Drejtori i ri i Përgjithshëm i Policisë së Shtetit, Drejtues Madhor Skënder Hita, zhvilloi takimin e parë me partnerët ndërkombëtarë, me delegacionin nga Qendra për Krimin e Organizuar dhe Krimet e Rënda në EUROPOL (ESOCC).

Delegacioni kryesohej nga z. Andy Kraag, Drejtues i Qendrës kundër Krimit të Organizuar dhe Krimeve të Rënda në EUROPOL, i shoqëruar nga Shefi i Njësisë në Projektin Analitik HROCG – Grupet Kriminale me Rrezikshmëri të Lartë, si dhe nga Zëvendësdrejtuesi i Njësisë në këtë projekt.

Gjatë takimit, Drejtori Hita dhe z. Kraag vlerësuan marrëdhëniet e mira mes Policisë së Shtetit dhe Europol-it, duke theksuar rëndësinë e forcimit të mëtejshëm të bashkëpunimit.

Drejtori Hita siguroi përfaqësuesit e delegacionit për angazhimin dhe vendosmërinë e tij dhe të Policisë së Shtetit për thellimin e mëtejshëm të këtij bashkëpunimi. Ai theksoi se vetëm nëpërmjet bashkëveprimit të ngushtë dhe pa barriera mund të arrihen rezultate konkrete në luftën kundër krimit të organizuar.

Nga ana e tij, z. Kraag uroi Drejtorin e Përgjithshëm për detyrën dhe garantoi mbështetje të pakushtëzuar nga Europol për Policinë e Shtetit, në drejtim të shkëmbimit të informacionit për goditjen e krimit të organizuar, krimeve në fushën e narkotikëve, kontrabandimit të emigrantëve dhe krimeve kibernetike, duke zhvilluar hetime proaktive dhe operacione të përbashkëta me Europol-in dhe vendet anëtare të tij.

Gjithashtu, në fokus të diskutimeve ishte rëndësia e implementimit të strategjisë së re të Policisë së Shtetit kundër krimit të organizuar 2026-2028, si dhe Projekti Analitik HROCG, i cili përfshin identifikimin, profilizimin dhe ndjekjen e grupeve kriminale më të rrezikshme në nivel ndërkombëtar, analizën e rrjeteve kriminale, shkëmbimin e inteligjencës, si dhe koordinimin e operacioneve të përbashkëta për goditjen e tyre.

Ky projekt synon rritjen e kapaciteteve hetimore dhe operacionale, si dhe ndërhyrjen e sinkronizuar ndaj aktiviteteve kriminale ndërkufitare.

—

Albanian State Police–Europol alliance strengthened to combat high-risk criminal groups.

The new General Director of the Albanian State Police, Major General Skënder Hita, held his first meeting with international partners, welcoming a delegation from Europol’s European Serious Organised Crime Centre (ESOCC).
The delegation was led by Mr. Andy Kraag, Head of the Serious Organised Crime Centre at Europol, accompanied by the Unit Head of the HROCG Analytical Project – High-Risk Criminal Groups, and the Deputy Head of the Unit.
During the meeting, Director Hita and Mr. Kraag recognized the strong cooperation between the Albanian State Police and Europol, emphasizing the importance of further strengthening this partnership.

Director Hita assured the delegation of his and the Police’s commitment and determination to deepen collaboration, stressing that only through close and barrier-free cooperation can concrete results be achieved in the fight against organized crime.

Mr. Kraag congratulated the General Director on his appointment and guaranteed Europol’s unconditional support for the Albanian State Police in exchanging information to combat organized crime, drug-related offenses, migrant smuggling, and cybercrime, while developing proactive investigations and joint operations with Europol and its member states.

The discussions also focused on the implementation of the Albanian State Police’s new Organized Crime Strategy 2026–2028 and the HROCG Analytical Project, which involves identifying, profiling, and tracking the most dangerous criminal groups internationally, analyzing criminal networks, sharing intelligence, and coordinating joint operations.

This project aims to strengthen investigative and operational capacities and ensure synchronized interventions against cross-border criminal activities.

The post Forcohet aleanca Policia e Shtetit–Europol për goditjen e grupeve kriminale me rrezikshmëri të lartë appeared first on Policia e Shtetit.

Qëllimi i takimit ishte marrja e masave për rritjen e parametrave të rendit dhe sigurisë së jetës dhe pronës së qytetarëve.

Gjatë takimit, Drejtori i Përgjithshëm kërkoi më shumë angazhim, përkushtim dhe profesionalizëm për parandalimin, evidentimin dhe goditjen e krimit, të shitjes së lëndëve narkotike, kultivimit të kanabisit si në terrene të hapura ashtu edhe në ambiente të mbyllura, të armëmbajtjes pa leje, të krimeve ekonomike, të lojërave të fatit dhe call center-ave të paligjshëm, të trafiqeve, si dhe të krimeve mjedisore, kryesisht për lirimin e hapësirave publike, ndërtimet pa leje dhe ndotjen e mjedisit.

Rendi dhe siguria në tërësi, e në veçanti siguria në shkolla, siguria kibernetike dhe ajo rrugore, ishin disa nga porositë e tjera që Drejtori i Përgjithshëm dha gjatë takimit, duke kërkuar rritje të prezencës policore dhe të kapaciteteve profesionale, me qëllim parandalimin dhe rritjen e mëtejshme të parametrave të sigurisë në kryeqytet.

Drejtori Hita u ndal gjatë te adresimi dhe ndjekja në dinamikë e shqetësimeve dhe denoncimeve të qytetarëve, duke theksuar se ligji dhe qytetarët janë parësorë për Policinë e Shtetit, ndaj kërkohet reagim në kohë, angazhim dhe profesionalizëm.

Besimi i qytetarëve fitohet me punë dhe sjellje korrekte të punonjësve të Policisë.

Gjithashtu, kërkoi nga drejtuesit që të jenë sa më pranë punonjësve në terren, t’i mbështesin dhe t’i motivojnë ata në përmbushjen e detyrave, duke vlerësuar punën dhe përkushtimin e tyre të përditshëm.

The post Drejtori i Përgjithshëm i Policisë së Shtetit, Drejtues Madhor Skënder Hita, zhvilloi një takim në DVP Tiranë appeared first on Policia e Shtetit.

Fjala e tij gjatë ceremonisë:

The post Merr detyrën Drejtori i ri i Përgjithshëm i Policisë së Shtetit, Drejtues Madhor Skënder Hita appeared first on Policia e Shtetit.

The post Fjala e Drejtorit të Përgjithshëm të Policisë së Shtetit Drejtues Madhor Skënder Hita appeared first on Policia e Shtetit.

The post Momenti i betimit të Drejtorit të Përgjithshëm të Policisë së Shtetit, Drejtues Madhor Skënder Hita appeared first on Policia e Shtetit.

Drejtori i Përgjithshëm i Policisë së Shtetit Drejtues Madhor Ilir Proda priti në një takim kortezie, përfaqësues të platformës “EMPACT” dhe të projektit “FORTIFY”, përkatësisht Koordinatorin e JAD SEE, z. Carlos del Moral, dhe ekipin e tij mbështetës të përbërë nga z. Servulo Medina Castellanos, Drejtor i Përgjithshëm i Projektit “FORTIFY” (njëkohësisht drejtues i projektit “EVOLUXER”), z. Sergio Vidal, si dhe nga përfaqësuesja e projektit “EVOLUXER”, znj. Alicia Barrio.

Drejtor Proda theksoi se Policia e Shtetit është shumë e angazhuar për të thelluar bashkëpunimin hetimor dhe atë operacional, me agjencitë ligjzbatuese dhe me partnerët, duke vënë në dispozicion kapacitetet më të mira profesionale dhe logjistike.

Ilir Proda: “Bashkëpunimi me shtetet partnere të Bashkimit Europian dhe strukturat përkatëse europiane, duke përfshirë bashkëpunimin e ngushtë me EUROPOL-in dhe mbështetjen strategjike dhe financiare të Komisioni Europian, bazohet në besimin e ndërsjellë, shkëmbimin e informacionit në kohë reale, koordinimin e fortë operativ dhe forcimin e vazhdueshëm të kapaciteteve institucionale. Kjo qasje e integruar ka rritur ndjeshëm efektivitetin e reagimit të përbashkët kundër rrjeteve kriminale me rrezik të lartë.

Bashkëpunimi, profesionalizmi dhe përgjegjësia mbeten shtyllat themelore mbi të cilat ndërtohet kontributi ynë brenda platformës “EMPACT”, me objektivin e qartë, sigurimin e një mjedisi më të sigurt për qytetarët tanë dhe partnerët tanë europianë.”

Koordinatori i JAD SEE, z. Carlos del Moral falënderoi Drejtorin e Përgjithshëm, për pritjen, dhe vlerësoi punën profesionale dhe angazhimin maksimal të ekipeve të Policisë së Shtetit, gjatë bashkëpunimeve operacionale. Gjithashtu, z. Moral siguroi Drejtor Prodën, për mbështetje dhe thellim të mëtejshëm të bashkëpunimit.

Policia e Shtetit ka një rol aktiv dhe të përgjegjshëm brenda kornizës së platformës “EMPACT për Armët e Zjarrit”, elementi i cili pasqyron angazhimin e saj për të qenë partnere e besueshme, proaktive dhe e orientuar drejt rezultateve në luftën kundër trafikimit të armëve të zjarrit dhe formave të tjera të krimit të organizuar ndërkombëtar.

The post Policia shqiptare forcon bashkëpunimin me partnerët europianë, brenda platformës “EMPACT për Armët e Zjarrit” appeared first on Policia e Shtetit.

Certifikata iu dorëzua nga Drejtori i Drejtorisë së Antiterrorit, Drejtues Alban Dautaj, në një ceremoni të veçantë të organizuar në ambientet e kësaj drejtorie, me rastin e daljes në pension të Komisar Adriatik Mehmetit.

Drejtori i Antiterrorit vlerësoi dhe falënderoi Komisar Mehmetin për punën e bërë gjatë karrierës 32-vjeçare në Policinë e Shtetit dhe për profesionalizmin e treguar në hetimin e krimeve.

Komisar Adriatik Mehmeti, gjatë fjalës së tij, falënderoi Drejtorin e Përgjithshëm të Policisë së Shtetit për vlerësimin, si dhe drejtuesit dhe kolegët e Drejtorisë së Antiterrorit.

The post Drejtori i Përgjithshëm Ilir Proda i akordoi certifikatën e karrierës Komisar Adriatik Mehmeti, specialist në Drejtorinë e Antiterrorit appeared first on Policia e Shtetit.

Me rastin e 18-vjetorit të Pavarësisë së Republikës së Kosovës, Policia e Shtetit përcjell urimet më të përzemërta për Policinë e Kosovës dhe për të gjithë qytetarët e Republikës së Kosovës.

Drejtori i Përgjithshëm i Policisë së Shtetit, Drejtues Madhor Ilir Proda, i ka dërguar mesazh urimi homologut të tij, Drejtorit të Përgjithshëm të Policisë së Kosovës, Kolonel Gazmend Hoxha, ku ndër të tjera thekson:

“Kjo ditë përfaqëson sakrificën dhe përkushtimin e popullit të Kosovës drejt forcimit të shtetit dhe institucioneve demokratike. Policia e Kosovës ka dëshmuar profesionalizëm dhe partneritet të besueshëm në garantimin e rendit dhe sigurisë, si dhe në forcimin e bashkëpunimit rajonal kundër krimit të organizuar. Jam i bindur se bashkëpunimi ynë i shkëlqyer do të vijojë të thellohet edhe më tej, në funksion të sigurisë së qytetarëve tanë dhe stabilitetit të rajonit.”

Policia e Shtetit rikonfirmon vullnetin për bashkëpunim të ngushtë dhe të qëndrueshëm me Policinë e Kosovës, në shërbim të sigurisë dhe rendit publik.

The post Policia e Shtetit uron Policinë e Kosovës, me rastin e 18-vjetorit të Pavarësisë së Republikës së Kosovës appeared first on Policia e Shtetit.

Gjatë fjalës së tij para efektivëve të Komisariatit nr. 2, Drejtori i Përgjithshëm Ilir Proda theksoi se reagimi në kohë rekord, guximi dhe profesionalizmi i treguar nga dy kolegët tanë, Inspektor Ermal Çeku dhe Inspektor Eduart Saliko, janë shembull i qartë i standardit që përfaqëson Policia e Shtetit.

Përballë një personi të armatosur, vepruat me vendosmëri dhe kontroll të plotë të situatës, duke neutralizuar autorin, si dhe duke sekuestruar armën e zjarrit dhe shumën e parave të grabitura.

Këto janë veprime që nderojnë uniformën, forcojnë autoritetin e Policisë së Shtetit dhe rrisin besimin e qytetarëve tek institucioni ynë.

Krenar dhe mirënjohës për ju dhe për çdo efektiv policie që mishëron profesionalizmin, guximin dhe përgjegjësinë në çdo moment shërbimi.

“Jepni gjithmonë më të mirën tuaj në shërbim të qytetarëve dhe të ligjit. Ju falënderoj!”

The post Drejtori i Përgjithshëm Ilir Proda falënderoi 2 punonjës policie që neutralizuan dhe arrestuan autorin e vjedhjes me armë, në një bankë appeared first on Policia e Shtetit.

Gjatë një prononcimi për median, ai ka falënderuar punonjësit e Policisë për profesionalizmin, sakrificën, durimin dhe maturinë e treguar përballë një barbarie të tejskajshme me bomba molotov, lëndë piroteknike dhe sende të forta, ku për pasojë u lënduan 16 punonjës policie.

Ilir Proda:
“Falënderim për të gjithë punonjësit e Policisë për profesionalizmin që kanë treguar dhe vetëm Zoti e di sa krenar jam për ta, për atë që ata bëjnë çdo ditë dhe për vetëpërmbajtjen dhe qytetarinë e tejskajshme që treguan sot, në kundërshtim me atë me të cilën u përballën, e cila ishte shenjë e një barbarie ekstreme.”

Drejtori i Përgjithshëm iu përgjigj edhe pyetjeve të bëra nga gazetarja.

Pyetje: Mesa u vu re gjatë protestës, pati dy të mitur të cilët shfaqën veprime të dhunshme, duke hedhur sende të forta në drejtim të efektivëve. A do të shoqërohen ata, siç ndodhi edhe në protestën e shkuar, ku u shoqërua një 14-vjeçar?

Përgjigje: Hetimet sapo kanë filluar, ekipet po kryejnë këqyrjen e vendit të ngjarjes. Ne, në vazhdimësi, kemi bërë thirrje që të miturit të distancohen. Do të nxjerrim përgjegjësitë në bashkëpunim me Prokurorinë e Tiranës dhe besoj se edhe në vijim do të kemi qëndrime për këto situata.

Pyetje: Përveç efektivëve të Policisë, a ka protestues të plagosur, me aq informacion sa keni?

Përgjigje: Nuk kemi informacion deri më tani për protestues të plagosur.

The post Drejtori i Përgjithshëm Ilir Proda viziton në spital, punonjësit e Policisë të dëmtuar gjatë tubimit appeared first on Policia e Shtetit.