Strukturat e Policisë së Shtetit, prezencë 24/7 në terren, bashkëpunim me qytetarët, hetime dhe operacione me partnerët ndërkombëtarë, për parandalimin, evidentimin dhe goditjen e veprimtarive kriminale në të gjitha fushat.

Në funksion të përmbushjes së këtyre objektivave, gjatë muajit mars:

-janë finalizuar 96 operacione, 21 prej të cilave, për lokalizimin, kapjen dhe/ose ekstradimin e shtetasve në kërkim ndërkombëtar;

-janë vënë në pranga 527 shtetas të akuzuar për vepra penale të ndryshme;

-janë sekuestruar 32 armë zjarri, tritol dhe municion luftarak dhe janë goditur 3 grupe kriminale për trafikim të armëve të zjarrit;

-në fushën e narkotikëve, janë sekuestruar mbi 50 kg Cannabis Sativa, qindra doza Kokaine dhe Heroine;

-janë sekuestruar gjithashtu, rreth 1.2 milionë euro asete dhe para me burime të dyshimta kriminale, 7 automjete të trafikuara në Shqipëri, si dhe mjete lundruese, dylbi, maska dhe radio si të Policisë;

-janë zbuluar 8 ambiente (6, të mbyllura dhe 2 sera) në Shkodër, Peqin dhe Shijak, ku kultivoheshin bimë narkotike. Për këto raste u asgjësuan një numër i konsiderueshëm fidanë dhe bimë narkotike, dhe pajisjet që ndihmonin në kultivimin e tyre në ambientet e mbyllura;

-janë zbardhur 18 ngjarje kriminale, të cilat përfshijnë:
vrasje/plagosje me mjete prerëse, kanosje me armë zjarri të punonjësve të Policisë, djegie automjetesh/sipërfaqesh toke, aksidente me pasoja dhe vjedhje;

-janë parandaluar ngjarje kriminale në 17 raste, të cilat përfshijnë:
ndalimin e shtetasve që lëviznin të armatosur në 8 raste, përshkallëzim të konflikteve fizike dhe/ose me armë, si dhe tentativa për vjedhje;

-janë goditur nga strukturat për Hetimin e Krimeve Ekonomiko-Financiare, 10 raste, të cilat përfshijnë kontrabandim mallrash (ilaçe, naftë, veshje dhe pajisje), falsifikim dokumentesh, punësim të paligjshëm, informalitet dhe mashtrim duke përvetësuar padrejtësisht titull shtetëror;

-janë finalizuar 13 operacione për zbardhjen e vjedhjeve/vjedhjeve me armë;

-janë finalizuar 6 operacione kundër transportimit të emigrantëve që synojnë të shkojnë në mënyrë ilegale, në shtete të BE-së;

-janë finalizuar 4 operacione për goditjen e shfrytëzimit për prostitucion, ushtrimit të prostitucionit dhe mbajtjes së ambienteve në funksion të kësaj veprimtarie të paligjshme;

-janë zbuluar 7 lokale ku në kundërshtim me ligjin, luheshin lojëra fati me cëlularë, kompjuterë dhe makineta;

Shërbimet e Policisë Rrugore, të pajisura me mjete bashkëkohore, gjatë muajit mars, kanë vijuar monitorimin në të gjitha akset e vendit, me qëllim parandalimin e aksidenteve me pasoja për jetën dhe shëndetin e përdoruesve të rrugës, si dhe menaxhimin e trafikut.

Gjatë muajit mars:
-u vunë në pranga 197 drejtues mjetesh, nga të cilët 135 për drejtim mjeti në gjendje të dehur dhe 62 për drejtim mjeti pa leje drejtimi;
-u pezulluan 216 leje drejtimi, për tejkalim të normave të shpejtësisë, drejtim mjeti nën ndikimin e alkoolit apo për shkelje të tjera të Kodit Rrugor, për të cilat parashikohet kjo masë;
-u vunë 93 011 masa administrative për shkelje të ndryshme të Kodit Rrugor, nga të cilat 3 934 masa administrative për shpejtësi mbi normën e lejuar, me sanksion pezullimin e lejes së drejtimit. Në këto raste, drejtuesit e automjeteve paguan dyfishin e masës administrative maksimale dhe u penalizuan me zbritje nga 6 deri në 12 pikë nga leja e drejtimit.

Policia Rrugore e Durrësit goditi 2 raste të tjera të tentativës për të korruptuar efektivët, për të shmangur ndëshkimet për shkeljet e kryera dhe 3 raste të drejtimit të automjetit nën efektin e lëndëve narkotike.

Shërbimet e Policisë Kufitare, krahas menaxhimit të fluksit të hyrje/daljeve dhe ofrimit të një shërbimi policor të shpejtë dhe me etikë, gjatë këtij muaji kanë shtuar vigjilencën dhe kontrollet, me objektiv goditjen e paligjshmërive në kufi.

Në pikat e kalimit kufitar, si rezultat i kontrolleve të imtësishme dhe analizave të riskut, shërbimet e Policisë evidentuan dhe goditën gjatë muajit mars:
-18 raste të tentativës për të kaluar kufijtë me dokumente false,
-8 raste të trafiqeve dhe 2 raste të vjedhjeve.
-45 raste të kalimit të paligjshëm të kufijve,

Strukturat e Policisë së Shtetit vijojnë kontrollet dhe hetimet intensive anticannabis, si dhe për goditjen e krimit në tërësi dhe atij të organizuar në veçanti.

Gjithashtu, në bashkëpunim me agjencitë ligjzbatuese ndërkombëtare, vijon puna për lokalizimin dhe kapjen e shtetasve të shpallur në kërkim ndërkombëtar.

Me objektiv rritjen e parametrave të sigurisë në komunitet, ftojmë qytetarët që të denoncojnë menjëherë, në njësitë fizike të Policisë ose në numrin pa pagesë 112, çdo paligjshmëri që hasin.

#Mars2026
#Policianënjëmuaj
#AngazhimPërkushtimSakrificë

The post Policia e Shtetit, gjatë muajit mars 2026 appeared first on Policia e Shtetit.

Gjatë muajit shkurt janë finalizuar 97 operacione policore dhe janë vënë në pranga 581 autorë të dyshuar për vepra penale të ndryshme.

15 operacione janë finalizuar si rezultat i bashkëpunimit me partnerët ndërkombëtarë, për lokalizimin e shtetasve në kërkim, kapjen dhe ekstradimin e tyre në vendet ku ata duhet të përballen me drejtësinë.

Policia e Shtetit kontribuoi për zhvillimin e operacionit të koduar “Ferdinand”, të organizuar nga Policia spanjolle, për goditjen e një grupi kriminal me pjesëtarë shtetas shqiptarë, që kryente vjedhje në Spanjë.

-Si rezultat i operacioneve dhe i kontrolleve në ambiente të përshtatura për veprimtari kriminale, janë zbuluar/sekuestruar:

rreth 490 kilogramë kanabis, qindra fara dhe doza kanabisi, 0.5 kg kokainë, 2 200 tableta ekstazi, 670 bimë dhe fidanë kanabisi, qindra pajisje elektrike që shërbenin për kultivimin e bimëve narkotike në ambiente të mbyllura;

43 kallëpë/sfera tritoli, 11 kallëpë dinamiti, 54 armë zjarri, 11 granata sulmuese, 4 armë gjahu/sportive, pjesë armësh, mijëra fishekë, 4 silenciatorë, 74 kapsolla detonatore dhe mjete për shpërthimin e lëndëve plasëse në distancë, veshje si të Policisë, dhjetëra armë të ftohta dhe sende të tjera të kundërligjshme;

pasuri të paluajtshme me vlerë rreth 1 330 000 euro, të dyshuara të përfituara nga veprimtaritë kriminale;

mallra të dyshuara të kontrabanduara, me vlerë rreth 130 000 euro; 10 000 suplemente ushqimore dhe bimore të skaduara; 102 000 euro në valuta të ndryshme, 164 300 euro dhe dollarë fals;

2 automjete të vjedhura, me vlerë 90 000 euro.

Policia e Tiranës zhvilloi 2 operacione për goditjen e trafikimit të armëve dhe zbuloi në Selitë, një ambient ku magazinoheshin dhe montoheshin armë zjarri, me qëllim shitjen.

Në 2 fshatra në Tiranë dhe në Shkodër, u zbuluan arsenale armësh zjarri, armësh shpërthyese dhe municioni luftarak, si dhe lëndë narkotike.

Operacioni i koduar “Jug&Veri”, i zhvilluar nga DVP Elbasan, goditi një grup kriminal që siguronte sasi të mëdha lënde narkotike dhe armë zjarri, me qëllim shitjen në Shqipëri dhe trafikimin në vende të tjera.

Në Shkodër u zbulua një ambient (tunel) i përshtatur për kultivimin e bimëve narkotike, me pajisje që furnizoheshin me lidhje të paligjshme të energjisë elektrike.

Operacioni i koduar “Risku” goditi tentativën e trafikimit të Greqi, të 350 kg lëndë narkotike kanabis, që u gjetën të fshehura në një kamion, në PKK Kakavije.

-Gjithashtu, nga kontrollet dhe verifikimet u zbuluan:

4 subjekte ku shiteshin pa kupon tatimor, mallra të ndryshme të dyshuara të kontrabanduara, disa prej tyre me logo false/imitime të markave të ndryshme;

1 magazinë në Tiranë ku mbaheshin suplemente ushqimore dhe bimore, të skaduara, për llogari të një subjekti me aktivitet ndërkombëtar në fushën e reklamimit dixhital;

2 subjekte, në Dimal dhe në Fier, ku çmontoheshin dhe shiteshin pjesë automjetesh të dyshuara të kontrabanduara.

Ndërhyrja e shpejtë e punonjësve të Policisë së Tiranës bëri të mundur kapjen dhe arrestimin e një shtetasi që hyri i armatosur në një bankë dhe mori një shumë parash, duke rrezikuar punonjësit e bankës.

Ndërhyja e Policisë ka parandaluar edhe:
-ngjarje kriminale që mund të kryheshin në Vlorë, me armë zjarri, automjete të vjedhura dhe lënde djegëse;
-përshkallëzimin e 3 konflikteve ndërmjet disa shtetasve/në familje.

Janë zbardhur rrethanat dhe autorësia e një plagosjeje me armë, djegies së qëllimshme të një dyqani dhe të një aksidenti me pasojë.

Më tej, janë finalizuar 20 operacione për zbardhjen e më shumë se 170 vjedhjeve/tentativave për vjedhje;

-13 goditje në fushën e kontrabandës;

-7 operacione kundër ushtrimit të prostitucionit;

-7 goditje kundër organizimit të kundërligjshëm të lojërave të fatit;

-7 operacione kundër transportimit të emigrantëve që synojnë të shkojnë ilegalisht në shtetet e BE-së.

Shërbimet e Policisë qëndruan në gatishmëri në të gjithë vendin, duke iu shkuar në ndihmë qytetarëve, për orientimin e lëvizjes, në zonat ku u bllokua apo u vështirësua qarkullimi, për shkak të motit të keq.

Shërbimet e Policisë Rrugore, krahas shërbimit të përforcuar gjatë ditëve me mot të keq, të pajisura me mjete bashkëkohore, vijuan monitorimin në të gjitha akset e vendit, me qëllim parandalimin e aksidenteve me pasoja për jetën dhe shëndetin e përdoruesve të rrugës, si dhe menaxhimin e trafikut.

Gjatë muajit shkurt u vunë në pranga 292 drejtues mjetesh, nga të cilët 201 për drejtim mjeti në gjendje të dehur dhe 91 për drejtim mjeti pa leje drejtimi;

-u pezulluan 356 leje drejtimi, për tejkalim të normave të shpejtësisë, drejtim mjeti në efektin e alkoolit apo për shkelje të tjera të Kodit Rrugor, për të cilat parashikohet kjo masë;

-u vunë 84 862 masa administrative për shkelje të ndryshme të Kodit Rrugor, nga të cilat 14 236 masa administrative për shpejtësi mbi normën e lejuar, me sanksion pezullimin e lejes së drejtimit. Në këto raste, drejtuesit e automjeteve kanë paguar dyfishin e masës administrative maksimale dhe janë penalizuar me zbritje nga 6 deri në 12 pikë nga leja e drejtimit.

Policia Rrugore e Durrësit goditi 4 raste të tentativës për të korruptuar punonjësit e Policisë nga drejtues që drejtonin automjetet, në gjendje të dehur/në efektin e drogave.

Në pikat e kalimit kufitar, si rezultat i kontrolleve të imtësishme dhe analizave të riskut, shërbimet e Policisë Kufitare evidentuan dhe goditën gjatë muajit shkurt:

38 raste të kalimit të paligjshëm të kufijve,

33 raste të tentativës për të kaluar kufijtë me dokumente false,

7 raste të trafiqeve dhe 13 raste të kontrabandës.

Strukturat e Policisë së Shtetit, në qendër dhe në qarqe, vijojnë kontrollet dhe hetimet intensive, parandalimin, evidentimin dhe goditjen e veprimtarive kriminale, me qëllim krijimin e një ambienti të sigurt për qytetarët.

Gjithashtu, në bashkëpunim me agjencitë ligjzbatuese brenda vendit, si dhe me partnerët ndërkombëtarë, do të vijojnë veprimet e përbashkëta hetimore për finalizimin e operacioneve kundër veprimtarive kriminale dhe kapjen e shtetasve në kërkim ndërkombëtar.

Në funksion të rritjes së parametrave të sigurisë, ftojmë qytetarët që të denoncojnë menjëherë, në numrin pa pagesë 112, çdo paligjshmëri që hasin.

#Shkurt2026
#PoliciaNëNjëMuaj
#AngazhimPërkushtimSakrificë

The post Policia e Shtetit, gjatë muajit shkurt 2026 appeared first on Policia e Shtetit.

Angazhim, përkushtim dhe profesionalizëm i strukturave të Policisë në qendër dhe në qarqe për finalizimin e operacioneve dhe goditjeve të njëpasnjëshme të veprimtarive kriminale në fushën e narkotikëve, armëmbajtjes pa leje, shitjes dhe trafikimit të tyre, për goditjen e krimeve ekonomike si dhe për parandalimin e ngjarjeve të mundshme kriminale.

Punë hetimore, kontrolle dhe operacione janë kryer në koordinim me prokuroritë, homologët, EUROPOL-in dhe INTERPOL-in për kapjen e shtetasve të shpallur në kërkim, si dhe për zbardhjen e ngjarjeve kriminale.

Si rezultat, gjatë muajit janar janë finalizuar 107 operacione policore dhe janë vënë në pranga 498 autorë të dyshuar për vepra penale të ndryshme.

17 operacione janë finalizuar në bashkëpunim me partnerët ndërkombëtarë, për goditjen e rrjeteve globale të trafiqeve, kapjen e pjesëtarëve të grupeve/organizatave kriminale, si dhe kapjen e shtetasve të shpallur në kërkim. Disa prej këtyre shtetasve kishin falsifikuar identitetin për t’iu fshehur drejtësisë;

Janë sekuestruar rreth 186 kg kanabis, rreth 3 kg kokainë, sasi ekstazie, sasi heroine, 3855 bimë/fidanë kanabisi, 2528 fara kanabisi, si dhe mijëra pajisje elektrike që shërbenin për kultivimin e bimëve narkotike në ambiente të mbyllura;

41 armë zjarri, 21 armë gjahu dhe sportive, 2 granata dhe municion luftarak;

-7 automjete të trafikuara, dhjetëra ora luksoze, 3 pajisje GPS, dhe maska;

-183 000 euro të padeklaruara në pikat e kalimit kufitar, ilaçe të skaduara dhe produkte të kontrabanduara (veshmbathje, si dhe produkte estetike dhe elektronike);

-rreth 20 milionë lekë, 2 sipërfaqe toke në Dhërmi, 3 shoqëri tregtare, 2 automjete dhe llogari bankare, asete të veprimtarive kriminale në fushat e narkotikëve, mashtrimit kompjuterik dhe prostitucionit.

Janë zbuluar 13 ambiente të mbyllura në Lezhë, Malësi të Madhe, Vau i Dejës, Shkodër, Vlorë, Sarandë dhe Tiranë, ku kultivoheshin bimë narkotike me anë të llambave;

-5 ambiente ku luheshin lojëra fati me makineta dhe tavolina pokeri;

-3 ambiente në qarkun Tiranë, ku magazinoheshin veshje të kontrabanduara dhe/ose stampoheshin me logo false të markave ndërkombëtare;

-kazino dhe bilardo ku shiteshin lëndë narkotike, në Lezhë dhe në Mat;

-banesë dhe lokal në Fier, ku babë e bir mbanin arsenal armësh zjarri dhe armë shpërthyese, sasi të madhe municioni dhe mbi 17 kg lëndë narkotike;

-grupe kriminale në Tiranë, që shitnin dhe trafikonin armë dhe drogë të fortë (kokainë).

Janë parandaluar ngjarje kriminale që mund të kryheshin në Durrës dhe në Tiranë nga 3 shtetas që lëviznin të armatosur;

-përshkallëzimi i 3 konflikteve me armë zjarri dhe mjete prerëse, në Vlorë, Velipojë dhe Gramsh;

-ngjarje kriminale me armë zjarri, në një familje në Tepelenë;

-11 tentativa për të kaluar kufijtë me para të padeklaruara, me burime të dyshimta;

-trafikimi nga Gjirokastra në Greqi i 44 pakove me 34 kg kanabis;

-trafikimi në Itali i një arme zjarri, nëpërmjet PKK Rinas.

Janë zbardhur vrasje me eksploziv, me armë zjarri ose me send të fortë (çekiç), në Shkodër, Dibër dhe Tiranë, si dhe 4 plagosje dhe 1 aksident me pasojë.

Drejtoria për Hetimin e Krimeve Kibernetike ka ndërmarrë 2 fushata sensibilizuese për të mbrojtur qytetarët nga platforma false për pagesën e masave administrative (gjobave) dhe për marrjen e kredive, që synonin të merrnin dhe të keqpërdornin të dhënat personale dhe të ardhurat në kartat bankare. Hetimet për këto raste janë në vijim.

Më tej, janë finalizuar 21 operacione për parandalimin/zbardhjen e vjedhjeve;

-17 goditje në fushën e kontrabandës;

-11 operacione kundër ushtrimit të prostitucionit;

-8 goditje kundër organizimit të kundërligjshëm të lojërave të fatit;

-3 operacione kundër transportimit të emigrantëve që synojnë të shkojnë ilegalisht në shtetet e BE-së. Gjithashtu, 3 departamente të DPPSh-së dhanë kontribut në megaoperacionin “Liberterra III”, që goditi 1800 rrjete në mbarë botën, të implikuara në këtë veprimtari kriminale dhe në forma të tjera të trafikimit të qenieve njerëzore.

Për shkak të motit të keq, me reshje dëbore dhe shiu, shërbimet e Policisë qëndruan në gatishmëri në të gjithë vendin, duke iu shkuar në ndihmë qytetarëve për orientim dhe, në disa raste, për evakuimin e tyre.

Shërbimet e Policisë Rrugore, krahas shërbimit të përforcuar gjatë ditëve me mot të keq, të pajisura me mjete bashkëkohore, vijuan monitorimin në të gjitha akset e vendit, me qëllim parandalimin e aksidenteve me pasoja për jetën dhe shëndetin e përdoruesve të rrugës, si dhe menaxhimin e trafikut.

Gjatë muajit janar u vunë në pranga 197 drejtues mjetesh, nga të cilët 135 për drejtim mjeti në gjendje të dehur dhe 62 për drejtim mjeti pa leje drejtimi;

-u pezulluan 216 leje drejtimi, për tejkalim të normave të shpejtësisë, drejtim mjeti nën ndikimin e alkoolit apo për shkelje të tjera të Kodit Rrugor, për të cilat parashikohet kjo masë;

-u vunë 93 011 masa administrative për shkelje të ndryshme të Kodit Rrugor, nga të cilat 3 934 masa administrative për shpejtësi mbi normën e lejuar, me sanksion pezullimin e lejes së drejtimit. Në këto raste, drejtuesit e automjeteve kanë paguar dyfishin e masës administrative maksimale dhe janë penalizuar me zbritje nga 6 deri në 12 pikë nga leja e drejtimit.

Policia Rrugore e Durrësit goditi 3 raste të tentativës për të korruptuar punonjësit e Policisë nga drejtues që drejtonin automjetet në gjendje të dehur.

Në pikat e kalimit kufitar, si rezultat i kontrolleve të imtësishme dhe analizave të riskut, shërbimet e Policisë Kufitare evidentuan dhe goditën gjatë muajit janar:

45 raste të kalimit të paligjshëm të kufijve,

18 raste të tentativës për të kaluar kufijtë me dokumente false,

8 raste të trafiqeve dhe 2 raste të vjedhjeve.

Strukturat e Policisë së Shtetit, në qendër dhe në qarqe, vijojnë kontrollet dhe hetimet intensive, me objektiva parandalimin dhe zbardhjen e ngjarjeve kriminale, si dhe goditjen e krimit në tërësi dhe atij të organizuar në veçanti.

Gjithashtu, në bashkëpunim me agjencitë ligjzbatuese brenda vendit, si dhe me partnerët ndërkombëtarë, do të vijojnë veprimet e përbashkëta hetimore për finalizimin e operacioneve policore me shtrirje dhe impakt të gjerë.

Në funksion të rritjes së parametrave të sigurisë, ftojmë qytetarët që të denoncojnë menjëherë, në numrin pa pagesë 112, çdo paligjshmëri që hasin.

#Janar2026
#PoliciaNëNjëMuaj
#AngazhimPërkushtimSakrificë

The post Policia e Shtetit, gjatë muajit janar 2026 appeared first on Policia e Shtetit.

Angazhim maksimal, prezencë 24/7 në terren, kontrolle të pandërprera nga shërbimet e Policisë, hetime intensive dhe bashkëpunim me partnerët ndërkombëtarë, për goditjen e veprimtarive kriminale dhe kapjen e shtetasve në kërkim.

Gatishmëri e përforcuar e strukturave të Policisë së Shtetit, për periudhën e festave, në zbatim të planit të masave për garantimin e rendit dhe sigurisë publike, mbarëvajtjen e aktiviteteve, lehtësimin e hyrjeve/daljeve në kufi dhe të qarkullimit të automjeteve.

Gjatë muajit dhjetor:

U finalizuan 90 operacione policore, 15 prej të cilave me objektiv lokalizimin, kapjen dhe/ose ekstradimin e shtetasve të kërkuar ndërkombëtarisht.

U vunë në total në pranga 561 shtetas, të dyshuar/akuzuar për vepra të ndryshme penale.

U sekuestruan 22 armë zjarri, 7 armë gjahu/sportive, armë të ftohta, veshje/mjete pune si të Policisë;

-rreth 12 kilogramë lëndë narkotike kanabis (2 kg prej saj në trajtë xhelatine), qindra doza dhe fara kanabisi, rreth 1 kilogramë lëndë narkotike kokainë dhe dhjetëra doza të saj;

-bizhuteri/aksesorë dhe mallra të ndryshme, të kontrabanduara, me vlerë rreth 80 000 euro;

-rreth 800 000 euro/paund/lekë cash, me burime kriminale ose të padeklaruara në kufi;

Gjithashtu, janë konfiskuar 12 pasuri (10 sipërfaqe toke dhe 2 apartamente), në qarkun Lezhë.

1 operacion i përbashkët mes Policisë së Shtetit dhe Policisë greke çoi në zbulimin në një banesë në një fshat të Gjirokastrës dhe sekuestrimin e një arsenali armësh zjarri dhe municioni luftarak, që dyshohet se i shërbenin veprimtarisë së 3 shtetasve, të dyshuar si vrasës me pagesë.

Policia e Tiranës, gjatë operacionit të koduar “Members”, goditi një grup krimimal që shiste armë zjarri.

Operacioni “Rikthimi” goditi një grup kriminal që trafikonte lëndë narkotike nga Shqipëria në vende të BE-së, kryesisht në Gjermani. 10 pjesëtarë të grupit u vunë në pranga.

1 grup kriminal që shiste lëndë narkotike kokainë dhe kanabis, në Tiranë, u godit nga Policia e Tiranës, në kuadër të operacionit të koduar “Labirinti 2”. Nga 33 pjesëtarë të grupit të identifikuar, janë vënë në pranga 27, ndërkohë që punohet për kapjen e 6 të tjerëve.

Si rezultat i kontrollit të territorit, u zbulua në Velipojë, një banesë e marrë me qira që ishte përshtatur për kultivimin e bimëve narkotike me llamba. U sekuestruan 300 bimë narkotike kanabis dhe 125 pajisje që shërbenin për kultivimin e tyre.

Gjithashtu, u zbuluan 4 ambiente (banesa me qira) ku ushtrohej prostitucion dhe 12 lokale të përshtatura për organizim të kundërligjshëm të lojërave të fatit.

Policia e Gjirokastrës finalizoi një operacion që zbuloi dy subjekte “Exchange”, që jepnin me fajde, para me burime kriminale. U sekuestruan shumë të mëdha parash të valutave të ndryshme.

Strukturat e specializuara për hetimin e krimeve kibernetike goditën 12 raste në këtë fushë, të cilat përfshinë: piraterinë televizive, mashtrime në llogari financiare, vjedhje llogarish në rrjete sociale, si dhe keqpërdorim të këtyre llogarive.

Ndërhyrja e shpejtë e Policisë dhe veprimet profesionale kanë parandaluar 4 ngjarje kriminale në familje dhe në komunitet, që mund të kryheshin nga shtetas që mbanin armë zjarri/armë të ftohta.

U zbardhën 8 ngjarje kriminale që përfshinë: vrasje, tentativa për vrasje, pengmarrje, plagosje, shkatërrime të bizneseve/automjeteve, me lëndë plasëse dhe me zjarr.

U finalizuan 15 operacione policore kundër vjedhjeve në banesa/subjekte, 2 prej tyre të kryera me dhunë.

U finalizuan 3 operacione policore për goditjen e rasteve të transportimit kundrejt fitimit të emigrantëve që synojnë të kalojnë ilegalisht në shtetet e BE-së.

Nga strukturat e Policisë, në qendër dhe në qarqe, u zhvillua plani i posaçëm operacional “Fireworks”, për ndalimin e tregtimit të lëndëve piroteknike nga subjekte të paautorizuara. Si rezultat i kontrolleve është sekuestruar sasi shumë e madhe lëndësh piroteknike që mbahej në dyqane dhe/ose në automjete, me qëllim shitjen.

Si rezultat i kontrolleve të kryera për goditjen e krimeve kundër mjedisit, u goditën 38 raste në këtë fushë. Në Tiranë, u bllokua aktiviteti në 15 lavazhe që ndotnin mjedisin, si dhe u proceduan penalisht administratorët e tyre.

Në Elbasan, në kuadër të operacionit “Metalurgjiku”, u bllokua aktiviteti në 2 subjekte që ndotnin mjedisin, me veprimtarinë e përpunimit të mbetjeve dhe prodhimin e ferrokromit. 16 shtetas, punonjës në këto subjekte, u vunë në pranga.

Strukturat e Policisë garantuan rendin e sigurinë para, gjatë dhe pas përfundimit të një ndeshjeje futbolli dhe të disa tubimeve politike që u zhvilluan në Tiranë.

Në kuadër të fushatës sensibilizuese kundër kundër me bazë gjinore dhe programit “Siguria e të rinjve”, punonjësit e Policisë, në bashkëpunim me përfaqësues të institucioneve të tjera, kanë zhvilluar aktivitete sensibilizuese dhe informuese në shkolla dhe subjekte të ndryshme në të gjithë vendin.

Shërbimet e Policisë Rrugore, krahas shërbimit të përforcuar gjatë ditëve me mot të keq dhe të pajisura me mjete bashkëkohore, vijuan kontrollet në të gjitha akset e vendit, me qëllim konstatimin e shkeljeve rrugore.

Gjatë muajit nëntor u vunë në pranga 210 drejtues mjetesh, nga të cilët 141 për drejtim mjeti në gjendje të dehur dhe 69 për drejtim mjeti pa leje drejtimi;

-u pezulluan 232 leje drejtimi, për tejkalim të normave të shpejtësisë, drejtim mjeti nën ndikimin e alkoolit apo për shkelje të tjera të Kodit Rrugor, për të cilat parashikohet kjo masë;

-u vunë 111 899 masa administrative për shkelje të ndryshme të Kodit Rrugor, nga këto 26 620 masa administrative për shpejtësi mbi normën e lejuar, me sanksion pezullimin e lejes së drejtimit. Në këto raste, drejtuesit e automjeteve kanë paguar dyfishin e masës administrative maksimale dhe janë penalizuar me zbritje nga 6 deri në 12 pikë nga leja e drejtimit.

Në pikat e kalimit kufitar, si rezultat i kontrolleve të imtësishme dhe analizave të riskut, shërbimet e Policisë Kufitare evidentuan dhe goditën:

-40 raste të kalimit të paligjshëm të kufijve, 18 raste të tentativës për të kaluar kufijtë me dokumente false, 10 raste të mosdeklarimit të shumave të parave, 10 raste të kontrabandës së mallrave, 5 raste të trafikimit të mjeteve motorike.

Strukturat e Policisë së Shtetit, në qendër dhe në qarqe, do të vijojnë kontrollet dhe hetimet intensive, për parandalimin dhe goditjene e veprimtarive kriminale, në çdo fushë.

Gjithashtu, do të vijojë bashkëpunimi i ngushtë me agjencitë ligjzbatuese brenda vendit, si dhe me partnerët ndërkombëtarë, për finalizimin e operacioneve të përbashkëta me qëllim goditjen e organizatave kriminale dhe kapjen e shtetasve në kërkim.

Në funksion të përmbushjes së këtyre objektivave, ftojmë qytetarët që të denoncojnë menjëherë, në njësitë fizike të Policisë ose në numrin 112, çdo paligjshmëri që hasin.

#Dhjetor2025
#Policianënjëmuaj
#AngazhimPërkushtimSakrificë
#Përtëmirënepërbashkët

The post Policia e Shtetit, gjatë muajit dhjetor 2025 appeared first on Policia e Shtetit.

Bashkëpunim i ngushtë me qytetarët për të garantuar rendin dhe sigurinë, punë operative dhe hetimore në funksion të goditjes së veprimtarive kriminale në fusha të ndryshme, bashkëpunim të ngushtë me partnerët ndërkombëtarë për lokalizimin, kapjen dhe ekstradimin e shtetasve të shpallur në kërkim, për hetime dhe operacione të përbashkëta në luftë kundër krimit të organizuar.

Gjatë muajit nëntor:

U finalizuan 115 operacione policore, 13 prej të cilave me objektiv lokalizimin, kapjen dhe/ose ekstradimin e shtetasve të kërkuar ndërkombëtarisht (kryesisht për pjesëmarrje në grupe/organizata kriminale ndërkombëtare).

Në total, për veprimtari të ndryshme kriminale, u vunë në pranga 602 shtetas.

U sekuestruan 5.6 kg lëndë shpërthyese, sasi lëndësh plasëse të gatshme për shpërthim, 29 granata, qindra kapsolla detonatore dhe fitil zjarrpërcjellës;

— 41 armë zjarri, pjesë armësh dhe rreth 7000 fishekë luftarak të kalibrave të ndryshëm;

— rreth 7 kilogramë lëndë narkotike kokainë, rreth 85 kilogramë lëndë narkotike kanabis (38 kg në trajta çokollate dhe vaji), 1516 bimë narkotike kanabis dhe 300 fara të kësaj lënde;

— 12 milionë euro pasuri dhe rreth 120 000 euro cash, me burime kriminale; 118 900 euro të vjedhura në bankë; 11 pako me kartëmonedha të falsifikuara dhe rreth 300 celularë;

— pajisje për bllokim të valëve, jelek antiplumb, uniforma/pajisje si të Policisë, 2 targa të huaja të falsifikuara, 10 mjete të trafikuara, dokumente të falsifikuara dhe karta SIM të paregjistruara.

Shërbimet e Repartit Elitë “RENEA”, Drejtorisë së Antiterrorit, Drejtorisë Vendore të Policisë Shkodër dhe Policisë lokale të Pukës, finalizuan me profesionalizëm operacionin me rrezikshmëri të lartë, të koduar “Oroshi”. 2 shtetas që, me një arsenal armësh zjarri dhe shpërthyese, u vetizoluan në një banesë dhe me armë zjarri kanosën për jetën punonjësit e Policisë, pas 12 orësh në rrethim u vunë në pranga!

Policia e Vlorës zbardhi dhe dokumentoi vrasjen e 36-vjeçarit në Gjorm, ku pas 5 orësh kërkimesh intensive me dron, në terren të vështirë dhe me rrezik për jetën e punonjësve të Policisë, lokalizoi, kapi dhe arrestoi autorin 32-vjeçar me rrezikshmëri të lartë shoqërore, i dënuar më herët me 35 vite burg për “Vrasje në rrethana cilësuese, kryer në bashkëpunim” dhe “Armëmbajtje pa leje”. Gjatë veprimeve u sekuestruan arma e zjarrit pistoletë dhe prova të tjera materiale.

53 pjesëtarë grupesh kriminale në fushën e narkotikëve, në Tiranë, Durrës dhe Gjirokastër, u arrestuan gjatë megaoperacioneve “Labirinti”, “Cleaning 3” dhe “Andromeda”.

Policitë e Tiranës dhe Tropojës goditën 2 raste të tentativës për trafikim të lëndëve narkotike dhe lëndëve plasëse drejt Kosovës, si dhe 4 raste të trafikimit të automjeteve luksoze nga Italia, Gjermania dhe Bullgaria.

Si rezultat i kontrollit të territorit dhe sigurimit të informacionit falë bashkëpunimit me qytetarët, u zbuluan 8 ambiente të mbyllura (7 në Shkodër, 1 në Tiranë), të pajisura me 992 pajisje për kultivimin/tharje të bimëve narkotike me anë të llambave;

— 5 ambiente (banesa me qira) ku ushtrohej prostitucion dhe 9 lokale të përshtatura për organizim të kundërligjshëm të lojërave të fatit.

Seksionet e posaçme në drejtoritë vendore të Policisë, për hetimin e krimeve ekonomiko-financiare, goditën 42 raste në këto fusha, të cilat përfshinë: mashtrime nëpërmjet call center-ave, mashtrime me produkte ose për sigurim dokumentesh, si dhe ndërtime të paligjshme, kontrabandë mallrash, përdorim të dokumenteve false dhe ushtrim informal të aktiviteteve ekonomike.

Strukturat e specializuara për hetimin e krimeve kibernetike goditën 12 raste në këtë fushë, të cilat përfshinë: pornografi me të mitur, mashtrime në llogari financiare/kriptofinanciare, vjedhje llogarish në rrjete sociale, si dhe keqpërdorim të këtyre llogarive.

U zbardhën 8 ngjarje kriminale që përfshinë: tentativë për vrasje, plagosje me armë zjarri/mjet prerës dhe shkatërrim të pasurisë me lëndë plasëse dhe me zjarr.

U finalizuan 17 operacione policore kundër vjedhjeve në banesa/subjekte.

U finalizuan 5 operacione policore për goditjen e rasteve të transportimit kundrejt fitimit të emigrantëve që synojnë të kalojnë ilegalisht në shtetet e BE-së.

U parandaluan/goditën 4 raste të gjuetisë në kundërshtim me kufizimet e moratoriumit aktualisht në fuqi për këtë aktivitet.

Nga strukturat e Policisë, në qendër dhe në qarqe, u zhvillua operacioni “Hapësira publike”, që rezultoi me goditjen e 164 rasteve të shfrytëzimit të hapësirave publike/private për aktivitete ekonomike informale, si dhe me procedimin e 98 drejtuesve të automjeteve për parkime të gabuara që u bënë shkak për bllokim të lëvizjes së automjeteve, atyre të urgjencës por edhe të këmbësorëve në zona të ndryshme të vendit;

Strukturat e Policisë garantuan rendin e sigurinë para, gjatë dhe pas përfundimit të procesit zgjedhor të zhvilluar në 5 bashki dhe të ndeshjes së futbollit “Shqipëri–Angli”, të zhvilluar në stadiumin “Air Albania”;

Për shkak të motit të keq, shërbimet e Policisë kaluan në gatishmëri në të gjithë vendin, duke u ardhur në ndihmë qytetarëve, për orientimin dhe në disa raste edhe për evakuimin e tyre.

Shërbimet e Policisë Rrugore, krahas shërbimit të përforcuar gjatë ditëve me mot të keq dhe të pajisura me mjete bashkëkohore, vijuan kontrollet në të gjitha akset e vendit, me qëllim konstatimin e shkeljeve rrugore.

Gjatë muajit nëntor u vunë në pranga 220 drejtues mjetesh, nga të cilët 166 për drejtim mjeti në gjendje të dehur dhe 54 për drejtim mjeti pa leje drejtimi;

— u pezulluan 316 leje drejtimi, për tejkalim të normave të shpejtësisë, drejtim mjeti nën ndikimin e alkoolit apo për shkelje të tjera të Kodit Rrugor, për të cilat parashikohet kjo masë;

— u vunë 113 811 masa administrative për shkelje të ndryshme të Kodit Rrugor dhe 1659 masa administrative për shpejtësi mbi normën e lejuar, me sanksion pezullimin e lejes së drejtimit. Në këto raste, drejtuesit e automjeteve kanë paguar dyfishin e masës administrative maksimale dhe janë penalizuar me zbritje nga 6 deri në 12 pikë nga leja e drejtimit.

Në pikat e kalimit kufitar, si rezultat i kontrolleve të imtësishme dhe analizave të riskut, shërbimet e Policisë Kufitare evidentuan dhe goditën:

— 47 raste të kalimit të paligjshëm të kufijve, 11 raste të tentativës për të kaluar kufijtë me dokumente false, 5 raste të mosdeklarimit të shumave të parave, 10 raste të kontrabandës së mallrave, 5 raste të trafikimit të lëndëve narkotike.

Strukturat e Policisë së Shtetit, në qendër dhe në qarqe, do të vijojnë kontrollet dhe hetimet intensive, me objektiva zbardhjen e ngjarjeve kriminale, si dhe goditjen e krimit në tërësi dhe atij të organizuar në veçanti.

Gjithashtu, do të vijojë bashkëpunimi i ngushtë me agjencitë ligjzbatuese brenda vendit, si dhe me partnerët ndërkombëtarë, për finalizimin e operacioneve policore me shtrirje dhe me impakt të gjerë.

Në funksion të përmbushjes së këtyre objektivave, ftojmë qytetarët që të denoncojnë menjëherë, në njësitë fizike të Policisë ose në numrin 112, çdo paligjshmëri që hasin.

#Nëntor2025
#Policianënjëmuaj
#AngazhimPërkushtimSakrificë
#Përtëmirënepërbashkët

The post Policia e Shtetit, gjatë muajit nëntor 2025 appeared first on Policia e Shtetit.

Angazhim 24/7 në terren, punë e pandërprerë operacionale dhe hetimore e strukturave të Policisë së Shtetit, për parandalimin dhe goditjen e veprimtarive kriminale dhe kapjen e shtetasve me rrezikshmëri shoqërore, me qëllim garantimin e rendit dhe sigurisë publike.

Nëpërmjet zbatimit të planeve të masave, u garantua mbarëvajtja e Konferencës së NATO-s për Mbrojtjen Kibernetike dhe e disa aktiviteteve sportive me pjesëmarrje të lartë, që u zhvilluan në Tiranë, gjatë muajit tetor.

Punonjës të trajnuar të Policisë së Shtetit kanë zhvilluar çdo ditë, takime me nxënësit e shkollave në të gjithë vendin, në kuadër të programit kombëtar “Siguria e të rinjve”, me qëllim informimin e tyre mbi tema si dhuna, bullizmi, trafikimi i qenieve njerëzore, siguria në internet etj.

Në kuadër të fushatës së ndërgjegjësimit për Tetorin Rozë, u zhvilluan aktivitete informuese dhe sensibilizuese në shkolla dhe në komunitet, për të nxitur gratë dhe vajzat, për kryerjen e kontrolleve të hershme, me qëllim parandalimin e kancerit të gjirit.

Si rezultat i punës intensive të kryer gjatë muajit tetor:

U finalizuan 110 operacione policore, 24 prej tyre në bashkëpunim me partnerët, për lokalizimin, kapjen dhe ekstradimin e shtetasve të shpallur në kërkim ndërkombëtar;

U vunë në pranga 572 shtetas, të dyshuar për vepra penale të ndryshme;

Bashkëpunimi intensiv i Policisë së Tiranës me partnerët ndërkombëtarë dhe mbështetja nga disa projekte ndërkombëtare, finalizoi një operacion që goditi një grup kriminal që trafikonte femra nga vendet e Amerikës Latine dhe Azisë Qendrore, me qëllim shfrytëzimin e tyre për prostitucion, në Shqipëri.

Gjithashtu, Policia e Tiranës dhe e Durrësit goditën 5 raste të tjera të shfrytëzimit të femrave për prostitucion. Organizatorët e veprimtarisë kriminale u vunë në pranga, pasi u zbuluan ambientet ku kryhej veprimtaria, në këto dy qytete.

U asgjësuan 10 300 bimë narkotike, si dhe u sekuestruan rreth 201 kg kanabis, 8 pako kanabis në trajtë xhelatine, rreth 2 kg kokainë, dhjetëra doza të këtyre lëndëve dhe të heroinës;

Policia e Tiranës zhvilloi operacionin “Quality”, për goditjen e një rasti të trafikimit nga Tajlanda, të 61 kg kanabis me përqindje të lartë THC-je, që u sekuestrua në aeroportin e Rinasit, dhe operacionin “Kombinimi”, gjatë të cilit u zbulua një banesë ku kultivoheshin bimë narkotike, me llamba, si dhe u sekuestrua një arsenal armësh shpërthyese.

Gjatë operacioneve “Improvizimi” dhe “Processing” u zbuluan në dy fshatra, në Krujë dhe në Mirditë, 2 parcela ku ishin kultivuar bimë narkotike kanabis dhe 2 ambiente ku thaheshin bimët narkotike dhe përgatiteshin për shitje.

Gjatë muajit tetor janë sekuestruar 57 armë zjarri (5 prej tyre me snajper), 4 silenciatorë, 16 armë gjahu/sportive, sasi e konsiderueshme municioni luftarak, 4 kallëpe tritol, 7 fitila detonatorë, granata dhe ndezës për to, 35 armë të ftohta, pajisje për shpërthim në distancë, pajisje për bllokimin e valëve dhe pajisje gjurmuese, veshje dhe mjete pune si të Policisë.

Policia e Tiranës finalizoi me sukses një operacion për parandalimin e ngjarjeve të rënda kriminale që mund të kryheshin me armë zjarri. Gjatë operacionit u zbulua një bazë me një arsenal të madh armësh dhe municioni luftarak.

Policia e Elbasanit, gjatë operacionit të koduar “Fast”, kapi në një lokal në Bradashesh, 14 shtetas me rrezikshmëri shoqërore, të cilët posedonin aty dhe në banesa, armë zjarri, veshje si të Policisë dhe armë të ftohta.

2 shtetas më rrezikshmëri të lartë shoqërore, u kapën në Tiranë dhe u vunë në pranga nga strukturat e specializuara të Policisë së Shtetit, gjatë operacioneve “Ghosts” dhe “Identikiti”.

Strukturat për hetimin e krimeve ekonomike zbuluan në Tiranë:
-1 spital privat ku kryheshin krime ekonomike dhe krime kundër shëndetit, pasi përdoreshin produkte të ndaluara dhe nuk deklaroheshin fitimet. Në kuadër të operacionit “Bilanci”, u sekuestrua spitali në Zog të Zi (objekt me vlerë rreth 3 milionë euro);
-1 klinikë dentare ku kryhej evazion fiskal dhe shërbehej me produkte të skaduara. Në këtë subjekt u sekuestruan produkte të skaduara, pa fatura zhdoganimi, me vlerë rreth 100 000 euro;
-1 subjekt (call center) ku mashtroheshin qytetarë, për të investuar në bursa fiktive. Në kuadër të operacionit “SCAMS” u sekuestruan 106 710 euro, 700 000 lekë, 51 njësi kompjuterike dhe 14 celularë.

Strukturat e DVP Lezhë, në zbatim të 2 vendimeve të GJKKO-së, konfiskuan 20 pasuri të paluajtshme në qarkun Lezhë (sipërfaqe toke), në total 98 525 m2, të përfituara nga veprimtari kriminale.

Ndërhyrja e menjëhershme e Policisë parandaloi përshkallëzimin e konflikteve me armë, me mjete prerëse apo konflikte në familje, në 6 raste;

Si rezultat i hetimeve profesionale, u zbardhën 12 ngjarje kriminale, si: vrasje, tentativë për vrasje, plagosje, djegie automjeti, vënie lënde plasëse në një subjekt dhe kanosje me qëllim dhënies e parave;

Strukturat për hetimin e krimeve ekonomike, në bashkëpunim me strukturat e Policisë Kufitare, kanë goditur 12 raste të kontrabandës dhe të mosdeklarimit të parave, në kufi. U sekuestruan mallra me vlerë rreth 56 milionë euro dhe 155 000 euro të padeklaruara.

U finalizuan 5 operacione për goditjen e dhënies ndihmë emigrantëve, për kalim të paligjshëm të kufijve. 2 prej tyre u zhvilluan në port Durrës, ku u kapën të fshehur në kamionë, 8 shtetas që synonin të kalonin ilegalisht në Itali, 2 nga të cilët ishin në kërkim ndërkombëtar.

Më tej, u finalizuan:
-25 operacione kundër vjedhjes;
-5 operacione kundër organizimit të kundërligjshëm të lojërave të fatit;
-1 operacion në favor të sigurisë ushqimore.

U goditën 160 raste të ndërtimeve të paligjshme në të gjithë vendin dhe 6 raste raste të gjuetisë së paligjshme. U bllokuan 7 armë gjahu dhe municion për to.

Shërbimet e Policisë Rrugore, të pajisura me mjete bashkëkohore, kanë vijuar kontrollet në të gjitha akset e vendit, me qëllim konstatimin e shkeljeve rrugore që rrezikojnë jetën e përdoruesve të rrugës.

Në këtë kuadër:
-janë vënë në pranga 204 drejtues mjetesh, nga të cilët 145 për drejtim mjeti në gjendje të dehur dhe 59 për drejtim mjeti pa leje drejtimi;
-janë pezulluar 283 leje drejtimi, për tejkalim të normave të shpejtësisë, drejtim mjeti nën ndikimin e alkoolit apo për shkelje të tjera të Kodit Rrugor, për të cilat parashikohet kjo masë;
-janë vënë 14 018 masa administrative për shpejtësi mbi normën e lejuar, me sanksion pezullimin e lejes së drejtimit. Në këto raste, drejtuesit e automjeteve kanë paguar dyfishin e gjobës maksimale dhe janë penalizuar me zbritje nga 6 deri në 12 pikë nga leja e drejtimit.

Shërbimet e Policisë Kufitare kanë intensifikuar kontrollet, me objektiv goditjen e paligjshmërive në kufi dhe tentativave për lëvizje të paligjshme.

Iu dha ndihmë në det, në zonat turistike e malore, 15 shtetasve, kryesisht turistë e vizitorë të huaj, që kishin mbetur të bllokuar, rrezikoheshin nga dallgët apo kishin humbur orientimin për t’u kthyer në destinacion.

Në pikat e kalimit kufitar, janë evidentuar dhe goditur:
-51 raste të kalimit të paligjshëm të kufijve;
-14 raste të tentativës për të kaluar kufijtë me dokumente false;
-11 raste të mosdeklarimit të shumave të parave;
-10 raste të kontrabandës së mallrave;
-6 raste të trafikimit të lëndëve narkotike;
-4 raste të trafikimit të mjeteve motorike.

Policia e Shtetit garanton qytetarët dhe partnerët se, nëpërmjet bashkëpunimit me ta dhe shfrytëzimit të të gjitha kapaciteteve që ka në dispozicion, është maksimalisht e angazhuar për të garantuar rend dhe siguri.

Ftojmë qytetarët që të denoncojnë menjëherë, në njësitë fizike të Policisë ose në numrin 112, çdo paligjshmëri që hasin.

#Tetor2025
#Policianënjëmuaj
#AngazhimPërkushtimSakrificë
#Përtëmirënepërbashkët

The post Policia e Shtetit, gjatë muajit tetor 2025 appeared first on Policia e Shtetit.

Punë operacionale intensive kundër kultivimit, shitjes dhe trafikimit të narkotikëve; armëmbajtjes pa leje, vjedhjes, krimeve mjedisore dhe krimeve ekonomike e kibernetike, në funksion të objektivit madhor: garantimin e sigurisë së qytetarëve.

Gjatë muajit shtator:

U finalizuan 114 operacione policore, nga të cilat 21 prej tyre në bashkëpunim me partnerët, për lokalizimin, kapjen dhe ekstradimin e shtetasve të shpallur në kërkim ndërkombëtar;

U vunë në pranga 619 shtetas, të dyshuar për vepra penale të ndryshme;

U asgjësuan 44 671 bimë narkotike, si dhe u sekuestruan rreth 178 kg cannabis, rreth 737 gramë kokainë, dhjetëra doza të këtyre lëndëve, si dhe 30 fara cannabisi;

– Policia e Tiranës goditi 2 raste të trafikimit nga Spanja dhe nga Kanadaja, të rreth 7.6 kg cannabis me përqindje të lartë THC-je;

U sekuestruan 34 armë zjarri, të cilat u kapën në tentativë për t’u shitur ose trafikuar, me qëllim kryerjen e krimeve kundër personit; 13 armë gjahu, 26 armë të ftohta, 3 silenciatorë dhe municion luftarak;

– Në këtë kuadër, policitë e Shkodrës dhe Tiranës zbuluan ambiente të vëna në dispozicion të grupeve kriminale, përkatësisht në lagjen “Guerrile” dhe në rrugën “Myslym Keta”. Bazat kriminale ruanin, për llogari të grupeve, armë zjarri dhe lëndë narkotike;

Ndërhyrja e menjëhershme e Policisë parandaloi përshkallëzimin e konflikteve me armë, me mjete prerëse apo konflikte në familje, në 9 raste;

Si rezultat i hetimeve profesionale, u zbardhën 11 ngjarje kriminale, si: vrasje, tentativë për vrasje, plagosje, djegie automjeti dhe heqje e paligjshme e lirisë;

Strukturat për hetimin e krimeve ekonomike, në bashkëpunim me strukturat e Policisë Kufitare, kanë goditur 10 raste të kontrabandës, 2 raste të mashtrimit me shuma të konsiderueshme parash, si dhe 14 raste të falsifikimit të dokumenteve, vizave dhe kartëmonedhave;

– Po nga strukturat për hetimin e krimeve ekonomike e financiare, u zbulua se në një spital privat në kryeqytet kryhej evazion fiskal dhe punësim i kundërligjshëm;

– Gjithashtu, u sekuestruan 13 pasuri të paluajtshme, 5 llogari bankare dhe 1 automjet “Ferrari”, me vlerë 3.6 milionë euro, të dyshuara të përfituara nga krimet;

Drejtoria për Hetimin e Krimeve Kibernetike dhe seksionet e saj në qarqe goditën krijimin e skemave piramidale në hapësirën virtuale, 1 rast të pornografisë me të mitur dhe raste të kanosjes nëpërmjet rrjeteve sociale;

Agjencitë ligjzbatuese amerikane pranë Ambasadës kontribuan për goditjen e një rrjeti kriminal që iu merrte shtetasve mijëra euro, për t’i çuar ilegalisht në SHBA ose Kanada;

– Policia e Korçës finalizoi gjithashtu një operacion kundër transportimit të kundërligjshëm të emigrantëve;

Më tej, u finalizuan:
– 20 operacione kundër vjedhjes;
– 3 operacione kundër organizimit të kundërligjshëm të lojërave të fatit;
– 1 operacion në favor të sigurisë ushqimore;

U goditën 175 raste të ndërtimeve të paligjshme në të gjithë vendin;

U proceduan penalisht 18 shtetas që penguan me mjetet e tyre lëvizjen e qytetarëve dhe të mjeteve të tjera;

Gjatë muajit shtator nisi zbatimi i Paketës për Sigurinë në Shkolla dhe programeve “Siguria e të rinjve”;

Në bazë të eksperiencës së fituar për sa i përket menaxhimit të eventeve ndërkombëtare, dhe në zbatim të detyrave të përcaktuara në një plan masash të detajuar, gjatë muajit shtator u garantua mbarëvajtja e ndeshjes së futbollit “Shqipëri–Letoni”;

Shërbimet e Policisë Rrugore, të pajisura me mjete bashkëkohore, kanë vijuar kontrollet në të gjitha akset e vendit, me qëllim konstatimin e shkeljeve rrugore që rrezikojnë jetën e përdoruesve të rrugës.

Në këtë kuadër:
– janë vënë në pranga 197 drejtues mjetesh, nga të cilët 128 për drejtim mjeti në gjendje të dehur dhe 69 për drejtim mjeti pa leje drejtimi;
– janë pezulluar 329 leje drejtimi, për tejkalim të normave të shpejtësisë, drejtim mjeti nën ndikimin e alkoolit apo për shkelje të tjera të Kodit Rrugor, për të cilat parashikohet kjo masë;
– janë vënë 20 714 masa administrative për shpejtësi mbi normën e lejuar, me sanksion pezullimin e lejes së drejtimit. Në këto raste, drejtuesit e automjeteve kanë paguar dyfishin e gjobës maksimale dhe janë penalizuar me zbritje nga 6 deri në 12 pikë nga leja e drejtimit.

Shërbimet e Policisë Kufitare kanë intensifikuar kontrollet, me objektiv goditjen e paligjshmërive në kufi dhe tentativave për lëvizje të paligjshme.

U dha ndihmë në det, në zonat turistike e malore, 35 shtetasve, kryesisht turistë e vizitorë të huaj, që kishin mbetur të bllokuar, rrezikoheshin nga dallgët apo kishin humbur orientimin për t’u kthyer në destinacion;

21 mjete lundruese u bllokuan pasi drejtuesit e tyre shkelën rregullat për pajisjen me dokumentacion dhe për sigurinë e pushuesve.

Janë evidentuar dhe goditur:
– 50 raste të kalimit të paligjshëm të kufijve;
– 14 raste të tentativës për të kaluar kufijtë me dokumente false;
– 6 raste të mosdeklarimit të shumave të parave;
– 6 raste të trafikimit të lëndëve narkotike;
– 6 raste të trafikimit të mjeteve motorike.

Policia e Shtetit garanton qytetarët dhe partnerët se, nëpërmjet bashkëpunimit me ta dhe shfrytëzimit të të gjitha kapaciteteve që ka në dispozicion, është maksimalisht e angazhuar për të garantuar rend dhe siguri.

Ftojmë qytetarët që të denoncojnë menjëherë, në njësitë fizike të Policisë ose në numrin 112, çdo paligjshmëri që hasin.

#Shtator2025
#Policianënjëmuaj
#AngazhimPërkushtimSakrificë
#Përtëmirënepërbashkët ‍‍

The post Policia e Shtetit, gjatë muajit shtator 2025 appeared first on Policia e Shtetit.

Strukturat e Policisë së Shtetit, prezencë 24/7 në terren, bashkëpunim me qytetarët, hetime dhe operacione me partnerët ndërkombëtarë, për parandalimin, evidentimin dhe goditjen e veprimtarive kriminale në të gjitha fushat.

Gjatë muajit gusht, shërbimet e Policisë kanë vijuar angazhimin maksimal për garantimin e sigurisë në plazhe dhe në vendet turistike, si dhe duke iu ofruar ndihmë qytetarëve dhe vizitorëve.

Në veçanti, është kryer punë intensive për identifikimin e autorëve të zjarrvënieve dhe menaxhimin e situatave me zjarret, si dhe për goditjen e krimeve kundër mjedisit. Krahas punës për identifikimin dhe kapjen e autorëve shërbimet e Policisë evakuan banorët në disa zona të vendit dhe gjatë evakuimit u dëmtuan nga zjarri 5 punonjës policie.

Gjatë muajit gusht:
Janë finalizuar 90 operacione policore;
Janë finalizuar në bashkëpunim me partnerët, 22 faza në kuadër të operacioneve të koduara “The Wanted” dhe “Operacionalja”, për lokalizimin, kapjen dhe ekstradimin e shtetasve të shpallur në kërkim ndërkombëtar;
Janë vënë në pranga 664 shtetas, për vepra penale të ndryshme, 61 nga të cilët ishin në kërkim;
Janë asgjësuar rreth 23 200 bimë dhe fidanë Cannabisi, si dhe janë sekuestruar rreth 340 kg Cannabis (320 kg në trajtë boçesh, 17 kg në trajtë çokollate dhe 1.2 kg me përqindje të lartë TCH), 22.5 litra vaj Cannabisi, rreth 2 kg Kokainë dhe qindra doza të këtyre dy lëndëve;
Janë sekuestruar 35 armë zjarri, 8 armë gjahu/sportive, 3 granata, pjesë armësh dhe dhjetëra armë të ftohta;
Janë zbardhur 10 ngjarje kriminale, ndër to: vrasje, plagosje me mjete prerëse, shkatërrim prone me eksploziv dhe djegie të qëllimshme pronash;
Janë parandaluar 6 ngjarje kriminale, që mund të kryheshin nga shtetas që lëviznin të armatosur;
Është parandaluar përshkallëzimi i 9 konflikteve me armë apo sende të forta, si dhe i 3 rasteve të tentativës për vjedhje;
Janë sekuestruar pasuri me vlerë 26 milionë e 500 000 euro, rreth 6 200 000 para cash në valuta të ndryshme dhe medikamente të kontrabanduara me vlerë 35 000 euro;
Gjatë operacionit të koduar “Dërgesa”, i zhvilluar nga strukturat e Policisë së Shtetit, në bashkëpunim me partnerët italianë, u godit trafikimi i armëve të zjarrit, nga Shqipëria në Itali;
Gjatë operacioneve të koduara “Grupi”, “Shape”, “Pako 6” dhe “Bashkëpunimi”, Policia e qarkut Tiranë goditi veprimtaritë kriminale në fushën e narkotikëve, që kryheshin kryesisht në bashkëpunim;
Gjatë operacioneve të koduara “Në gjurmë”, “Eterna” dhe “Stuhia”, Policia e qarkut Vlorë vuri në pranga 3 shtetas me rrezikshmëri të lartë shoqërore, të cilët ishin të shpallur në kërkim për vrasje/tentativë për vrasje, si dhe 5 shtetas që i shoqëronin të armatosur dhe i strehonin;
Janë finalizuar 10 operacione për zbardhjen e vjedhjeve dhe janë zbardhur 20 vjedhje të kryera më parë, në një rast u rrezikua seriozisht jeta e punonjësve të Drejtorisë Vendore të Policisë Durrës pasi gjatë ndjekjes së dy personave për vjedhje me dhunë dhe armë, autorët qëlluan me armë zjarri ndaj punonjësve të Policisë.
Janë goditur 8 raste në fushën e kontrabandës, 6 raste të transportimit të emigrantëve që synojnë të kalojnë kufirin ilegalisht, 4 raste të shfrytëzimit të prostitucionit dhe 9 raste të organizimit të kundërligjshëm të lojërave të fatit;
Janë bllokuar 124 mjete lundruese, pasi drejtuesit e tyre cenuan perimetrin e sigurisë për pushuesit dhe/ose ishin të papajisur me dokumentacionin që kërkon ligji;
Janë konstatuar nga kontrollet e kryera në bashkëpunim me struktura të tjera shtetërore, dhjetëra raste të ndërtimeve të paligjshme, si dhe janë kryer hetime për identifikimin dhe arrestimin e shtetasve përgjegjës;
Në bashkëpunim me shërbimet zjarrfikëse dhe Forcat e Armatosura është reaguar menjëherë për parandalimin e përhapjes së zjarreve. Hetimet dhe puna policore rezultuan me arrestimin dhe procedimin e 76 autorëve të dyshuar për zjarrvënie të qëllimshme apo nga pakujdesia;
Janë proceduar penalisht 21 drejtues automjetesh, sepse duke parkuar dyshe, penguan qarkullimin e automjeteve të urgjencës dhe lëvizjen e qytetarëve;
Policia e Tiranës dhe policitë e qarqeve bregdetare kanë kryer kontrolle të përditshme, me mjete teknologjike zhurmëmatëse, te subjektet që gjenerojnë muzikë. Administratorët e subjekteve që u gjetën në tejkalim të nivelit dhe/ose të orarit, u ndëshkuan penalisht dhe/ose administrativisht;
Iu është dhënë ndihmë në tokë, në det dhe në liqene 115 shtetasve (kryesisht turistë) që u gjendën në vështirësi.
Gjithashtu, në bashkëpunim me qytetarët, është bërë e mundur gjetja dhe kthimi te familjarët, i 8 fëmijëve që ishin larguar nga vendet ku pushonin.
Policia e Korçës dhe ajo e Beratit hartuan dhe zbatuan plane masash që garantuan mbarëvajtjen e Festës së Birrës dhe të pelegrinazhit në malin e Tomorrit.

Shërbimet e Policisë Rrugore, të pajisura me mjete bashkëkohore, kanë intensifikuar kontrollet në të gjitha akset e vendit, me qëllim konstatimin e shkeljeve rrugore që rrezikojnë jetën e përdoruesve të rrugës ose bëhen shkak për ngadalësim apo bllokim të qarkullimit gjatë këtij muaji me fluks të lartë lëvizjeje.
Në këtë kuadër gjatë muajit gusht:
– janë vënë në pranga 244 drejtues mjetesh, nga të cilët 166 për drejtim mjeti në gjendje të dehur dhe 78 për drejtim mjeti pa leje drejtimi ;
– janë pezulluar 232 leje drejtimi, për tejkalim të normave të shpejtësisë , drejtim mjeti në ndikimin e alkoolit apo për shkelje të tjera të Kodit Rrugor, për të cilat parashikohet kjo masë;
– janë vendosur 112 0932 masa administrative për shpejtësi mbi normën e lejuar, me sanksion pezullimin e lejes së drejtimit. Në këto raste, drejtuesit e automjeteve kanë paguar dyfishin e gjobës maksimale dhe janë penalizuar me zbritje nga 6 deri në 12 pikë nga leja e drejtimit.

Shërbimet e Policisë Kufitare, krahas menaxhimit të fluksit të lartë të hyrje/daljeve dhe ofrimit të një shërbimi policor të shpejtë dhe me etikë, gjatë këtij muaji kanë shtuar vigjilencën dhe kontrollet, me objektiv goditjen e paligjshmërive në kufi dhe tentativave për lëvizje të paligjshme.
Në këtë kuadër janë goditur:
– 42 raste të kalimit të paligjshëm të kufijve;
– 6 raste të tentativës për të kaluar kufijtë me dokumente false;
– 7 raste të mosdeklarimit të shumave të parave;
-12 raste të trafikimit të mjeteve motorike dhe 9 raste të trafikimit të lëndëve narkotike.

Ka vijuar monitorimi intensiv nga Njësia Policore Detare dhe Policia Kufitare, me qëllim rritjen e parametrave të sigurisë detare.

Si rezultat i monitorimeve dhe kontrolleve të kryera nga Komani në Ksamil, gjatë muajit gusht janë bllokuar 135 mjete lundruese për shkelje të ndryshme, ku 56 prej tyre janë konstatuar duke lundruar brenda perimetrit të sigurisë, duke rrezikuar jetën e pushuesve. Drejtuesit e tyre janë ndëshkuar me masë administrative prej 100.000 lekësh secili.

Policia e Shtetit garanton qytetarët se është maksimalisht e angazhuar për të rritur forcën parandaluese dhe goditëse ndaj krimit, si dhe për të identifikuar dhe ndaluar shtetasit që cenojnë rendin dhe sigurinë publike.

Me qëllim përmbushjen e këtyre objektivave, ftojmë qytetarët të bashkëpunojnë më ngushtë me Policinë, duke denoncuar menjëherë çdo paligjshmëri që konstatojnë, pranë njësive fizike të Policisë së Shtetit ose në numrin pa pagesë 112.

The post Policia e Shtetit, gjatë muajit gusht 2025 appeared first on Policia e Shtetit.

Gjithashtu, në pikun e sezonit turistik , është treguar vigjilencë dhe kujdes i shtuar, 24/7 , për garantimin e sigurisë në plazhe dhe në hapësirat ujore, për ofrimin e ndihmës ndaj qytetarëve dhe vizitorëve.

Fokusim dhe përkushtim edhe për identifikimin e autorëve të zjarrvënieve dhe menaxhimin e situatave me zjarret duke shpëtuar jetë nga rreziku i përfshirjes nga flakët, evidentimin dhe ndëshkimin e atyre që ndërtojnë pa leje apo zënë hapësirat publike.

Konkretisht, gjatë muajit Korrik:

Janë finalizuar 103 operacione policore;
Janë finalizuar 25 operacione në bashkëpunim me partnerët, për goditjen e krimeve kibernetike, trafikimit të drogës, si dhe për kapjen dhe ekstradimin e shtetasve të shpallur në kërkim ndërkombëtar;
Janë vënë në pranga 761 shtetas të akuzuar/dënuar për vepra penale të ndryshme;
Janë asgjësuar 52 934 bimë Cannabisi, si dhe janë sekuestruar rreth 2.5 kg kokainë, 6.2 kg cannabis, qindra doza të këtyre lëndëve dhe sasi amfetaminë;
Janë sekuestruar 33 armë zjarri, 110 kapsolla detonatore, 2 antiplumba dhe silenciatorë;
Janë zbardhur 10 ngjarje kriminale, ndër to: vrasje, plagosje me mjete prerëse, shkatërrim prone me eksploziv dhe djegie të qëllimshme pronash;
Janë parandaluar ngjarje kriminale në Tiranë, Lezhë, Vlorë, e Sarandë që mund të kryheshin nga shtetas që lëviznin të armatosur.
Janë parandaluar përshkallëzimi i 6 konflikteve me armë apo sende të forta si dhe i 8 rasteve të tentativës për vjedhje;
Janë sekuestruar pasuri dhe cash me vlerë totale rreth 1.6 milionë euro, të përfituara nga krimet;
Gjatë 2 fazave të operacionit “Identiteti”, Policia e qarkut Tiranë zbuloi raste të falsifikimit të pasaportave dhe kartave të identitetit, për të lëvizur ilegalisht ose për të marrë kredi;
Policia e qarkut Kukës goditi 2 raste të trafikimit të armëve nga Kosova dhe 3 raste të trafikimit të automjeteve;
Gjatë planeve të posaçme operacionale policore, për sigurinë ushqimore dhe atë dentare, Drejtoria për Hetimin e Krimeve Ekonomiko-Financiare e DPPSh-së zbuloi raste të përdorimit/tregtimit të produkteve të skaduara, me rrezik për jetën dhe shëndetin e qytetarëve;
Janë finalizuar 16 operacione për zbardhjen e vjedhjeve;
Janë goditur 10 raste në fushën e kontrabandës, 7 raste të transportimit të emigrantëve që synojnë të kalojnë kufirin ilegalisht dhe 6 raste të organizimit të kundërligjshëm të lojërave të fatit;
Janë bllokuar 134 mjete lundruese, pasi drejtuesit e tyre cenuan perimetrin e sigurisë për pushuesit dhe/ose ishin të papajisur me dokumentacionin që kërkon ligji;
Janë konstatuar 34 raste të pushtimit të hapësirave në plazhe, për të cilat, në kuadër të operacionit “Plazhi i lirë”, janë sekuestruar rreth 2700 komplete me çadra dhe shezlongë;
Janë konstatuar 38 raste të tjera të pushtimit të hapësirave publike, për aktivitete fitimprurëse. Në bashkëpunim me shërbimet e Inspektoratit të Mbrojtjes së Territorit, janë liruar hapësirat dhe sekuestruar objektet e përdorura;
Janë konstatuar 12 raste të ndërtimeve pa leje me 16 shtetas të proceduar penalisht, si dhe janë goditur krime të tjera kundër mjedisit, të tilla si: ndotja e ujërave, dëmtimi i shtratit të lumenjve, si dhe hedhja e inerteve ose mbetjeve të tjera;
Në bashkëpunim me shërbimet zjarrfikëse, Forcat e Armatosura dhe homologët, është reaguar menjëherë për 44 raste zjarrvënieje. Hetimet dhe puna policore rezultuan me arrestimin/ndalimin/procedimin e 42 autorëve të dyshuar për zjarrvënie të qëllimshme apo nga pakujdesia;
Janë proceduar penalisht 72 drejtues automjetesh, sepse duke parkuar dyshe, penguan qarkullimin e automjeteve të urgjencës dhe lëvizjen e qytetarëve;
Policia e Tiranës dhe policitë e qarqeve bregdetare kanë kryer kontrolle të përditshme, me mjete teknologjike zhurmëmatëse, te subjektet që gjenerojnë muzikë. Administratorët e subjekteve që u gjetën në tejkalim të nivelit dhe/ose të orarit, u ndëshkuan penalisht dhe/ose administrativisht;
Është dhënë ndihmë për 55 shtetas që u gjendën në vështirësi për shkak të terrenit, temperaturave, mosorientimit në zona të ndryshme ose defekteve në mjetet me të cilat lëviznin.

Shërbimet e Policisë Rrugore, të pajisura me mjete bashkëkohore, kanë intensifikuar kontrollet në të gjitha akset e vendit, me qëllim konstatimin e shkeljeve rrugore që rrezikojnë jetën e përdoruesve të rrugës ose bëhen shkak për ngadalësim apo bllokim të qarkullimit gjatë këtij muaji me fluks të lartë lëvizjeje.
Në këtë kuadër:
– janë vënë në pranga 226 drejtues mjetesh, nga të cilët 139 për drejtim mjeti në gjendje të dehur dhe 87 për drejtim mjeti pa leje drejtimi ;
– janë pezulluar 252 leje drejtimi, për tejkalim të normave të shpejtësisë , drejtim mjeti nën ndikimin e alkoolit apo për shkelje të tjera të Kodit Rrugor, për të cilat parashikohet kjo masë;
– janë vendosur 22 338 masa administrative për shpejtësi mbi normën e lejuar, me sanksion pezullimin e lejes së drejtimit. Në këto raste, drejtuesit e automjeteve kanë paguar dyfishin e gjobës maksimale dhe janë penalizuar me zbritje nga 6 deri në 12 pikë nga leja e drejtimit.

Shërbimet e Policisë Kufitare, krahas menaxhimit të fluksit të lartë të hyrje/daljeve dhe ofrimit të një shërbimi policor të shpejtë dhe me etikë, gjatë këtij muaji kanë shtuar vigjilencën dhe kontrollet, me objektiv goditjen e paligjshmërive në kufi dhe tentativave për lëvizje të paligjshme.
Në këtë kuadër janë goditur:
– 68 raste të kalimit të paligjshëm të kufijve;
– 10 raste të tentativës për të kaluar kufijtë me dokumente false;
– 7 raste të mosdeklarimit të shumave të parave.

Policia e Shtetit garanton qytetarët se është maksimalisht e angazhuar për të rritur forcën parandaluese dhe goditëse ndaj krimit, si dhe për të identifikuar dhe ndaluar shtetasit që cenojnë rendin dhe sigurinë publike.

Me qëllim përmbushjen e këtyre objektivave, ftojmë qytetarët të bashkëpunojnë më ngushtë me Policinë, duke denoncuar menjëherë çdo paligjshmëri që konstatojnë, pranë njësive fizike të Policisë së Shtetit ose në numrin pa pagesë 112.

#Korrik2025
#PoliciaPranëTeje
#BashkëPërSigurinë
#DenoncoNë112

The post Policia e Shtetit, gjatë muajit korrik 2025 appeared first on Policia e Shtetit.

Prezencë 24/7 në terren dhe angazhim maksimal i punonjësve të Policisë, për garantimin e rendit dhe të sigurisë, parandalimin dhe goditjen e veprimtarive kriminale dhe kapjen e shtetasve në kërkim, me qëllim krijimin e një ambienti të sigurt.

Gjatë muajit qershor, si rezultat i masave të ndërmarra nga Policia e Shtetit, u sigurua mbarëvajtja e ndeshjes së futbollit “Shqipëri-Serbi”, e Ministerialit të Procesit të Bashkëpunimit në Europën Juglindore (SEECP), në Tiranë, e provimeve të maturës shtetërore në të gjithë vendin dhe e aktiviteteve të tjera të zhvilluara në disa qytete.

Në cilësinë e Presidentes së SEPCA-s për vitin 2025, Policia e Shtetit organizoi në Berat, Asamblenë Rajonale të Drejtuesve të Policive të Europës Juglindore.

•Për të garantuar mbarëvajtjen e sezonit veror, Policia e Shtetit ka hartuar dhe po zbaton plane masash që synojnë sigurinë në zonat e frekuentuara nga pushuesit/turistët, lehtësimin e qarkullimit në kufi dhe në akse rrugore dhe ambiente me kushte optimale sigurie dhe qetësie për pushuesit.

•Gjatë këtij muaji, si rezultat i kontrolleve të pandërprera në terren, në zbatim në planeve operacionale, i bashkëpunimit me partnerët ndërkombëtarë dhe me me agjencitë e tjera ligjzbatuese, për sigurimin dhe shkëmbimin e informacionit:

janë finalizuar 105 operacione policore;
janë vënë në pranga 728 autorë të dyshuar veprash penale;
janë finalizuar 35 operacione për kapjen dhe ekstradimin e shtetasve në kërkim ndërkombëtar;
janë sekuestruar 32 armë zjarri dhe sasi e madhe municioni luftarak, 1 silenciator, 113 kapsolla detonatore, 12 granata difensive, kallëp eksplozivi, 10 armë gjahu/sportive, 25 armë të ftohta, 8 radio si të Policisë dhe sende të tjera të kundërligjshme;
-5 kilogramë kanabis, mijëra doza të kësaj lënde, rreth 7 000 fara kanabisi, sasi kanabisi në trajtë çokollate, rreth 2.5 kilogramë kokainë dhe qindra doza të saj, 500 gramë heroinë dhe dhjetëra doza të saj, sasi/doza të drogave GHB, MDMA, Ketaminë, Esktazi dhe kërpudha haluçinogjene;
pasuri të paluajtshme me vlerë mbi 100 000 euro dhe 600 000 euro cash, të dyshuara të përfituara në mënyrë të kundërligjshme, rreth 430 000 euro të padeklaruara në pikat e kalimit kufitar, mallra të kontrabanduara, makineri për stampimin e veshjeve, me logo false etj;
15 makineta, 10 pajisje kompjuterike dhe 20 celularë që përdoreshin për lojëra fati;
janë asgjësuar në kuadër të megaoperacionit kombëtar të koduar “Koordinata”, 88 360 bimë/fidanë kanabisi;
Gjithashtu, janë sekuestruar rreth 100 komplete me çadra dhe shezlogë që ishin vënë në bregdet, në hapësira publike për pushuesit, si dhe janë bllokuar 41 mjete lundruese, pronarët/përdoruesit e të cilave janë ndëshkuar administrativisht, për shkelje të ndryshme.

në Tiranë dhe në Fier, gjatë 2 operacioneve, janë arrestuar 29 shtetas, pjesëtarë të dy grupeve kriminale që kultivonin bimë narkotike, shitnin lëndë narkotike në doza dhe trafikonin armë;

është goditur nga Policia Kufitare e Rinasit, 1 rast i tentativës për të trafikuar armë zjarri, nga Shqipëria;

është parandaluar përshkallëzimi i 7 konflikteve, disa prej tyre në familje dhe/ose me armë zjarri;

janë zbardhur 8 ngjarje kriminale që përfshijnë vrasje, plagosje me thikë, djegie të qëllimshme të banesave/automjeteve, vedhje në banesa dhe aksidente rrugore ku drejtuesit e automjeteve janë larguar nga vendi i aksidentit;

janë zbuluar 2 magazina ku stampoheshin veshje të kontrabanduara, me logo false, 1 ambient i përshtatur për call center, ku kryhej mashtrim kompjuterik, dhe 2 subjekte ku shiteshin hidrokarbure, në kundërshtim me ligjin;

janë finalizuar 15 operacione për zbardhjen e më shumë se 30 vjedhjeve, identifikimin e autorëve dhe nxjerrjen e tyre përpara përgjegjësisë penale;

janë goditur 9 raste të tentativës për të transportuar mallra të kontrabanduara, nëpërmjet pikave të kalimit kufitar;

janë zbuluar 8 ambiente (lokale) ku organizoheshin lojëra fati, 5 operacione kundër transportimit të emigrantëve, me qëllim kalimin e paligjshëm të kufirit, dhe 2 operacione kundër prostitucionit;

Shërbimet e Policisë iu kanë dhënë ndihmë në 9 raste, shtetasve të huaj dhe shqiptarë që gjendeshin në vështirësi, në zona bregdetare ose malore, në disa qytete;

janë trajtuar, në bashkëpunim me institucione të tjera kompetente, 160 raste të dhunës në familje dhe 212 krime kundër mjedisit.

Policia Rrugore, me flotën e pajisjeve inteligjente që ka në dispozicion ka monitoruar në mënyrë të vazhdueshme akset rrugore, me objektivin madhor: sigurinë rrugore.

Në pranga, 234 drejtues mjetesh, nga të cilët:
140 për drejtim mjeti, në gjendje të dehur, dhe 94 për drejtim mjeti, pa leje drejtimi.

249 leje drejtimi të pezulluara për tejkalim të normave të shpejtësisë, drejtim mjeti në efektin e alkoolit dhe për shkelje të tjera të Kodit Rrugor, për të cilat parashikohet kjo masë.

107 336 masa administrative për shpejtësi mbi normën e lejuar, me sanksion pezullimin e lejes së drejtimit; raste për të cilat drejtuesit e automjeteve kanë paguar dyfishin e gjobës maksimale dhe janë penalizuar me zbritje nga 6 deri në 12 pikë nga leja e drejtimit.

Policia Kufitare ka hartuar dhe zbatuar analiza të posaçme risku dhe ka kryer kontrolle intensive ndaj shtetasve dhe mjeteve, për të parandaluar dhe goditur krimet në kufi.

Janë evidentuar dhe goditur në pikat e kalimit kufitar, 63 raste të kalimit të paligjshëm të kufijve, 13 raste të tentativës për të kaluar kufijtë me dokumente false dhe 6 raste të trafikimit të mjeteve motorike.

Policia e Shtetit mbetet maksimalisht e angazhuar për organizimin dhe finalizimin e operacioneve kundër krimit në përgjithësi dhe kundër atij të organizuar në veçanti. Në këtë kuadër, ftojmë qytetarët që të denoncojnë çdo paligjshmëri, si dhe të informojnë Policinë për çdo rast nevoje, duke i garantuar se ndërhyrja dhe asistenca do të jenë të menjëhershme.

#qershor2025
#përtëmirënepërbashkët
#bashkëpunomePolicinë
#partnerëtëbarabartë

The post Policia e Shtetit, gjatë muajit qershor 2025 appeared first on Policia e Shtetit.