Si rezultat i punës hetimore dhe kontrolleve në terren, janë finalizuar 5 operacione:

-3 operacione për goditjen e veprimtarive kriminale në fushën e narkotikëve. U arrestuan 5 autorë të dyshuar dhe u shpall në kërkim 1, si dhe u proceduan në gjendje të lirë 4 shtetas, për verprën penale “Shpërdorimi i detyrës”. Janë sekuestruar 44 kilogramë bimë narkotike Cannabis, në formë boçesh/në proces tharjeje,  sasi Kokaine dhe Cannabisi, gati për shitje, si dhe është asgjësuar një numër i konsiderueshëm bimësh të dyshuara narkotike që u gjetën të kultivuara;

-2 operacione për zbardhjen e vjedhjeve/tentativave për vjedhje. U arrestuan 2 shtetas, u proceduan në gjendje të lirë 2, ndërsa 1 u shpall në kërkim.

Janë kapur 2 shtetas që ishin në kërkim për krime kundër personit.

Në fushën e narkotikëve janë evidentuar 13 raste në të gjithë territorin, me 4 autorë të arrestuar, 4 të proceduar në gjendje të lirë dhe 2 në kërkim, ndërsa për 6 raste po punohet për identifikimin dhe kapjen e autorëve. U sekuestruan sasi Kokaine dhe Cannabisi, si dhe është asgjësuar një numër i konsiderueshëm bimësh të dyshuara narkotike që u gjetën të kultivuara.

Në fushën e krimeve ndaj personit janë evidentuar 22 raste, me 30 autorë të proceduar në gjendje të lirë dhe 1 në kërkim. Gjithashtu, u shpall në kërkim një 36-vjeçar, pasi dyshohet se ka tentuar t’i marrë me dhunë, në kërcënimin e armës, një shumë parash, një 51-vjeçari. Punohet për kapjen e tij.

U arrestua 1 shtetas dhe u procedua në gjendje të lirë 1 tjetër, për thyerje të masës së sigurisë “Arrest në shtëpi”.

U ekzekutua masa e sigurisë “Arrest në shtëpi”, për një 47-vjeçare, caktuar nga GjKKO, për veprën penale “Zbulimi i akteve ose të dhënave sekrete”. 47-vjeçarja u ekstradua nga Gjermania.

Në fushën e krimeve kundër pronës janë evidentuar 11 raste, me 1 autor të arrestuar, 8 të proceduar në gjendje të lirë dhe 2 në kërkim, ndërsa për 2 raste po punohet për identifikimin e autorëve.

Janë evidentuar 5 raste të dhunës në familje, me 4 autorë të proceduar në gjendje të lirë dhe 1 në kërkim, si dhe janë plotësuar 12 kërkesëpadi për urdhër mbrojtjeje.

Janë evidentuar 4 raste të krimeve kundër mjedisit, me 4 autorë të proceduar në gjendje të lirë.

Janë evidentuar 6 raste të krimeve ekonomiko-financiare, me 7 autorë të proceduar në gjendje të lirë.

Janë evidentuar 2 raste të mbajtjes pa leje të armëve të ftohta, me 1 autor të arestuar dhe 1 të proceduar në gjendje të lirë.

Janë proceduar penalisht 7 shtetas, për vepra të ndryshme penale.

Janë arrestuar 7 shtetas dhe janë proceduar penalisht 4 të tjerë, pasi drejtonin mjete në gjendje të dehur ose pa leje drejtimi. Gjithashtu, janë arrestuar 2 shtetas dhe janë proceduar penalisht 9 të tjerë, pasi kanë shkelur rregullat e qarkullimit rrugor, si dhe po punohet për kapjen e drejtuesit të një mjeti, i cili është larguar nga vendi i aksidentit.

Strukturat e Policisë Kufitare kanë arrestuar 1 shtetas, për ndihmë për kalim të paligjshëm të kufirit, si dhe kanë proceduar në gjendje të lirë 13 shtetas, për kalim të paligjshëm të kufirit, krime kundër personit/mjedisit.

Interpol Tirana/U ekstradua nga Shqipëria në Maqedoninë e Veriut, 1 shtetas në kërkim ndërkombëtar, të cilin Gjykata e Apelit në Gostivar, në vitin 2025, e ka dënuar me 1 vit burg, për veprën penale “Falsifikimi i kartëmonedhave”.

Policia e Shtetit fton qytetarët të denoncojnë në numrin pa pagesë 112 çdo rast paligjshmërie, duke u garantuar reagim profesional, të shpejtë dhe anonimitet të sigurt.

The post Rezultatet kryesore të strukturave policore në vend dhe ngjarjet e ndodhura gjatë 24 orëve të fundit appeared first on Policia e Shtetit.

Vijojnë intensivisht kontrollet në territor dhe në ambiente të mbyllura, për parandalimin dhe goditjen e kultivimit të bimëve narkotike.

Zbulohet në Divjakë, një ambient i përshtatur për tharjen dhe përpunimin e bimëve narkotike. Sekuestrohen 44 kilogramë bimë narkotike kanabis, në formë boçesh/në proces tharjeje.

Gjithashtu, gjatë operacionit, u konstatuan të kultivuara 1426 bimë narkotike kanabis. Një pjesë e tyre u asgjësuan në vend, ndërsa pjesa tjetër u sekuestruan në cilësinë e provës materiale.

Si rezultat i kontrolleve intensive në territorin e qarkut Fier, nga toka dhe nga ajri, me dronë, shërbimet e Drejtorisë Vendore të Policisë Fier, në bashkëpunim me shërbimet e Komisariatit të Policisë Divjakë, bazuar dhe në informacionet e siguruara në rrugë operative, kanë finalizuar operacionin e koduar “Koordinimi”.

Gjatë operacionit, në vendin e quajtur “Rezervuari i Divjakës”, në një tokë shtetërore, u gjet një ambient i përshtatur për tharjen dhe përpunimin e bimëve narkotike. Në këtë ambient u gjetën 37 kilogramë lëndë e dyshuar narkotike kanabis në proces tharjeje dhe 7 kilogramë lëndë e dyshuar narkotike kanabis në formë boçesh. Lënda narkotike u sekuestrua në cilësinë e provës materiale, me qëllim kryerjen e ekspertimit.

Në vijim të veprimeve procedurale, specialistët e Sektorit për Hetimin e Narkotikëve në DVP Fier referuan materialet në Prokurori ku nisi procedimi në gjendje të lirë për veprën penale “Shpërdorimi i detyrës”, për 3 punonjës të Administratës Rajonale të Zonave të Mbrojtura në qarkun Fier, shtetasit:
-E. T., 33 vjeç, me detyrë përgjegjës sektori, F. H., 37 vjeç, me detyrë specialist menaxhimi dhe G. A., 53 vjeç, me detyrë roje.

Vijon puna, në drejtimin e Prokurorisë së Fierit, për identifikimim dhe kapjen e autorit/ëve të kultivimit të bimëve narkotike.

Drejtoria Vendore e Policisë Fier vijon kontrollet intensive nga ajri, me dronë, dhe nga toka, me qëllim parandalimin dhe goditjen e veprimtarisë kriminale të kultivimit të bimëve narkotike.

Policia e Shtetit inkurajon qytetarët që të denoncojnë çdo rast paligjshmërie, në njësitë e Policisë ose në numrin pa pagesë 112.

The post DVP Fier/Finalizohet operacioni i koduar “Koordinimi” appeared first on Policia e Shtetit.

Goditet 1 rast i kultivimit të bimëve narkotike, në fshatin Vlahën.

Identifikohen 3 shtetas si autorë të dyshuar të rastit (babai dhe 2 djemtë). Vihen në pranga 2 nga këta shtetas, punohet për kapjen e tjetrit.

Sekuestrohen municion luftarak dhe 5 m fitil zjarrpërcjellës, që u gjetën në banesën e tyre.

Procedohet penalisht kryeplaku i fshatit Vlahën, për shpërdorim detyre.

Shërbimet e Komisariatit të Policisë Has, në bashkëpunim me shërbimet e Policisë Kufitare Qaf Prush, kanë vijuar me intensitet kontrollet në të gjithë territorin e bashkisë Has, me qëllim parandalimin dhe goditjen e rasteve të kultivimit të bimëve narkotike.

Si rezultat i kontrolleve, në njësinë administrative Golaj, në territorin e fshatit Vlahen, u konstatuan të kultivuara një numër i konsiderueshëm bimësh të dyshuara narkotike Cannabis Sativa, të cilat u asgjësuan me djegie.

Në vijim të veprimeve hetimore u arrestuan si autorë të dyshuar, shtetasit Rr. U ., 70 vjeç dhe B. U., 34 vjeç (babë dhe bir), banues në fshatin Vlahën, si dhe u shpall në kërkim djali tjetër i 70-vjeçarit, shtetasi A. U., 44 vjeç.

Gjithashtu, u referuan materialet në Prokurori ku nisi procedimi në gjendje të lirë për shtetasin Rr. S., 58 vjeç, me detyrë kryetar i fshatit Vlahën, për veprën penale “Shpërdorimi i detyrës”.

Kontrollet vijojnë në të gjithë territorin e qarkut Kukës, me qëllim parandalimin dhe goditjen e veprimtrisë kriminale të kultivimit të bimëve narkotike.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.

The post Qarku Kukës/Goditet 1 rast i kultivimit të bimëve narkotike, në fshatin Vlahën, identifikohen 3 autorë të dyshuar appeared first on Policia e Shtetit.

Kundërshtuan dhe goditën me sende të forta punonjësit e Policisë, dëmtuan një automjet policie si dhe sulmuan deputetët e Kuvendit të Shqipërisë gjatë tubimit të zhvilluar dje, arrestohen 19 shtetas.

Procedohen penalisht 12 shtetas.

Vijon puna për identifikimin dhe të 6 shtetasve të tjerë që janë dokumentuar me pamje filmike për veprime të dhunshme.

Gjatë tubimit u dëmtuan 15 punonjës policie dhe një automjet policie.

Në vijim të veprimeve procedurale të kryera nga strukturat e Drejtorisë Vendore të Policisë Tiranë, në lidhje me tubimin e zhvilluar dje pranë Parlamentit, u bë arrestimi në flagrancë i shtetasve:

-B. K., 35 vjeç; A. E., 24 vjeç; G. P., 36 vjeç; D. B., 32 vjeç; K. P., 46 vjeç; R. D., 30 vjeç; A. Y., 40 vjeç; N. Q., 43 vjeç; Y. Sh., 52 vjeç; E. Gj., 39 vjeç; F. B., 56 vjeç; R. P., 35 vjeç; A. T., 34 vjeç; A. N., 35 vjeç; E. B., 45 vjeç; A. H., 35 vjeç; E. G., 23 vjeç, E. B., 20 vjeç.

Si dhe shtetasi A. Ll., 35 vjeç, pasi ka goditur një gazetar.

Gjithashtu, u proceduan penalisht në gjendje të lirë shtetasit: F. D., 63 vjeç; Sh. B., 33 vjeç; V. D., 29 vjeç; E. Gj., 38 vjeç; T. T., 43 vjeç; E. A., 31 vjeç; G. S., 20 vjeç; R. D., 30 vjeç; A. M., 39 vjeç; M. J., 47 vjeç, A. G., 47 vjeç dhe A. K., 22 vjeçe.

Grupi hetimor vijon punën për identifikimin e shtetasve të tjerë që mund të kenë kryer veprime të kundërligjshme gjatë tubimit të zhvilluar dje.

Materialet procedurale i janë referuar Prokurorisë së Tiranës, për veprat penale “Shkatërrim prone”, “Kundërshtim i punonjësit të policisë”, “Goditje për shkak të detyrës”, “Prishje e rendit dhe e qetësisë publike”, “Organizim dhe pjesëmarrje në grumbullime dhe manifestime të paligjshme”, “Mosbindje ndaj urdhrit të ligjshëm të punonjësit të policisë” dhe “Pengim i qarkullimit të mjeteve të transportit”.a

The post Tiranë/Arrestohen 19 shtetas, procedohen penalisht 12 shtetas appeared first on Policia e Shtetit.

Drejtori i Përgjithshëm i Policisë së Shtetit, Drejtues Madhor Skënder Hita, vizitoi në Spitalin e Traumës punonjësit e tjerë të Policisë së Shtetit që mbetën të lënduar gjatë tubimit të zhvilluar sot para Parlamentit, në ushtrim të detyrës.

Gjatë vizitës, Drejtori i Përgjithshëm bisedoi me mjekët dhe me efektivët e lënduar për gjendjen e tyre shëndetësore, si dhe shprehu mirënjohjen për profesionalizmin, vetëpërmbajtjen dhe përkushtimin që treguan në përballimin e një situate të tillë të tensionuar.

Si pasojë e sulmeve me gurë, sende të forta dhe mjete piroteknike ndaj forcave të rendit, 15 punonjës policie pësuan lëndime gjatë ushtrimit të detyrës.

Drejtori Hita i siguroi efektivët për mbështetjen e plotë të institucionit dhe për garantimin e të gjithë kujdesit të nevojshëm mjekësor deri në rikuperimin e plotë të tyre, duke vlerësuar sakrificën dhe angazhimin e çdo punonjësi që shërben në mbrojtje të rendit dhe sigurisë publike.

Drejtues Madhor Skënder Hita theksoi se misioni i Policisë së Shtetit kërkon profesionalizëm, kurajo dhe përgjegjësi, duke nënvizuar se efektivët do të vijojnë ta ushtrojnë detyrën me vendosmëri, në zbatim të ligjit dhe në shërbim të qytetarëve, për të garantuar rendin, sigurinë publike, mbrojtjen e institucioneve të vendit dhe sundimin e ligjit, pa asnjë kompromis.

The post Drejtori i Përgjithshëm viziton sërish në Spitalin e Traumës, efektivët e dëmtuar gjatë tubimit appeared first on Policia e Shtetit.

Ata uruan shërim sa më shpejtë për 2 punonjësit e Policisë që po marrim mjekim në Spitalin e Traumës dhe për kolegun e tyre, i dëmtuar gjithashtu gjatë protestës, i cili po merr ndihmën mjekësore në QSUT.

The post Drejtori i Përgjithshëm Skender Hita vizitoi në spital, punonjësit e Policisë që u dëmtuan sot, gjatë protestës appeared first on Policia e Shtetit.

Është finalizuar 1 operacion për goditjen e një rasti të shitjes së lëndëve narkotike. U arrestua 1 shtetas dhe u proceduan në gjendje të lirë 4 shtetas, si dhe u sekuestruan doza të lëndëve të dyshuara narkotike Kokainë dhe Cannabis Sativa.

Është ndaluar 1 shtetas që ishte në kërkim si bashkëpunëtor në goditjen e një 37-vjeçari me sende të forta dhe me sëpatë, ngjarje e ndodhur më datë 29.06.2026, në Vlorë. Gjithashtu, është kapur 1 shtetas në kërkim për dhunë në familje.

Në fushën e narkotikëve janë evidentuar 14 raste në të gjithë territorin, me 2 autorë të arrestuar dhe 2 të proceduar në gjendje të lirë, ndërsa për 10 raste po punohet për identifikimin dhe kapjen e autorëve. Janë sekuestruar sasi të lëndëve të dyshuara narkotike Kokainë dhe Cannabis Sativa, si dhe janë asgjësuar bimë të dyshuara narkotike.

Në fushën e krimeve ndaj personit janë evidentuar 9 raste, me 3 autorë të arrestuar, 11 të proceduar në gjendje të lirë dhe 1 në kërkim. Gjithashtu, u arrestua një 37-vjeçar, pasi dyshohet se ka dëmtuar derën e banesës së një shtetasi dhe e ka kanosur atë me armë gjahu, për motive të dobëta.

Është dërguar në spital, për mjekim, një 41-vjeçar, i cili dyshohet se ka konsumuar lëndë të dyshuar narkotike Heroinë. Ai vijon të jetë në kujdesin e mjekëve.

U arrestua 1 shtetas që ka thyer masën e sigurisë “Arrest në shtëpi” dhe është proceduar në gjendje të lirë 1 shtetas, pasi ka kanosur një punonjës Policie.

Në fushën e krimeve kundër pronës janë evidentuar 10 raste, me 2 autorë të arrestuar dhe 9 të proceduar në gjendje të lirë, ndërsa për 4 raste po punohet për identifikimin e autorëve.

Janë evidentuar 4 raste të dhunës në familje, me 4 autorë të proceduar në gjendje të lirë, si dhe janë plotësuar 7 kërkesëpadi për urdhër mbrojtjeje.

Janë evidentuar 6 raste të krimeve kundër mjedisit, me 6 autorë të proceduar në gjendje të lirë.

Janë evidentuar 2 raste të krimeve ekonomiko-financiare, me 2 autorë të proceduar në gjendje të lirë.

Janë proceduar penalisht 3 shtetas, për vepra të ndryshme penale.

Janë arrestuar 5 shtetas dhe janë proceduar penalisht 6 të tjerë, pasi drejtonin mjete në gjendje të dehur ose pa leje drejtimi. Gjithashtu, janë arrestuar 4 shtetas dhe janë proceduar penalisht 2 të tjerë, pasi kanë shkelur rregullat e qarkullimit rrugor, si dhe po punohet për identifikimin dhe kapjen e 2 drejtuesve të mjeteve që janë larguar nga vendi i aksidentit.

Strukturat e Policisë Kufitare kanë proceduar në gjendje të lirë 4 shtetas, për kalim të paligjshëm të kufirit, trafikim mjetesh motorike dhe falsifikim dokumentesh.

Policia e Shtetit fton qytetarët të denoncojnë në numrin pa pagesë 112 çdo rast paligjshmërie, duke u garantuar reagim profesional, të shpejtë dhe anonimitet të sigurt.

Shkodër / Informacion paraprak

Rreth orës 05:30 të mëngjesit të sotëm, në lagjen “Guerrile”, shërbimet e Policisë të Njësisë së Sigurisë Publike Shkodër, gjatë kryerjes së shërbimit për ruajtjen e shtetasit H. F., ndaj të cilit Gjykata kishte caktuar masën e sigurisë “Arrest në shtëpi”, në mbikëqyrje policore, pasi është në hetim për veprën penale “Vrasja me dashje”, kanë konstatuar se ky shtetas ishte larguar nga banesa.

Menjëherë pas konstatimit, shërbimet e Policisë, në bashkëpunim me Njësinë e Sigurisë Publike Shkodër, kanë organizuar kontrolle në banesa dhe në ambiente të tjera, në të cilat dyshohet se mund të jetë fshehur ky shtetas.

Grupi hetimor dhe AMP vijojnë punën për dokumentimin e plotë të rastit. Ndërkohë, vijojnë kontrollet për gjetjen e shtetasit H. F.

The post Rezultatet kryesore të strukturave policore në vend dhe ngjarjet e ndodhura gjatë 24 orëve të fundit appeared first on Policia e Shtetit.

Finalizohet operacioni i koduar “The Hill 2”. Goditet një tjetër rast i shitjes së lëndëve narkotike në plazhe dhe zona të ndryshme të Durrësit.

Arrestohen në flagrancë 2 shtetas.

Sekuestrohen mbi 100 doza lëndë narkotike kokainë dhe cannabis sativa, të ndara për shitje, shuma parash, 2 armë të ftohta dhe 3 celularë.

Specialistët e Seksionit për Hetimin e Narkotikëve, në bashkëpunim me shërbimet e Forcës së Posaçme “Shqiponja”, në DVP Durrës, bazuar në informacionet e siguruara në rrugë operative për një rast të shitjes së lëndëve narkotike, organizuan dhe finalizuan operacionin e koduar “The Hill 2”.

Gjatë operacionit u kapën në flagrancë, në fshatin Rrashbull, dhe u arrestuan shtetasit D. R., 33 vjeç, dhe K. Xh., 27 vjeç, të dy banues në Durrës, të cilët dyshohet se, në bashkëpunim me njëri-tjetrin, shitnin lëndë narkotike kokainë dhe cannabis sativa.

Gjatë kontrollit fizik ndaj këtyre shtetasve dhe kontrollit në banesat e tyre, u gjetën dhe u sekuestruan, në cilësinë e provës materiale, sasi të lëndëve të dyshuara narkotike kokainë dhe cannabis sativa, të ndara në mbi 100 doza, gati për shitje, një shumë parash që dyshohet se është përfituar nga shitja e lëndëve narkotike, 2 armë të ftohta (1 shkop bejsbolli dhe 1 thikë) dhe 3 celularë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Prodhimi dhe shitja e narkotikëve”, kryer në bashkëpunim, dhe “Prodhimi, mbajtja, blerja apo shitja pa leje e armëve të ftohta”.

The post Durrës / Finalizohet operacioni i koduar “The Hill 2”, arrestohen 2 shtetas appeared first on Policia e Shtetit.

Shërbimet e Policisë në të gjithë vendin vijojnë kontrollin e territorit, monitorimin e qarkullimit dhe operacionet e njëpasnjëshme, bazuar në informacionet e siguruara në rrugë operative, për goditjen e paligjshmërive.

Gjatë 24 orëve të fundit është finalizuar 1 operacion për goditjen e një rasti të shitjes së lëndëve narkotike. U arrestuan 2 shtetas dhe u sekuestruan doza të lëndëve të dyshuara narkotike Kokainë dhe Cannabis Sativa, shuma parash dhe 2 armë të ftohta.
Janë kapur/ndaluar 2 shtetas që ishin në kërkim për vjedhje. Gjithashtu, u ekzekutua masa e sigurisë “Arrest në burg”, për 2 shtetas:
K. S., 41 vjeç, i dyshuar për veprat penale “Shpërdorimi i detyrës”, “Ndërtimi i paligjshëm” dhe “Vjedhja e energjisë elektrike ose impulseve telefonike”; A. L., 52 vjeç, në hetim për veprimtari kriminale në fushën e narkotikëve.

Në fushën e narkotikëve janë evidentuar 14 raste në të gjithë territorin, me 7 autorë të arrestuar, 7 proceduar në gjendje të lirë, ndërsa për 2 raste po punohet për identifikimin dhe kapjen e autorëve. Janë sekuestruar sasi të lëndëve të dyshuara narkotike Kokainë dhe Cannabis Sativa, si dhe janë asgjësuar bimë të dyshuar narkotike.

Në fushën e krimeve ndaj personit janë evidentuar 12 raste, me 2 autorë të arrestuar dhe 15 proceduar në gjendje të lirë. Gjithashtu, janë proceduar në gjendje të lirë 1 shtetas që nuk i është bindur urdhrit të punonjësit të Policisë dhe 1 shtetase e dyshuar për veprën penale “Keqtrajtimi i të miturit”.

Në fushën e krimeve kundër pronës janë evidentuar 8 raste, me 1 autor të arrestuar, 4 autorë të proceduar në gjendje të lirë dhe 1 në kërkim, ndërsa për 2 raste po punohet për identifikimin e autorëve.

Janë evidentuar 8 raste të dhunës në familje, me 2 autorë të arrestuar, 3 të proceduar në gjendje të lirë dhe 3 në kërkim, si dhe janë plotësuar 12 kërkesëpadi për urdhër mbrojtjeje.

Janë evidentuar 6 raste të krimeve kundër mjedisit, me 6 autorë të proceduar në gjendje të lirë.

Janë evidentuar 10 raste të krimeve ekonomiko-financiare, me 9 autorë të proceduar në gjendje të lirë dhe 1 në kërkim. Gjithashtu, janë evidentuar 2 raste të organizimit të lojërave të fatit, me 1 autor të arrestuar dhe 1 të proceduar në gjendje të lirë.

Janë evidentuar 5 raste në fushën e krimeve kompjuterike/kibernetike, njëri rast me 1 autor të proceduar në gjendje të lirë, ndërsa për 4 rastet e tjera po punohet për identifikimin e autorëve.

Janë proceduar penalisht 48 shtetas, për vepra të ndryshme penale.

Janë arrestuar 3 shtetas dhe janë proceduar penalisht 5 të tjerë, pasi drejtonin mjete, në gjendje të dehur ose pa leje drejtimi. Gjithashtu, është arrestuar 1 shtetas dhe janë proceduar penalisht 3 të tjerë pasi kanë shkelur rregullat e qarkullimit rrugor.

Policia Kufitare/U kap në dalje të RSh-së dhe u arrestua me qëllim ekstradimin në Kosovë, një 32-vjeçar, shtetas serb, i shpallur në kërkim ndërkombëtar, pasi Gjykata e Mitrovicës, Kosovë, i ka caktuar masën e sigurisë “Arrest në burg”, për veprën penale “Largimi nga vendi i vuajtjes së dënimit”.

Policia e Shtetit fton qytetarët të denoncojnë në numrin pa pagesë 112 çdo rast paligjshmërie, duke u garantuar reagim profesional, të shpejtë dhe anonimitet të sigurt.

Durrës / Informacion paraprak

Rreth orës 13:00, në lagjen nr. 13, shtetasi M. B., 57 vjeç, banues në Maqedoninë e Veriut, dyshohet se ka pësuar arrest kardiak ndërkohë që lahej në det dhe për pasojë ka humbur jetën.

Grupi hetimor po punon për dokumentimin e shkakut të humbjes së jetës.

The post Rezultatet kryesore të strukturave policore në vend dhe ngjarjet e ndodhura gjatë 24 orëve të fundit appeared first on Policia e Shtetit.

Përditësim informacioni dhe saktësim i të dhënave për aksidentin e rëndë rrugor, të ndodhur rreth orës 15:00, në autostradën Durrës–Tiranë, në segmentin Qafë Kashar–Casa Italia.

Në vijim të deklaratës për media të dhënë nga Drejtori i Policisë Rrugore, Drejtues i Parë Perlat Vatoci, në të cilën u deklarua se si pasojë e aksidentit kishin humbur jetën dy shtetas dhe 15 shtetas të tjerë po merrnin ndihmë mjekësore, pas saktësimit të informacionit rezulton se:

Si pasojë e aksidentit ka humbur jetën një shtetas, konkretisht drejtuesi i autobusit, shtetasi R. H., 36 vjeç, banues në Kombinat, Tiranë.

Gjithashtu, janë dëmtuar 12 shtetas, pasagjerë në autobus, dhe jo 15 shtetas.

Nga të dëmtuarit, 7 shtetas janë në gjendje të rëndë, ndërsa 5 të tjerë kanë pësuar dëmtime të lehta dhe ndodhen jashtë rrezikut për jetën. Të gjithë të dëmtuarit po marrin ndihmën e nevojshme mjekësore.

Konfuzioni në raportimin fillestar u krijua për shkak të situatës së rëndë në vendngjarje dhe transportimit të të dëmtuarve si në spitalin shtetëror, ashtu edhe në një spital privat. Një fëmijë, i cili mbërriti në spitalin privat pa shenja jete dhe fillimisht u raportua si viktimë, u rikthye në jetë nga ekipi mjekësor përmes procedurave të reanimimit. Më pas, fëmija është transportuar në Spitalin Ushtarak dhe ndodhet nën kujdes intensiv mjekësor.

Ndërkohë, grupi i posaçëm hetimor, nën drejtimin e Prokurorisë, vijon veprimet në vendngjarje për përcaktimin e shkakut të aksidentit dhe dokumentimin e plotë ligjor të rastit.

The post Tiranë/Informacion i përditësuar mbi një aksident rrugor appeared first on Policia e Shtetit.