{"id":15675,"date":"2021-04-22T14:34:15","date_gmt":"2021-04-22T12:34:15","guid":{"rendered":"https:\/\/www.asp.gov.al\/?p=15675"},"modified":"2021-04-22T14:54:40","modified_gmt":"2021-04-22T12:54:40","slug":"kakavije-gjirokaster-drejtori-i-departamentit-te-kufirit-dhe-migracionit-eduart-merkaj-inspektim-ne-piken-e-kalimit-kufitar-per-masat-ne-prag-te-zgjedhjeve","status":"publish","type":"post","link":"https:\/\/asp.gov.al\/kakavije-gjirokaster-drejtori-i-departamentit-te-kufirit-dhe-migracionit-eduart-merkaj-inspektim-ne-piken-e-kalimit-kufitar-per-masat-ne-prag-te-zgjedhjeve\/","title":{"rendered":"Kakavij\u00eb – Drejtori i Departamentit t\u00eb Kufirit dhe Migracionit, inspektim n\u00eb pik\u00ebn e kalimit kufitar"},"content":{"rendered":"
\n
Kakavij\u00eb, Gjirokast\u00ebr – Drejtori i Departamentit t\u00eb Kufirit dhe Migracionit Eduart Merkaj, inspektim n\u00eb pik\u00ebn e kalimit kufitar p\u00ebr masat n\u00eb prag t\u00eb zgjedhjeve.<\/div>\n
<\/div>\n
Drejtori i Departamentit t\u00eb Kufirit dhe Migracionit Eduart Merkaj zhvilloi nj\u00eb inspektim n\u00eb Pik\u00ebn e Kalimit Kufitar n\u00eb Kakavij\u00eb, p\u00ebr t\u00eb par\u00eb nga af\u00ebr zbatimin e masave t\u00eb marra n\u00eb kuad\u00ebr t\u00eb procesit t\u00eb zgjedhjeve, qoft\u00eb sa i p\u00ebrket pikave t\u00eb kalimit, ashtu edhe p\u00ebr pjes\u00ebn e kufirit t\u00eb gjelb\u00ebr. K\u00ebto masa kan\u00eb si q\u00ebllim parandalimin e veprave penale, q\u00eb mund t\u00eb kryhen gjat\u00eb k\u00ebsaj periudhe n\u00eb kufi. Me k\u00ebt\u00eb rast Merkaj zhvilloi gjithashtu nj\u00eb takim me oficer\u00ebt e FRONTEX q\u00eb ofrojn\u00eb asistenc\u00eb n\u00eb kufi p\u00ebr punonj\u00ebsit e policis\u00eb kufitare, dit\u00eb kjo q\u00eb p\u00ebrkoi me dat\u00ebn 22, kur b\u00ebhej edhe nd\u00ebrrimi i radh\u00ebs s\u00eb koleg\u00ebve nga vendet e BE-s\u00eb.<\/div>\n
<\/div>\n
N\u00eb nj\u00eb komunikim me mediat,<\/div>\n
<\/div>\n<\/div>\n
\n
Drejtori Merkaj: Sot vizita ime k\u00ebtu \u00ebsht\u00eb n\u00eb kuad\u00ebr t\u00eb gjitha vizitave q\u00eb po b\u00ebhen n\u00ebp\u00ebr Drejtorit\u00eb Vendore t\u00eb Kufirit dhe Migracionit, p\u00ebr t\u00eb par\u00eb shtimin e masave t\u00eb policis\u00eb kufitare para zgjedhjeve dhe gjat\u00eb procesit zgjedhor. Jo vet\u00ebm p\u00ebr k\u00ebt\u00eb fakt, por edhe p\u00ebr nj\u00eb fakt tjet\u00ebr, pasi sot b\u00ebhet edhe nd\u00ebrrimi i turneve t\u00eb Frontex-it. Sot n\u00eb dat\u00eb 22 \u00ebsht\u00eb nd\u00ebrrimi i radh\u00ebs s\u00eb koleg\u00ebve t\u00eb cil\u00ebt vijn\u00eb nga vendet e Bashkimit Europian. Duke qen\u00eb se ishte edhe kjo mund\u00ebsi, un\u00eb b\u00ebra nj\u00eb takim t\u00eb shkurt\u00ebr edhe me ta.<\/div>\n
K\u00ebtu u pa kryesisht pjesa e hyrjes n\u00eb Pik\u00ebn e Kalimit Kufitar Kakavij\u00eb, por nga Drejtori Vendor i Kufirit dhe Migracionit m\u2019u b\u00eb edhe nj\u00eb tablo p\u00ebr sa i p\u00ebrket masave t\u00eb marra, p\u00ebr sa i p\u00ebrket kufirit t\u00eb gjelb\u00ebrt. Policia e Shtetit dhe Policia Kufitare e sheh m\u00eb me risk kontrollin e k\u00ebtij kufiri, pasi element\u00eb t\u00eb ndrysh\u00ebm kriminal\u00eb, apo t\u00eb dyshuar p\u00ebr vepra penale, mund t\u00eb mendojn\u00eb, apo mund t\u00eb kryejn\u00eb veprat penale, t\u00eb cilat kryhen n\u00eb kufi. Ju e dini q\u00eb policia \u00ebsht\u00eb gatishm\u00ebri. Shumica e punonj\u00ebsve t\u00eb policis\u00eb me uniform\u00eb do t\u00eb jen\u00eb n\u00ebp\u00ebr qendrat e votimit, t\u00eb cil\u00ebt do t\u00eb marrin n\u00eb ruajtje sipas ligjit zgjedhor q\u00eb \u00ebsht\u00eb i parashikuar, dhe m\u00eb pas dit\u00ebn e diel, kur do t\u00eb filloj\u00eb procesi zgjedhor, do t\u00eb vazhdojn\u00eb duke ndenjur n\u00eb larg\u00ebsin\u00eb e duhur. Pas p\u00ebrfundimit t\u00eb procesit do t\u00eb shoq\u00ebrojn\u00eb materialet zgjedhore p\u00ebr n\u00eb qendrat e votimit.<\/div>\n
<\/div>\n<\/div>\n
\n
Pyetje: \u00c7\u2019mund t\u00eb na thon\u00eb p\u00ebr k\u00ebt\u00eb lloj bashk\u00ebpunimi me Frontex-in?<\/div>\n
<\/div>\n<\/div>\n
\n
Drejtori Merkaj: P\u00ebr sa i p\u00ebrket pyetjes s\u00eb par\u00eb, dua t\u2019ju them q\u00eb njoftimi i t\u00eb gjith\u00eb shtetasve shqiptar\u00eb, t\u00eb cil\u00ebt ndodhen n\u00eb Shqip\u00ebri, n\u00eb Greqi, apo n\u00eb vendet e tjera me t\u00eb cilat ne kufizohemi, njoftimi i tyre \u00ebsht\u00eb b\u00ebr\u00eb prej jush, pasi ne e kemi dh\u00ebn\u00eb gjithmon\u00eb njoftimin. N\u00eb vendimin q\u00eb \u00ebsht\u00eb marr\u00eb n\u00eb dat\u00eb 19 nga Komiteti Teknik dhe m\u00eb pas, i shoq\u00ebruar me urdhrin e Ministrit t\u00eb Sh\u00ebndet\u00ebsis\u00eb nr. 219, dt.19 prill, Drejtori i P\u00ebrgjithsh\u00ebm i Policis\u00eb s\u00eb Shtetit u ka d\u00ebrguar nj\u00eb telegram, t\u00eb gjith\u00eb punonj\u00ebsve t\u00eb Policis\u00eb s\u00eb Shtetit, sipas funksionaliteteve, sipas Departamenteve p\u00ebrkat\u00ebs q\u00eb n\u00eb baz\u00eb t\u00eb procedurave standarde, t\u00eb marrin detyrimet e tyre n\u00eb baz\u00eb t\u00eb k\u00ebtyre dy urdhrave.<\/div>\n
<\/div>\n
Dua t\u2019ju them se n\u00eb baz\u00eb t\u00eb urdhrit t\u00eb Ministrit t\u00eb Sh\u00ebndet\u00ebsis\u00eb \u00ebsht\u00eb e parashikuar shum\u00eb qart\u00eb p\u00ebr masat q\u00eb duhet t\u00eb marr\u00eb Policia e Shtetit n\u00eb kontrollin e shtetasve apo qoft\u00eb n\u00eb momentin q\u00eb ata hyjn\u00eb, p\u00ebr t\u2019i v\u00ebn\u00eb n\u00eb dijeni dhe p\u00ebr t\u00eb plot\u00ebsuar nj\u00eb formular i cili \u00ebsht\u00eb i miratuar, ku \u00ebsht\u00eb shprehur shum\u00eb qart\u00eb n\u00eb lidhje me veprimet q\u00eb duhet t\u00eb nd\u00ebrmarrin shtetasit, pasi \u00ebsht\u00eb p\u00ebrgjegj\u00ebsi e tyre p\u00ebr vet\u00ebkarantinimin.<\/div>\n
<\/div>\n<\/div>\n
\n
P\u00ebr pyetjen e dyt\u00eb, un\u00eb mund t\u2019ju jap nj\u00eb tablo t\u00eb shkurt\u00ebr. Jo m\u00eb larg se dje n\u00eb raportin ditor q\u00eb m\u00eb \u00ebsht\u00eb b\u00ebr\u00eb, t\u00eb pakt\u00ebn p\u00ebr Kor\u00e7\u00ebn dhe p\u00ebr Gjirokastr\u00ebn ku operon edhe operacioni i p\u00ebrbashk\u00ebt me FRONTEX, dua t\u2019ju them se ka pasur disa persona t\u00eb shpallur n\u00eb k\u00ebrkim, n\u00eb pika t\u00eb kalimit kufitar, jo vet\u00ebm, por edhe n\u00eb kufirin e gjelb\u00ebr. Gjithashtu kemi pasur sh\u00ebrbime t\u00eb p\u00ebrforcuara, p\u00ebr arsye sepse shtetas t\u00eb ndrysh\u00ebm mendojn\u00eb se p\u00ebr shum\u00eb arsye, Policia e Shtetit nuk do t\u00eb jet\u00eb m\u00eb edhe aq e v\u00ebmendshme p\u00ebr kontrollin e kufijve dhe mund t\u00eb kryejn\u00eb vepra t\u00eb ndryshme penale t\u00eb krimeve nd\u00ebrkufitare.<\/div>\n
<\/div>\n<\/div>\n
\n
Pyetje: Ju that\u00eb se \u00ebsht\u00eb b\u00ebr\u00eb nj\u00eb propozim nga Komiteti Teknik i Sh\u00ebndet\u00ebsis\u00eb n\u00eb dt. 19 prill, q\u00eb \u00ebsht\u00eb botuar n\u00eb Fletoren Zyrtare vet\u00ebm mbr\u00ebmjen e djeshme. Nd\u00ebrkoh\u00eb q\u00eb 24 or\u00eb n\u00eb pik\u00ebn kufitare kan\u00eb hyr\u00eb emigrant\u00eb, t\u00eb cil\u00ebt kan\u00eb plot\u00ebsuar k\u00ebt\u00eb formular, i cili paraprakisht ka qen\u00eb i jasht\u00ebligjsh\u00ebm. P\u00ebrse ka ndodhur, pra, m\u00eb p\u00ebrpara se kjo t\u00eb botohej n\u00eb Fletoren Zyrtare?! Pasi \u00ebsht\u00eb nj\u00eb propozim, pastaj merret nj\u00eb vendim nga Ministria e Sh\u00ebndet\u00ebsis\u00eb dhe m\u00eb pas botohet n\u00eb Fletoren Zyrtare?<\/div>\n
<\/div>\n<\/div>\n
\n
Drejtori Merkaj: Propozimi i dh\u00ebn\u00eb nga Komiteti Teknik, t\u00eb cil\u00ebt jan\u00eb njer\u00ebzit p\u00ebrgjegj\u00ebs q\u00eb marrin k\u00ebto vendime, \u00ebsht\u00eb shoq\u00ebruar me urdhrin e Ministrit t\u00eb Sh\u00ebndet\u00ebsis\u00eb, me num\u00ebr 219, dt. 19.04.2021. Urdhri, neve na ka ardhur ne fizikisht n\u00eb k\u00ebt\u00eb dat\u00eb. Se kur \u00ebsht\u00eb botuar n\u00eb Fletoren Zyrtare, un\u00eb s\u2019e di \u00e7far\u00eb t\u2019ju them. Absolutisht q\u00eb ka hyr\u00eb n\u00eb fuqi Urdhri i Ministris\u00eb t\u00eb Sh\u00ebndet\u00ebsis\u00eb, pasi ne na ka ardhur si Polici e Shtetit, nj\u00eb urdh\u00ebr i firmosur, i protokolluar brenda Ministris\u00eb s\u00eb Sh\u00ebndet\u00ebsis\u00eb. Q\u00eb nga ai moment Drejtori i P\u00ebrgjithsh\u00ebm i Policis\u00eb ka p\u00ebrgatitur nj\u00eb Telegram, si\u00e7 jua thash\u00eb, q\u00eb ua ka p\u00ebrcjell\u00eb edhe forcave t\u00eb Departamentit t\u00eb Rendit dhe Siguris\u00eb Publike, edhe Drejtorive Vendore t\u00eb Policis\u00eb, por edhe Drejtorive Vendore t\u00eb Kufirit dhe Migracionit, p\u00ebr t\u00eb marr\u00eb detyrimet e tyre sipas procedurave standarde, sipas pun\u00ebs s\u00eb tyre t\u00eb p\u00ebrditshme. Faleminderit!<\/div>\n