Mirdit\u00eb, Lezh\u00eb<\/p>\n
Finalizohet me sukses operacioni policor i koduar \u201cPoker\u201d, p\u00ebr goditjen e veprimtaris\u00eb s\u00eb kund\u00ebrligjshme t\u00eb loj\u00ebrave t\u00eb fatit.<\/p>\n
Operacioni i zhvilluar nga sh\u00ebrbimet policore t\u00eb Drejtoris\u00eb Vendore t\u00eb Policis\u00eb Lezh\u00eb dhe ata t\u00eb Komisariatit Mirdit\u00eb, n\u00eb bashk\u00ebpunim Forcat Speciale RENEA.<\/p>\n
Vihen n\u00eb pranga 3 shtetas, procedohen n\u00eb gjendje t\u00eb lir\u00eb 23 t\u00eb tjer\u00eb.<\/p>\n
Sekuestrohen nj\u00eb sasi l\u00ebnde narkotike, nj\u00eb tavolin\u00eb pokeri, 2 kompjuter\u00eb, \u00e7ipsa dhe dy aparate celular.<\/p>\n
N\u00eb vijim t\u00eb kontrolleve t\u00eb pand\u00ebrprera n\u00eb gjith\u00eb qarkun Lezh\u00eb, n\u00eb zbatim t\u00eb planit t\u00eb masave p\u00ebr evidentimin dhe nd\u00ebshkimin ligjor t\u00eb veprimtaris\u00eb s\u00eb kund\u00ebrligjshme t\u00eb loj\u00ebrave t\u00eb fatit, bazuar dhe n\u00eb informacionet e marra n\u00eb rrug\u00eb operative se n\u00eb nj\u00eb ambient ushtrohej aktivitet i paligjsh\u00ebm i loj\u00ebrave t\u00eb fatit, sh\u00ebrbimet e Policis\u00eb Lezh\u00eb, n\u00eb bashk\u00ebpunim me Forcat Speciale RENEA, organizuan dhe finalizuan me sukses operacionin policor t\u00eb koduar \u201cPoker”, n\u00eb kuad\u00ebr t\u00eb t\u00eb cilit u arrestuan n\u00eb flagranc\u00eb 3 shtetas dhe u proceduan penalisht 23 t\u00eb tjer\u00eb.<\/p>\n
Pas informacioneve t\u00eb siguruara n\u00eb rrug\u00eb operative se shtetasi N. P. ushtronte aktivitetin e paligjsh\u00ebm t\u00eb loj\u00ebrave t\u00eb fatit n\u00eb ambientin e lokalit t\u00eb tij, sh\u00ebrbimet e Policis\u00eb kan\u00eb ushtruar kontroll n\u00eb ambientet e k\u00ebtij lokali.<\/p>\n
N\u00eb vijim t\u00eb veprimeve jan\u00eb v\u00ebn\u00eb n\u00eb pranga shtetasit:<\/p>\n
N. P., 46 vje\u00e7, pronari i lokalit dhe M. T., 21 vje\u00e7, punonj\u00ebs n\u00eb lokal, banues n\u00eb Mirdit\u00eb, p\u00ebr veprat penale “Organizimi i lotarive t\u00eb palejuara”, “V\u00ebnia n\u00eb dispozicion e lokaleve p\u00ebr loj\u00ebra t\u00eb palejuara” dhe “P\u00ebrshtatja e lokalit p\u00ebr p\u00ebrdorim drog\u00eb”;<\/p>\n
Xh. S., 21 vje\u00e7 (klient n\u00eb lokal), p\u00ebr veprat penale “Prodhimi dhe shitja e narkotik\u00ebve” dhe \u201cNxitja p\u00ebr p\u00ebrdorimin e drog\u00ebs”. K\u00ebtij shtetasi, nga kontrolli i ushtruar nga sh\u00ebrbimet e Policis\u00eb, iu gjet nj\u00eb sasi e dyshuar cannabis sativa.<\/p>\n
Gjithashtu, n\u00eb vijim t\u00eb veprimeve u proceduan penalisht 23 shtetas t\u00eb tjer\u00eb, klient\u00eb n\u00eb lokal, p\u00ebr vepr\u00ebn penale “Organizimi i lotarive t\u00eb palejuara”.<\/p>\n
N\u00eb cil\u00ebsin\u00eb e prov\u00ebs materiale u sekuestruan l\u00ebnd\u00eb narkotike e dyshuar cannabis, nj\u00eb tavolin\u00eb pokeri, \u00e7ipsa, dy kompjuter\u00eb dhe dy aparate celular.<\/p>\n
Materialet hetimore i kaluan Prokuroris\u00eb pran\u00eb Gjykat\u00ebs s\u00eb Shkall\u00ebs s\u00eb Par\u00eb Lezh\u00eb, p\u00ebr veprime t\u00eb m\u00ebtejshme.<\/p>\n
Kontrollet kund\u00ebr aktivitetit t\u00eb loj\u00ebrave t\u00eb fatit do t\u00eb vijojn\u00eb n\u00eb t\u00eb gjith\u00eb qarkun dhe n\u00eb k\u00ebt\u00eb kuad\u00ebr Policia e Lezh\u00ebs fton cilindo t\u00eb denoncoj\u00eb n\u00eb numrin 112 ose p\u00ebrmes aplikacionit \u201cKomisariati Dixhital\u201d, \u00e7do veprimtari t\u00eb till\u00eb t\u00eb kund\u00ebrligjshme, duke iu siguruar anonimatin dhe reagim t\u00eb paansh\u00ebm kundrejt shkel\u00ebsve t\u00eb ligjit.<\/p>\n