{"id":24712,"date":"2022-03-08T15:43:12","date_gmt":"2022-03-08T14:43:12","guid":{"rendered":"https:\/\/www.asp.gov.al\/?p=24712"},"modified":"2022-03-09T08:49:15","modified_gmt":"2022-03-09T07:49:15","slug":"nano-takim-me-zv-ambasadoren-e-osce-se-dhe-perfaqesueset-e-organizatave-qe-kane-ne-fokus-te-punes-se-tyre-mbrojtjen-e-gruas-dhe-te-femijeve","status":"publish","type":"post","link":"https:\/\/asp.gov.al\/nano-takim-me-zv-ambasadoren-e-osce-se-dhe-perfaqesueset-e-organizatave-qe-kane-ne-fokus-te-punes-se-tyre-mbrojtjen-e-gruas-dhe-te-femijeve\/","title":{"rendered":"Nano, takim me zv.ambasadoren e OSCE-s\u00eb dhe p\u00ebrfaq\u00ebsueset e organizatave q\u00eb kan\u00eb n\u00eb fokus t\u00eb pun\u00ebs s\u00eb tyre mbrojtjen e gruas dhe t\u00eb f\u00ebmij\u00ebve"},"content":{"rendered":"
\n
N\u00ebn moton \u201cMbrojtja ndaj gruas, para s\u00eb gjithash, \u00ebsht\u00eb mbrojtje ndaj jet\u00ebs dhe vijim\u00ebsis\u00eb s\u00eb saj\u201d, Drejtori i P\u00ebrgjithsh\u00ebm i Policis\u00eb s\u00eb Shtetit Gledis Nano ka zhvilluar nj\u00eb takim me zv.ambasadoren e OSCE-s\u00eb dhe p\u00ebrfaq\u00ebsueset e organizatave nd\u00ebrkomb\u00ebtare dhe komb\u00ebtare q\u00eb kan\u00eb n\u00eb fokus t\u00eb pun\u00ebs s\u00eb tyre mbrojtjen e gruas dhe t\u00eb f\u00ebmij\u00ebve.<\/div>\n<\/div>\n
\n
Gjat\u00eb takimit, Drejtor Nano ka theksuar se mbrojtja e lirive dhe t\u00eb drejtave t\u00eb grave, barazia gjinore dhe trajtimi me profesionaliz\u00ebm i rasteve t\u00eb dhunimit t\u00eb grave dhe f\u00ebmij\u00ebve \u00ebsht\u00eb nj\u00eb nga prioritetet e Policis\u00eb s\u00eb Shtetit.<\/div>\n
<\/div>\n<\/div>\n
\n
Nano ka fal\u00ebnderuar zv.ambasadoren e OSCE-s\u00eb, p\u00ebr prezenc\u00ebn e saj, po ashtu dhe p\u00ebrfaq\u00ebsueset e organizatave, p\u00ebr misionin q\u00eb ato kryejn\u00eb, duke e cil\u00ebsuar si nj\u00eb mision t\u00eb shenjt\u00eb, n\u00eb interes t\u00eb zhvillimit shoq\u00ebror t\u00eb vendit.<\/div>\n
<\/div>\n<\/div>\n
\n
Nd\u00ebrkoh\u00eb, zv.ambasadorja e OSCE-s\u00eb dhe p\u00ebrfaq\u00ebsueset e organizatave nd\u00ebrkomb\u00ebtare dhe komb\u00ebtare kan\u00eb vler\u00ebsuar ftes\u00ebn dhe frym\u00ebn e re t\u00eb bashk\u00ebpunimit dhe t\u00eb qasjes p\u00ebr zgjidhjen e problematikave n\u00eb favor t\u00eb grave, vajzave dhe f\u00ebmij\u00ebve t\u00eb dhunuar.<\/div>\n
<\/div>\n<\/div>\n
\n
Gledis Nano: \u201cDita e sotme, p\u00ebr t\u00eb gjith\u00eb ne, nuk mund t\u00eb jet\u00eb thjesht dhe vet\u00ebm nj\u00eb dit\u00eb festimesh, por si n\u00eb mbar\u00eb bot\u00ebn e qytet\u00ebruar, para s\u00eb gjithash \u00ebsht\u00eb nj\u00eb dit\u00eb apeli ndaj nj\u00eb prej objektivave m\u00eb jetik\u00eb p\u00ebr zhvillimin dhe emancipimin e nj\u00eb shoq\u00ebrie, mbrojtjen e jet\u00ebs s\u00eb gruas. P\u00ebr nj\u00eb vend q\u00eb aspiron ruajtjen e virtyteve dhe traditave me p\u00ebrfaq\u00ebsuese t\u00eb popullit t\u00eb tij, por edhe integrimin n\u00eb Bashkimin Evropian, mbrojtja ndaj gruas para s\u00eb gjithash \u00ebsht\u00eb mbrojtja ndaj jet\u00ebs dhe vijim\u00ebsis\u00eb s\u00eb saj.<\/div>\n
<\/div>\n<\/div>\n
\n
Viti i kaluar nxori n\u00eb pah jo vet\u00ebm rastet e nj\u00ebpasnj\u00ebshme t\u00eb goditjes s\u00eb figur\u00ebs s\u00eb grave dhe vajzave, rolit t\u00eb tyre n\u00eb familje dhe n\u00eb shoq\u00ebri, por n\u00eb t\u00eb nj\u00ebjt\u00ebn koh\u00eb deshifroi edhe epikriz\u00ebn e nj\u00eb shoq\u00ebrie, e cila, p\u00ebr fat t\u00eb keq ende q\u00ebndron e kapur fort pas s\u00eb shkuar\u00ebs s\u00eb saj. N\u00eb jo pak raste, kjo e kaluar nuk ka krijuar vet\u00ebm kujtes\u00eb, por edhe nd\u00ebrgjegje, \u00e7ka do t\u00eb thot\u00eb se krejt filozofia e pun\u00ebs son\u00eb do t\u00eb duhet t\u00eb transformohet p\u00ebr t\u00eb parandaluar dhe reduktuar sa t\u00eb jet\u00eb e mundur rastet e dhun\u00ebs dhe t\u00eb krimit n\u00eb familje, ku n\u00eb pjes\u00ebn m\u00eb t\u00eb madhe gruaja sh\u00ebnon numrin m\u00eb t\u00eb lart\u00eb t\u00eb viktimave.<\/div>\n
<\/div>\n<\/div>\n
\n
Ndaj sot kam zgjedhur t’ju dhuroj, por edhe t\u00eb sjell n\u00eb v\u00ebmendjen e gjithsecilit, romanin e mir\u00ebnjohur t\u00eb shkrimtarit t\u00eb shquar shqiptar Haki St\u00ebrmilli \u201cSikur t\u00eb isha djal\u00eb\u201d. Sa her\u00eb q\u00eb do ta lexojm\u00eb e rilexojm\u00eb k\u00ebt\u00eb vep\u00ebr do t\u00eb arrijm\u00eb t\u00eb kuptojm\u00eb se \u00e7lirimi nga e djeshmja, p\u00ebr nj\u00eb pjes\u00eb t\u00eb shoq\u00ebris\u00eb son\u00eb, por edhe m\u00eb gjer\u00eb, ka qen\u00eb thuajse i pamundur.<\/div>\n
<\/div>\n<\/div>\n
\n
Tek kjo vep\u00ebr e r\u00ebnd\u00ebsishme e let\u00ebrsis\u00eb shqipe hasim gjurm\u00eb t\u00eb qarta t\u00eb s\u00eb kaluar\u00ebs, por nd\u00ebrkoh\u00eb dashur padashur na duhet edhe t\u00eb heqim paralele me koh\u00ebn e sotme.<\/div>\n<\/div>\n
\n
Shkaqet dhe motivet q\u00eb na \u00e7ojn\u00eb te kjo situat\u00eb jan\u00eb t\u00eb ndryshme, si: kultura familjare, problemet socialo-ekonomike, divorci, si dhe shum\u00eb elemente t\u00eb tjera q\u00eb e prekin nj\u00eb shoq\u00ebri n\u00eb tranzicion.<\/div>\n
<\/div>\n<\/div>\n
\n
Kjo do t\u00eb thot\u00eb se nd\u00ebr arm\u00ebt m\u00eb efikase p\u00ebr \u00e7rr\u00ebnjosjen e k\u00ebtij mentaliteti shum\u00ebshekullor, p\u00ebrve\u00e7 pun\u00ebs s\u00eb pandalur t\u00eb Policis\u00eb s\u00eb Shtetit, jan\u00eb edhe mbeten kultura dhe edukimi.<\/div>\n
<\/div>\n<\/div>\n
\n
Gjith\u00eb ky realitet, i ngjizur me faktor\u00eb t\u00eb s\u00eb shkuar\u00ebs, t\u00eb cil\u00ebt vijojn\u00eb t\u00eb ushqejn\u00eb aktualitetin e sot\u00ebm, p\u00ebrplasen vazhdimisht n\u00eb pun\u00ebn e Policis\u00eb.<\/div>\n<\/div>\n
\n
Muaji mars, i dedikuar p\u00ebr grat\u00eb e vajzat, do t\u00eb jet\u00eb nisja e nj\u00eb fushate nd\u00ebrgjegj\u00ebsimi n\u00eb t\u00eb gjith\u00eb vendin, p\u00ebrmes takimeve me Policin\u00eb e Shtetit, n\u00eb \u00e7do nj\u00ebsi administrative, n\u00eb krah me Ju, p\u00ebrfaq\u00ebsuese t\u00eb organizatave t\u00eb shoq\u00ebris\u00eb civile, p\u00ebr t\u00eb sensibilizuar dhe rritur numrin e telefonatave n\u00eb sallat operative, nga t\u00eb gjith\u00eb ata persona q\u00eb kan\u00eb nevoj\u00eb p\u00ebr ndihm\u00eb, p\u00ebr t\u00eb mb\u00ebshtetur dhe zgjidhur nevojat p\u00ebr siguri dhe mbrojtjen sociale t\u00eb tyre.<\/div>\n
<\/div>\n<\/div>\n
\n
Policia e Shtetit, pa asnj\u00eb hezitim, do ta kryej\u00eb me p\u00ebrpik\u00ebri pun\u00ebn e saj, por pa nj\u00eb plan t\u00eb koordinuar edhe me autoritetin tuaj si organizma tep\u00ebr t\u00eb r\u00ebnd\u00ebsishme n\u00eb mbar\u00ebvajtjen e mbrojtjes s\u00eb jet\u00ebs dhe integrimin social t\u00eb gruas shqiptare, do ta ket\u00eb jo pak t\u00eb v\u00ebshtir\u00eb t\u00eb dep\u00ebrtoj\u00eb n\u00eb \u00e7do labirint t\u00eb krijuar nga kjo tradit\u00eb aspak e denj\u00eb p\u00ebr nj\u00eb vend me histori e kultur\u00eb nga m\u00eb t\u00eb vjetrat n\u00eb kontinentin evropian.<\/div>\n
<\/div>\n<\/div>\n
\n
Ndaj, n\u00eb em\u00ebr t\u00eb Policis\u00eb se Shtetit, d\u00ebshiroj t’ju fal\u00ebnderoj p\u00ebr k\u00ebt\u00eb rol dhe mision q\u00eb keni nd\u00ebrmarr\u00eb, si dhe p\u00ebr mb\u00ebshtetjen q\u00eb i keni dh\u00ebn\u00eb Policis\u00eb s\u00eb Shtetit, n\u00eb aplikacione, trajnime t\u00eb shumta, manuale e procedura standarde veprimi t\u00eb pun\u00ebs, p\u00ebr t\u2019u ardhur n\u00eb ndihm\u00eb grave dhe f\u00ebmij\u00ebve t\u00eb dhunuar.<\/div>\n
<\/div>\n<\/div>\n
\n
Pa dashur t\u00eb zgjatem, ju uroj juve k\u00ebtu dhe n\u00ebp\u00ebrmjet jush, uroj t\u00eb gjitha n\u00ebnat, grat\u00eb, vajzat dhe koleget, g\u00ebzuar fest\u00ebn, mir\u00ebsi e mbar\u00ebsi. Dua t\u2019ju siguroj se Policia e Shtetit do t\u00eb jet\u00eb p\u00ebrher\u00eb n\u00eb mbrojtje t\u00eb t\u00eb drejtave dhe lirive themelore t\u00eb tyre.<\/div>\n
<\/div>\n<\/div>\n
\n
Ju fal\u00ebnderoj p\u00ebr misionin q\u00eb kryeni dhe p\u00ebr pjes\u00ebmarrjen sot n\u00eb k\u00ebt\u00eb takim shum\u00eb t\u00eb r\u00ebnd\u00ebsish\u00ebm.<\/div>\n
<\/div>\n<\/div>\n
\n
Nj\u00eb fal\u00ebnderim i ve\u00e7ant\u00eb edhe p\u00ebr znj. Anila Shenjtolli, Drejtoresh\u00eb e Qendr\u00ebs \u201cP\u00ebllumbat\u201d, p\u00ebr pikturat e b\u00ebra nga f\u00ebmij\u00ebt me aft\u00ebsi ndryshe, t\u00eb cilat jua dhurojm\u00eb sot juve, bashk\u00eb me librin.\u201d<\/div>\n
\"\"<\/div>\n
\"\"<\/div>\n
\"\"<\/div>\n<\/div>\n