{"id":23411,"date":"2022-01-27T21:11:22","date_gmt":"2022-01-27T20:11:22","guid":{"rendered":"https:\/\/www.asp.gov.al\/?p=23411"},"modified":"2022-01-28T08:31:52","modified_gmt":"2022-01-28T07:31:52","slug":"analiza-vjetore-e-strukturave-te-dvp-tirane-dhe-dvp-durres","status":"publish","type":"post","link":"https:\/\/asp.gov.al\/analiza-vjetore-e-strukturave-te-dvp-tirane-dhe-dvp-durres\/","title":{"rendered":"Analiza vjetore e strukturave t\u00eb DVP Tiran\u00eb dhe DVP Durr\u00ebs"},"content":{"rendered":"
\n
Drejtori i P\u00ebrgjithsh\u00ebm i Policis\u00eb s\u00eb Shtetit Drejtues Madhor Gledis Nano mori pjes\u00eb n\u00eb analizat vjetore t\u00eb pun\u00ebs s\u00eb strukturave t\u00eb Policis\u00eb q\u00eb operojn\u00eb n\u00eb qarqet Durr\u00ebs dhe Tiran\u00eb.<\/div>\n
<\/div>\n<\/div>\n
\n
Drejtor Nano, pasi ka vler\u00ebsuar angazhimin e strukturave gjat\u00eb vitit 2021 dhe rezultatet e arritura nga ana e tyre, \u00ebsht\u00eb ndalur edhe n\u00eb problematik\u00ebn dhe sfidat p\u00ebr vitin 2022.<\/div>\n
<\/div>\n<\/div>\n
\n
Nano: \u201cParandalimi i krimeve t\u00eb r\u00ebnda \u00ebsht\u00eb indikatori mat\u00ebs p\u00ebr sigurin\u00eb e qytetar\u00ebve. Ky indikator nuk ka qen\u00eb n\u00eb favorin ton\u00eb gjat\u00eb vitit 2021, ndaj k\u00ebrkoj nga t\u00eb gjitha strukturat, angazhim maksimal, si nga ato t\u00eb burimeve njer\u00ebzore, ashtu edhe ato inteligjente dhe teknologjia q\u00eb keni n\u00eb dispozicion. Duhet me \u00e7do kusht t\u00eb parandalojm\u00eb dhe t\u00eb reagojm\u00eb fort kur ndodh nj\u00eb ngjarje. T\u00eb koordinojm\u00eb veprimet me t\u00eb gjitha agjencit\u00eb ligjzbatuese, por t\u00eb mos n\u00ebnvler\u00ebsojm\u00eb informacionin e qytetar\u00ebve, se \u00ebsht\u00eb shum\u00eb thelb\u00ebsor, me q\u00ebllim q\u00eb t\u00eb zbardhen ngjarjet n\u00eb koh\u00eb dhe ato t\u00eb ndodhura m\u00eb par\u00eb.<\/div>\n
<\/div>\n<\/div>\n
\n
T\u00eb punohet p\u00ebr t\u00eb marr\u00eb informacion p\u00ebr vendndodhjen e personave n\u00eb k\u00ebrkim, t\u00eb atyre q\u00eb kan\u00eb tendenc\u00eb t\u00eb mbajn\u00eb arm\u00eb zjarri n\u00eb banes\u00eb e m\u00eb keq akoma q\u00eb qarkullojn\u00eb me arm\u00eb zjarri dhe t\u00eb organizohen sh\u00ebrbimet p\u00ebr kapjen e tyre. Me jepni objekt konkret dhe keni gjith\u00eb mb\u00ebshtetjen time, do t\u2019ju v\u00eb n\u00eb dispozicion Forcat Operacionale, FNSH e RENEA, por me objekt konkret.<\/div>\n
<\/div>\n<\/div>\n
\n
T\u00eb parandalohet me \u00e7do kusht kultivimi i bim\u00ebve narkotike. Nuk do toleroj ask\u00ebnd, por ask\u00ebnd, cilido qoft\u00eb, q\u00eb do implikohet dhe do b\u00ebhet pal\u00eb me ata q\u00eb tentojn\u00eb t\u00eb kultivojn\u00eb. Nuk do mundet askush q\u00eb t\u00eb njollos\u00eb figur\u00ebn time dhe as t\u00eb Policis\u00eb s\u00eb Shtetit. P\u00ebrfitoj nga rasti q\u00eb kam prefektin k\u00ebtu, q\u00eb t\u2019i k\u00ebrkoj mb\u00ebshtetjen e tij dhe t\u00eb institucionit q\u00eb drejton, q\u00eb bashk\u00ebrisht t\u00eb punojm\u00eb p\u00ebr ta parandaluar kultivimin e kanabisit.<\/div>\n
<\/div>\n<\/div>\n
\n
Nj\u00ebkoh\u00ebsisht k\u00ebrkoj nga ju q\u00eb t\u00eb evidentoni dhe godisni grupet kriminale q\u00eb merren me trafikimin e l\u00ebnd\u00ebve narkotike kanabis dhe drogave t\u00eb forta. P\u00ebrgjegj\u00ebsia \u00ebsht\u00eb e p\u00ebrbashk\u00ebt, q\u00eb nga Policia vendore deri te ajo Kufitare, p\u00ebr rastet e trafikimit t\u00eb l\u00ebnd\u00ebve narkotike. Ndaj bashk\u00ebpunoni duke shk\u00ebmbyer informacion edhe me SH\u00c7BA-n\u00eb dhe agjencit\u00eb e tjera ligjzbatuese, zhvilloni operacione t\u00eb p\u00ebrbashk\u00ebta, p\u00ebr t\u00eb krijuar nj\u00eb terren t\u00eb pafavorsh\u00ebm p\u00ebr ata q\u00eb merren me veprimtari kriminale.<\/div>\n
<\/div>\n<\/div>\n
\n
Reagimi juaj p\u00ebr ngjarje q\u00eb cenojn\u00eb jet\u00ebn dhe pron\u00ebn e qytetar\u00ebve apo kur qytetar\u00ebt kan\u00eb nevoj\u00eb p\u00ebr ndihm\u00ebn e Policis\u00eb \u00ebsht\u00eb nj\u00eb tjet\u00ebr indikator q\u00eb sh\u00ebrben n\u00eb rritjen e besimit t\u00eb qytetar\u00ebve te Policia. Policia duhet t\u00eb jet\u00eb shembull, Polici me autoritet dhe autoriteti fitohet me pun\u00eb, ndershm\u00ebri e p\u00ebrkushtim\u201d.<\/div>\n
<\/div>\n