{"id":23596,"date":"2022-02-03T14:46:27","date_gmt":"2022-02-03T13:46:27","guid":{"rendered":"https:\/\/www.asp.gov.al\/?p=23596"},"modified":"2022-02-03T14:57:21","modified_gmt":"2022-02-03T13:57:21","slug":"policia-e-shtetit-nenshkruan-marreveshje-me-aidssh-per-te-zhdukurit-ne-diktature","status":"publish","type":"post","link":"https:\/\/asp.gov.al\/policia-e-shtetit-nenshkruan-marreveshje-me-aidssh-per-te-zhdukurit-ne-diktature\/","title":{"rendered":"POLICIA E SHTETIT N\u00cbNSHKRUAN MARR\u00cbVESHJE ME AIDSSH, P\u00cbR T\u00cb ZHDUKURIT N\u00cb DIKTATUR\u00cb"},"content":{"rendered":"

Kryetarja e Autoritetit p\u00ebr Informimin mbi Dokumentet e ish-Sigurimit t\u00eb Shtetit znj. Gentiana Sula dhe Drejtori i P\u00ebrgjithsh\u00ebm i Policis\u00eb s\u00eb Shtetit Drejtues Madhor Gledis Nano, n\u00eb pranin\u00eb e p\u00ebrfaq\u00ebsuesve t\u00eb institucioneve publike dhe nd\u00ebrkomb\u00ebtare, n\u00ebnshkruan nj\u00eb marr\u00ebveshje bashk\u00ebpunimi p\u00ebr garantimin e realizimit t\u00eb nj\u00eb procesi t\u00eb rregullt ligjor t\u00eb identifikimit dhe rikuperimit t\u00eb trupave t\u00eb atyre q\u00eb u zhduk\u00ebn ose u ekzekutuan gjat\u00eb regjimit komunist n\u00eb Shqip\u00ebri.<\/p>\n

Objekt i k\u00ebsaj marr\u00ebveshjeje \u00ebsht\u00eb bashk\u00ebrendimi i veprimtaris\u00eb s\u00eb dy institucioneve dhe forcimi i bashk\u00ebpunimit p\u00ebr t\u00eb garantuar proces t\u00eb rregullt ligjor t\u00eb identifikimit dhe rikuperimit t\u00eb trupave t\u00eb atyre q\u00eb u zhduk\u00ebn ose u ekzekutuan gjat\u00eb periudh\u00ebs s\u00eb komunizmit, duke marr\u00eb parasysh q\u00eb krimi i zhdukjes me forc\u00eb \u00ebsht\u00eb krim kund\u00ebr njer\u00ebzimit, q\u00eb shkel nj\u00eb s\u00ebr\u00eb t\u00eb drejtash t\u00eb njeriut dhe shkakton viktima t\u00eb shum\u00ebfishta, jo vet\u00ebm personat e zhdukur, por edhe familjar\u00ebt e tyre apo persona t\u00eb tjer\u00eb q\u00eb kan\u00eb vuajtur drejtp\u00ebrdrejt pasojat e krimit.<\/p>\n

Marr\u00ebveshja me Policin\u00eb e Shtetit \u00ebsht\u00eb e para q\u00eb n\u00ebnshkruhet n\u00eb mb\u00ebshtetje t\u00eb k\u00ebtij ligji dhe do t\u00eb pasohet nga marr\u00ebveshje me institucione t\u00eb tjera t\u00eb p\u00ebrfshira n\u00eb proces, p\u00ebr t\u00eb bashk\u00ebrenduar pun\u00ebn me autoritetet p\u00ebrgjegj\u00ebse dhe m\u00ebnyr\u00ebn e mbrojtjes e t\u00eb ruajtjes s\u00eb vendvarrimeve t\u00eb identifikuara ose t\u00eb dyshuara, pas miratimit t\u00eb VKM-s\u00eb p\u00ebrkat\u00ebse.<\/p>\n

Fjala e plot\u00eb e Drejtorit t\u00eb P\u00ebrgjithsh\u00ebm t\u00eb Policis\u00eb s\u00eb Shtetit Drejtues Madhor Gledis Nano<\/p>\n

E nderuar Kryetare znj. Sula,
\nI nderuar zoti Miraka, an\u00ebtar i Autoritetit,
\nT\u00eb nderuar p\u00ebrfaq\u00ebsues t\u00eb institucioneve nd\u00ebrkomb\u00ebtare,
\nT\u00eb nderuar drejtues t\u00eb Policis\u00eb s\u00eb Shtetit dhe t\u00eb Autoritetit,<\/p>\n

M\u00eb lejoni q\u00eb n\u00eb k\u00ebt\u00eb dit\u00eb t\u00eb n\u00ebnshkrimit t\u00eb Marr\u00ebveshjes s\u00eb Bashk\u00ebpunimit midis Policis\u00eb s\u00eb Shtetit dhe Autoritetit p\u00ebr Informimin mbi Dokumentet e ish-Sigurimit t\u00eb Shtetit, t\u00eb shpreh edhe nj\u00ebher\u00eb gatishm\u00ebrin\u00eb e Drejtoris\u00eb s\u00eb P\u00ebrgjithshme t\u00eb Policis\u00eb s\u00eb Shtetit, p\u00ebr nj\u00eb bashk\u00ebpunim t\u00eb vazhduesh\u00ebm me Autoritetin p\u00ebr Informim.<\/p>\n

Sikurse dihet, ky institucion \u00ebsht\u00eb krijuar m\u00eb 2015, por me ndryshimet e ligjit \u201cP\u00ebr t\u00eb drejt\u00ebn e informimit p\u00ebr dokumentet e ish-Sigurimit t\u00eb Shtetit t\u00eb RPSSH-s\u00eb\u201d (ligji nr. 114\/2020), Autoritetit iu shtua dhe funksioni i bashk\u00ebpunimit me institucionet shtet\u00ebrore qendrore dhe vendore p\u00ebr procesin e identifikimit dhe rikuperimit t\u00eb trupave t\u00eb atyre q\u00eb u zhduk\u00ebn ose u ekzekutuan gjat\u00eb komunizmit, si dhe p\u00ebr marrjen e masave p\u00ebr t\u00eb mbrojtur dhe ruajtur n\u00eb m\u00ebnyr\u00ebn m\u00eb t\u00eb p\u00ebrshtatshme vendet q\u00eb jan\u00eb aktualisht apo do t\u00eb identifikohen si vendvarrime.<\/p>\n

Veprimtaria e Policis\u00eb s\u00eb Shtetit \u00ebsht\u00eb e fokusuar n\u00eb parandalimin, zbulimin dhe hetimin e veprave kriminale. P\u00ebr k\u00ebt\u00eb arsye, ajo \u00ebsht\u00eb e p\u00ebrfshir\u00eb q\u00eb n\u00eb fillim t\u00eb procesit t\u00eb gjetjes s\u00eb trupit t\u00eb nj\u00eb t\u00eb zhdukuri, si n\u00eb rastin e marrjes s\u00eb kall\u00ebzimit apo v\u00ebnies n\u00eb dijeni nga familjar\u00ebt e viktimave apo dhe n\u00eb rastin e zbulimit t\u00eb vendndodhjes s\u00eb trupit t\u00eb t\u00eb zhdukurit, p\u00ebr t\u00eb nd\u00ebrmarr\u00eb veprimet e duhura hetimore n\u00eb zbatim t\u00eb funksioneve t\u00eb saj, parashikuar n\u00eb ligjin p\u00ebr Policin\u00eb e Shtetit, si dhe n\u00eb Kodin e Procedur\u00ebs Penale.<\/p>\n

Detyrimi i Policis\u00eb s\u00eb Shtetit p\u00ebr t\u00eb bashk\u00ebpunuar n\u00eb k\u00ebt\u00eb proces buron edhe nga ligji nr. 83\/2018 \u201cP\u00ebr ratifikimin e marr\u00ebveshjes s\u00eb bashk\u00ebpunimit, nd\u00ebrmjet K\u00ebshillit t\u00eb Ministrave t\u00eb Republik\u00ebs s\u00eb Shqip\u00ebris\u00eb dhe Komisionit Nd\u00ebrkomb\u00ebtar p\u00ebr Personat e Zhdukur (ICMP)\u201d, ku Policia e Shtetit, cil\u00ebsohet si nj\u00eb nga institucionet kryesore p\u00ebr t\u2019u angazhuar n\u00eb zbatimin e k\u00ebsaj marr\u00ebveshjeje.<\/p>\n

Jam i informuar nga koleg\u00ebt q\u00eb kan\u00eb mbajtur k\u00ebt\u00eb bashk\u00ebpunim, se nga Autoriteti jan\u00eb kryer mjaft aktivitete si takime, ekspozita, \u00ebsht\u00eb prodhuar udh\u00ebzuesi p\u00ebr familjar\u00ebt e t\u00eb zhdukurve n\u00eb komuniz\u00ebm, vizita sudimore, seminare dhe konferenca edhe me institucione t\u00eb tjera nd\u00ebrkomb\u00ebtare si ato t\u00eb BE-s\u00eb, OSCE-s\u00eb, ambasada zviceriane, Instituti i Kujtes\u00ebs n\u00eb Poloni etj, n\u00eb t\u00eb cilat nga Drejtoria e P\u00ebrgjithshme e Policis\u00eb s\u00eb Shtetit kan\u00eb marr\u00eb pjes\u00eb drejtues t\u00eb strukturave t\u00eb saj, n\u00eb kuad\u00ebr t\u00eb projektit ICMP-AIDSSH \u201cRritja e nd\u00ebrgjegj\u00ebsimit t\u00eb publikut p\u00ebr drejt\u00ebsin\u00eb tranzicionale dhe t\u00eb pajtimit: t\u00eb zhdukurit n\u00eb komuniz\u00ebm\u201d, t\u00eb mb\u00ebshtetur nga BE-ja, p\u00ebr t\u00eb ardhur deri n\u00eb k\u00ebt\u00eb moment ku jemi sot.<\/p>\n

Q\u00ebllimi i k\u00ebsaj marr\u00ebveshje \u00ebsht\u00eb mbrojtja e t\u00eb drejtave t\u00eb an\u00ebtar\u00ebve t\u00eb familjeve t\u00eb personave t\u00eb zhdukur gjat\u00eb periudh\u00ebs komuniste n\u00eb Shqip\u00ebri midis viteve 1944-1991, duke u siguruar vendodhjen e t\u00eb zhdukurve dhe rrethanat e zhdukjes s\u00eb tyre pas hetimit n\u00eb m\u00ebnyr\u00eb efektive, si dhe nj\u00eb s\u00ebr\u00eb \u00e7\u00ebshtje t\u00eb tjera p\u00ebr t\u00eb shkuar drejt s\u00eb v\u00ebrtet\u00ebs, p\u00ebr t\u00eb cilat Policia e Shtetit ka dhe do t\u00eb plot\u00ebsoj\u00eb \u00e7do detyrim.<\/p>\n

N\u00eb p\u00ebrfundim, theksoj se Drejtoria e P\u00ebrgjithshme e Policis\u00eb s\u00eb Shtetit, referuar nenit 2 t\u00eb Ligjit 108\/2014 \u201cP\u00ebr Policin\u00eb e Shtetit\u201d, i ndryshuar, ku p\u00ebrcaktohet misioni i saj, duke vler\u00ebsuar kapacitetet aktuale t\u00eb strukturave t\u00eb Policis\u00eb s\u00eb Shtetit, n\u00ebp\u00ebrmjet strukturave qendrore dhe vendore t\u00eb saj, do t\u00eb vendos\u00eb n\u00eb dispozicion t\u00eb ekipit q\u00eb do t\u00eb merret me procesin e gjetjes dhe zhvarrimeve, specialist\u00eb t\u00eb policis\u00eb shkencore, specialist\u00eb p\u00ebr hetimin e krimit, ndihm\u00ebsspecialist\u00eb t\u00eb policimit n\u00eb komunitet, si dhe sh\u00ebrbimin e patrull\u00ebs s\u00eb p\u00ebrgjithshme, t\u00eb cilat do t\u00eb garantojn\u00eb rendin dhe sigurin\u00eb gjat\u00eb k\u00ebtij procesi.<\/p>\n

Shpres\u00ebplot\u00eb se bashk\u00ebpunimi shum\u00eb i mir\u00eb me AIDSSH, ICMC, institucionet e tjera vendase dhe nd\u00ebrkomb\u00ebtare, do t\u00eb maksimalizojn\u00eb kontributet e t\u00eb gjith\u00eb aktor\u00ebve, me q\u00ebllim q\u00eb s\u00eb bashku t\u00eb kontribuojm\u00eb p\u00ebr k\u00ebt\u00eb \u00e7\u00ebshtje kaq t\u00eb r\u00ebnd\u00ebsishme.<\/p>\n

Faleminderit!<\/p>\n

\"\"<\/p>\n

\"\"<\/p>\n

\"\"<\/p>\n

\"\"<\/p>\n

\"\"<\/p>\n

\"\"<\/p>\n

\"\"<\/p>\n

 <\/p>\n

 <\/p>\n