{"id":25793,"date":"2022-04-08T14:37:37","date_gmt":"2022-04-08T12:37:37","guid":{"rendered":"https:\/\/www.asp.gov.al\/?p=25793"},"modified":"2022-04-08T14:38:13","modified_gmt":"2022-04-08T12:38:13","slug":"drejtori-i-pergjithshem-i-policise-se-shtetit-gledis-nano-prononcim-per-median-ne-pkk-kakavije","status":"publish","type":"post","link":"https:\/\/asp.gov.al\/drejtori-i-pergjithshem-i-policise-se-shtetit-gledis-nano-prononcim-per-median-ne-pkk-kakavije\/","title":{"rendered":"Drejtori i P\u00ebrgjithsh\u00ebm i Policis\u00eb s\u00eb Shtetit Gledis Nano, prononcim p\u00ebr median, n\u00eb PKK Kakavije"},"content":{"rendered":"

Pyetje: Z. Nano, cili \u00ebsht\u00eb q\u00ebllimi i vizit\u00ebs tuaj sot n\u00eb qarkun e Gjirokastr\u00ebs?<\/p>\n

Nano: P\u00ebrsh\u00ebndetje! Sot kemi ardhur n\u00eb Gjirokast\u00ebr, me propozim dhe iniciativ\u00eb t\u00eb Policis\u00eb s\u00eb Shtetit, me miratim t\u00eb K\u00ebshillit Bashkiak, me mb\u00ebshtetjen e kryetarit t\u00eb Bashkis\u00eb Gjirokast\u00ebr, 4 rrug\u00eb t\u00eb qytetit t\u00eb Gjirokastr\u00ebs jan\u00eb em\u00ebrtuar me emrat e D\u00ebshmor\u00ebve t\u00eb Policis\u00eb t\u00eb r\u00ebn\u00eb n\u00eb krye t\u00eb detyr\u00ebs. Kjo \u00ebsht\u00eb nj\u00eb iniciativ\u00eb e jona q\u00eb po b\u00ebhet realitet n\u00eb disa qarqe t\u00eb v\u00ebndit, p\u00ebr t\u2019i dh\u00ebn\u00eb r\u00ebnd\u00ebsin\u00eb q\u00eb meritojn\u00eb d\u00ebshmor\u00ebve t\u00eb koh\u00ebve moderne, t\u00eb cil\u00ebt kan\u00eb dh\u00ebn\u00eb jet\u00ebn p\u00ebr t\u00eb mbrojtur jet\u00eb. Kjo do t\u00eb vazhdoj\u00eb dhe fatmir\u00ebsisht kemi gjetur mb\u00ebshtetjen e disa prej bashkive t\u00eb v\u00ebndit, ku edhe p\u00ebrceptimi i publik ka q\u00ebn\u00eb shum\u00eb pozitiv n\u00eb k\u00ebt\u00eb drejtim.<\/p>\n

Pyetje: Z. Nano, sot ndodheni n\u00eb nj\u00eb pik\u00eb kufitare n\u00eb jug t\u00eb vendit, nd\u00ebrkoh\u00eb q\u00eb nj\u00eb pik\u00eb tjet\u00ebr, n\u00eb Kuk\u00ebs, ka pasur probleme. Keni nj\u00eb mesazh p\u00ebr k\u00ebt\u00eb?<\/p>\n

Nano: Sot, \u00ebsht\u00eb b\u00ebr\u00eb nj\u00eb njoftim zyrtar nga SPAK dhe Sh\u00c7BA lidhur me nj\u00eb operacion dhe ekzekutimin e disa masave t\u00eb siguris\u00eb p\u00ebr punonj\u00ebs policie dhe shtetas, p\u00ebr shp\u00ebrdorim detyre dhe vepra t\u00eb tjera penale. Policia e Shtetit n\u00eb k\u00ebt\u00eb operacion \u00ebsht\u00eb angazhuar q\u00eb n\u00eb fillim t\u00eb k\u00ebtij hetimi duke ndihmuar dhe duke qen\u00eb n\u00eb krah t\u00eb agjencive t\u00eb tjera ligjzbatuese pasi, ashtu si\u00e7 un\u00eb e kam p\u00ebrmendur, q\u00eb n\u00eb fillim t\u00eb marrjes s\u00eb detyr\u00ebs nga ana ime kam synuar dhe i q\u00ebndroj shum\u00eb fort past\u00ebrtis\u00eb s\u00eb figur\u00ebs s\u00eb punonj\u00ebsve t\u00eb Policis\u00eb. K\u00ebrkojm\u00eb nj\u00eb Polici me integritet t\u00eb lart\u00eb dhe ata punonj\u00ebs policie t\u00eb cil\u00ebt nuk e gjejn\u00eb dot vet\u00ebn p\u00ebr t\u00eb b\u00ebr\u00eb realisht dhe me nd\u00ebrshm\u00ebri pun\u00ebn duhet t\u00eb largohen nga forca e Policis\u00eb s\u00eb Shtetit. Nuk mund t\u00eb b\u00ebhet pis gjith\u00eb kjo forc\u00eb Policie me njer\u00ebz t\u00eb p\u00ebrkushtuar nga disa elemente t\u00eb cil\u00ebt tradh\u00ebtojn\u00eb uniform\u00ebn, shok\u00ebt dhe koleg\u00ebt n\u00eb pun\u00eb. Un\u00eb inkurajoj t\u00eb gjitha agjencit\u00eb ligjzbatuese t\u00eb vazhdojn\u00eb me k\u00ebt\u00eb rit\u00ebm verifikimin, marrjen e informacionit dhe hetimet ndaj \u00e7do punonj\u00ebsi policie q\u00eb abuzon me detyr\u00ebn.<\/p>\n

Pyetje: Z. Nano jemi n\u00eb vigjilje t\u00eb Pashk\u00ebve. Cilat jan\u00eb masat q\u00eb ka marr\u00eb konkretisht Dogana e Kakavijes, p\u00ebr leht\u00ebsimin e emigrant\u00ebve q\u00eb duan t\u00eb festojn\u00eb Pashk\u00ebt n\u00eb vendin e tyre?<\/p>\n

Nano: Ky \u00ebsht\u00eb edhe nj\u00eb motiv tjet\u00ebr pse jemi sot k\u00ebtu bashk\u00eb me Drejtorin e Kufirit dhe Emigracionit Gjirokast\u00ebr dhe Drejtorin Vendor t\u00eb Policis\u00eb Gjirokast\u00ebr. Do t\u2019ju flas p\u00ebr masat e Policis\u00eb sepse masat e doganave i ka Drejtoria e Doganave. Jemi n\u00eb gatishm\u00ebri t\u00eb plot\u00eb p\u00ebr t\u2019iu p\u00ebrgjigjur t\u00eb gjith\u00eb qytetar\u00ebve q\u00eb do t\u00eb p\u00ebrdorin Pik\u00ebn e Kalimit Kakavije, p\u00ebr t\u00eb hyr\u00eb dhe p\u00ebr t\u00eb dal\u00eb, p\u00ebr t\u00eb kaluar nj\u00eb atmosfer\u00eb sa m\u00eb festive dhe p\u00ebr t\u00eb q\u00ebn\u00eb n\u00eb sh\u00ebrbim t\u00eb tyre, p\u00ebr t\u2019iu gjendur me leht\u00ebsirat q\u00eb duhen dh\u00ebn\u00eb n\u00eb k\u00ebt\u00eb drejtim, me q\u00ebllim q\u00eb atmosfera festive t\u00eb mos prishet n\u00eb hyrje apo n\u00eb dalje t\u00eb Republik\u00ebs s\u00eb Shqip\u00ebris\u00eb. Jemi plot\u00ebsisht n\u00eb gatishm\u00ebri t\u00eb plot\u00eb p\u00ebr ta p\u00ebrballuar n\u00ebse do t\u00eb ket\u00eb fluks n\u00eb k\u00ebt\u00eb pik\u00eb kalimi apo n\u00eb \u00e7do pik\u00eb tjet\u00ebr kalimi kufitar. Faleminderit!<\/p>\n