\u00eb q\u00eb tentojn\u00eb t\u00eb p\u00ebrdhosin at\u00eb q\u00eb gjithkush e nd\u00ebrton me djers\u00eb e drejt\u00ebsi individuale apo kolektive.<\/div>\n
<\/div>\n<\/div>\n
\n
Krahasuar me numrin e D\u00ebshmor\u00ebve, k\u00ebto gjeste rivler\u00ebsimi jan\u00eb sigurisht pak, por kuptimi e simbolika e krijuar \u00ebsht\u00eb shum\u00eb e madhe sepse ndon\u00ebse nisma vjen nga nj\u00eb institucion si Policia e Shtetit, k\u00ebt\u00eb realitet po e nd\u00ebrtojm\u00eb t\u00eb gjith\u00eb bashk\u00ebrisht.<\/div>\n
<\/div>\n<\/div>\n
\n
P\u00ebr k\u00ebt\u00eb arsye, jam i bindur se kjo tradit\u00eb do t\u00eb pasohet nga t\u00eb gjitha bashkit\u00eb e vendit dhe se gjat\u00eb vitit 2022 e n\u00eb vijim, t\u00eb gjith\u00eb D\u00ebshmor\u00ebt e Policis\u00eb do t\u00eb rigdhenden n\u00eb kujtes\u00ebn qytetare.<\/div>\n<\/div>\n
\n
Personalisht, si Drejtor i P\u00ebrgjithsh\u00ebm i Policis\u00eb s\u00eb Shtetit do b\u00ebj \u00e7\u2019\u00ebsht\u00eb e mundur e ta kthej n\u00eb mjet ligjor, t\u00eb drejt\u00ebn p\u00ebr t\u00eb krijuar sa m\u00eb shum\u00eb hap\u00ebsira e leht\u00ebsira p\u00ebr punonj\u00ebsit e Policis\u00eb, familjar\u00ebt e tyre dhe p\u00ebr familjar\u00ebt e D\u00ebshmor\u00ebve t\u00eb Policis\u00eb, q\u00eb m\u00eb n\u00eb fund, edhe n\u00eb vendin ton\u00eb, armata e Policis\u00eb s\u00eb Shtetit mos ta ndjej\u00eb veten t\u00eb braktisur, por punonj\u00ebsit e Policis\u00eb t\u00eb ndihen t\u00eb detyruar moralisht nga p\u00ebrkrahja dhe p\u00ebrkujdesja qytetare, p\u00ebr t\u00eb kryer edhe m\u00eb mir\u00eb detyr\u00ebn n\u00eb sh\u00ebrbim t\u00eb qytetar\u00ebve dhe t\u00eb vendit.<\/div>\n
<\/div>\n<\/div>\n
\n
Nj\u00ebkoh\u00ebsisht, krahas k\u00ebtyre p\u00ebrpjekjeve p\u00ebr t\u00eb lart\u00ebsuar figur\u00ebn e punonj\u00ebsit t\u00eb Policis\u00eb, nuk do t\u00eb ndalem n\u00eb asnj\u00eb \u00e7ast e p\u00ebr asnj\u00eb rrethan\u00eb, p\u00ebr t\u00eb k\u00ebrkuar bashk\u00ebpunimin dhe p\u00ebr t\u2019i ofruar mb\u00ebshtetje agjencive ligjzbatuese t\u00eb vendit, p\u00ebr t\u00eb hetuar dhe p\u00ebr t\u00eb \u00e7uar para drejt\u00ebsis\u00eb cilindo punonj\u00ebs policie q\u00eb do t\u00eb p\u00ebrbalt\u00eb uniform\u00ebn e Policis\u00eb, misionin dhe vepr\u00ebn e ndritur t\u00eb D\u00ebshmor\u00ebve t\u00eb Policis\u00eb, t\u00eb cil\u00ebt dhan\u00eb jet\u00ebn e tyre p\u00ebr t\u00eb mbrojtur at\u00eb t\u00eb qytetar\u00ebve.<\/div>\n
<\/div>\n<\/div>\n
\n
N\u00eb p\u00ebrmbushje t\u00eb p\u00ebrgjegj\u00ebsis\u00eb dhe detyr\u00ebs, ftoj qytetar\u00ebt q\u00eb t\u00eb besojn\u00eb, t\u00eb mb\u00ebshteten dhe t\u00eb mb\u00ebshtetin Policin\u00eb e Shtetit, por nga ana tjet\u00ebr, t\u00eb denoncojn\u00eb \u00e7do rast t\u00eb abuzimit me detyr\u00ebn nga ana e punonj\u00ebsve t\u00eb Policis\u00eb, pasi jam i vendosur p\u00ebr t\u00eb modeluar nj\u00eb polici t\u00eb ndershme profesionale dhe n\u00eb sh\u00ebrbim t\u00eb ligjit e qytetar\u00ebve, sepse vet\u00ebm k\u00ebshtu do kemi m\u00eb pak d\u00ebshmor\u00eb, m\u00eb shum\u00eb rend e siguri p\u00ebr t\u00eb ardhmen e f\u00ebmij\u00ebve tan\u00eb.<\/div>\n
<\/div>\n<\/div>\n
\n
N\u00eb fund t\u00eb fjal\u00ebs sime, gjej rastin t\u00eb shpreh nj\u00eb fal\u00ebnderim p\u00ebr t\u00eb gjith\u00eb ata q\u00eb jet\u00ebsuan nism\u00ebn e Policis\u00eb s\u00eb Shtetit, p\u00ebr t\u00eb rivler\u00ebsuar vepr\u00ebn dhe emrin e D\u00ebshmor\u00ebve t\u00eb Policis\u00eb dhe mbetem shpres\u00ebplot\u00eb se t\u00eb tilla ceremoni do t\u00eb zhvillohen n\u00eb t\u00eb gjith\u00eb vendin, me q\u00ebllimin p\u00ebr t\u00eb radhitur D\u00ebshmor\u00ebt e Policis\u00eb p\u00ebrkrah njer\u00ebzve t\u00eb shquar t\u00eb vendit dhe D\u00ebshmor\u00ebve t\u00eb Atdheut.<\/div>\n
<\/div>\n<\/div>\n
\n
I paharruar kujtimi i Artan Cukut dhe i t\u00eb gjith\u00eb D\u00ebshmor\u00ebve t\u00eb Atdheut!<\/div>\n