Pajisje, mjete logjistike bashkëkohore dhe automjete, në kuadër të projektit “Mbështetja e BE-së për Forcimin e Luftës kundër Kontrabandës së Migrantëve dhe Trafikimit të Qenieve Njerëzore në Ballkanin Perëndimor – EU4FAST”, iu dorëzuan Policisë së Shtetit.

Në ceremoninë e zhvilluar me këtë rast morën pjesë përfaqësues të Policisë së Shtetit, të Delegacionit të Bashkimit Evropian në Shqipëri, të Ambasadës Franceze, ambasadave partnere të projektit, si dhe përfaqësues të organizatave dhe strukturave të përfshira në zbatimin e tij.

Drejtori i Përgjithshëm i Policisë së Shtetit, Drejtues Madhor Skender Hita, vlerësoi mbështetjen e vazhdueshme të Bashkimit Evropian për Policinë e Shtetit, duke theksuar se ky donacion do të kontribuojë drejtpërdrejt në forcimin e kapaciteteve për hetimin e krimit kibernetik, menaxhimin e kufijve dhe këqyrjen e vendit të ngjarjes, si dhe në rritjen e efektivitetit të punës operacionale në luftën kundër krimit ndërkufitar dhe kontrabandimit të migrantëve.

Përmes projektit EU4FAST, Bashkimi Evropian vijon të mbështesë forcimin e strukturave ligjzbatuese, menaxhimin e kufijve dhe bashkëpunimin gjyqësor, në funksion të goditjes së rrjeteve kriminale, mbrojtjes së personave vulnerabël dhe garantimit të sigurisë dhe sundimit të ligjit.

Pajisjet e dorëzuara përfshijnë licenca të programit “Mercure”, për hetimin e krimeve kibernetike dhe analizën e riskut, skanerë portativë CTMS për dokumente dhe mjete për zbulimin e dokumenteve të falsifikuara, një furgon të dedikuar për transportin e migrantëve, si dhe një automjet në mbështetje të hetimeve të Policisë Shkencore në vendngjarje.

The post Forcohen kapacitetet operacionale dhe hetimore të Policisë së Shtetit, në kuadër të projektit EU4FAST. appeared first on Policia e Shtetit.

Drejtori i Përgjithshëm i Policisë së Shtetit, Drejtues Madhor Skender Hita: “Donacione të tilla përkthehen në më shumë kapacitete parandaluese, goditëse dhe hetimore në luftën kundër krimit.”

Në ambientet e Drejtorisë së Përgjithshme të Policisë së Shtetit u zhvillua ceremonia e dorëzimit të disa donacioneve me pajisje të teknologjisë bashkëkohore, të ofruara nga Zyra e Operacioneve Ndërkombëtare e Ministrisë së Brendshme të Mbretërisë së Bashkuar (HOIO), në mbështetje të strukturave të Policisë së Shtetit.

Në këtë ceremoni morën pjesë Drejtori i Përgjithshëm i Policisë së Shtetit, Drejtues Madhor Skender Hita, Menaxherja Rajonale e HOIO, zj. Tara Moore, Menaxheri Ndërkombëtar Ndërlidhës i HOIO, z. Stephen Law, drejtues të lartë të Policisë së Shtetit, si dhe përfaqësues të strukturave përfituese të këtyre donacioneve.

Gjatë fjalës së tij, Drejtor Hita shprehu mirënjohje për mbështetjen e vazhdueshme të partnerëve britanikë, duke vlerësuar bashkëpunimin mes Policisë së Shtetit dhe agjencive ligjzbatuese të Mbretërisë së Bashkuar si një model të konsoliduar dhe me rezultate konkrete në luftën kundër krimit të organizuar, krimit ndërkufitar dhe fenomeneve të tjera me rrezikshmëri të lartë shoqërore.

Ai theksoi se investime dhe donacione të tilla rrisin ndjeshëm kapacitetet operacionale dhe profesionale të Policisë së Shtetit, duke ndikuar drejtpërdrejt në identifikimin më të shpejtë të risqeve, avancimin e kontrolleve kufitare, rritjen e efikasitetit të analizës dhe hetimit policor, si dhe në forcimin e goditjes ndaj krimit të organizuar dhe krimit ndërkufitar, në funksion të rritjes së sigurisë për qytetarët.

Nga ana e saj, zj. Tara Moore konfirmoi angazhimin e agjencive britanike për të vijuar mbështetjen ndaj Policisë së Shtetit, përmes asistencës teknike, logjistike dhe shkëmbimit të praktikave më të mira profesionale, në funksion të forcimit të kapaciteteve ligjzbatuese dhe rritjes së efektivitetit operacional.

Donacionet, me vlerë totale rreth 200 000 paund, përfshijnë pajisje moderne teknologjike që do të përdoren nga Departamenti i Policisë Kriminale, Departamenti për Kufirin dhe Migracionin, si dhe nga Njësia e Informacionit të Pasagjerëve.

The post Pajisje të teknologjisë bashkëkohore i dhurohen Policisë së Shtetit, nga Zyra e Operacioneve Ndërkombëtare e Ministrisë së Brendshme të Mbretërisë së Bashkuar (HOIO) appeared first on Policia e Shtetit.

Donacioni, dëshmi e bashkëpunimit të ngushtë ndërmjet Policisë së Shtetit dhe agjencive ligjzbatuese holandeze, u dorëzua nga e Ngarkuara me Punë në Ambasadën e Mbretërisë së Holandës në Tiranë, zj. Asli Cetinel, dhe nga Drejtori i Përgjithshëm i Transportit dhe Shërbimeve në Ministrinë e Sigurisë dhe Drejtësisë.

Gjatë ceremonisë, Drejtori i Departamentit për Kufirin dhe Migracionin u shpreh se goditja e migracionit të paligjshëm është prioritet i strukturave të Policisë, pasi ky fenomen përbën jo vetëm një ngarkesë për sistemet sociale të shteteve ku është i pranishëm, por edhe një shqetësim real për sigurinë e komunitetit.

Gjithashtu, Drejtor Muçaj u shpreh se bashkëpunimi me partnerët ndërkombëtarë ka qenë jetik për forcimin e kapaciteteve kundër kësaj veprimtarie kriminale. Më tej, gjatë fjalës së tij, Drejtori theksoi se donacioni i sotëm, përveçse forcon kapacitetet e Policisë Kufitare me automjete me elemente sigurie, mbi të gjitha është shprehje e bashkëpunimit dhe besimit reciprok.

Ndërkaq, e Ngarkuara me Punë në Ambasadën e Mbretërisë së Holandës në Tiranë theksoi se migracioni përbën një nga sfidat më të mëdha të kohës, për luftimin e të cilit kërkohen institucione të forta dhe bashkëpunim i ngushtë ndërkombëtar.

Gjithashtu, zj. Cetinel theksoi se bashkëpunimi midis Shqipërisë dhe Holandës përfaqëson një shembull konkret të partneritetit dhe përgjegjësisë së përbashkët në adresimin e migracionit të parregullt dhe luftën kundër trafikimit të qenieve njerëzore. Më tej, ajo vlerësoi se përmes bashkëpunimit policor, shkëmbimit të informacionit dhe veprimeve të përbashkëta operacionale, është arritur përparim domethënës në forcimin e sigurisë dhe menaxhimin e kufijve.

Dy automjetet e dhuruara do të vihen në funksion të punës së Qendrës së Mbyllur për të Huajt, në Departamentin për Kufirin dhe Migracionin

.

The post Ministria e Drejtësisë dhe e Sigurisë e Mbretërisë së Holandës dhuron automjete për Policinë e Shtetit appeared first on Policia e Shtetit.

Donacioni, nga Projekti EU4FAST – “Mbështetja e BE-së për forcimin e luftës kundër kontrabandimit të migrantëve dhe trafikimit të qenieve njerëzore në Ballkanin Perëndimor”, mbështetur nga Bashkimi Europian, qeveria Gjermane, Ministria e Brendshme italiane dhe Ministria e Jashtme holandeze.

Dorëzimi i pajisjeve moderne (lexues pasaportash, lexues dokumentash dhe dedektorë) u bë nga Ambasadori i Gjermanisë në Shqipëri, Sh. T. Z. Karlfried Bergner dhe nga Përfaqësuesja e Delegacionit të BE-së në Tiranë, znj. Francesca Varlese, gjatë një ceremonie të organizuar në ambientet e Drejtorisë së Përgjithshme të Policisë së Shtetit.

Në ceremoni morën pjesë dhe Zëvendësdrejtori i Përgjithshëm i Policisë së Shtetit, Drejtues i Lartë Sokol Bizhga, Drejtori i Departamentit për Kufirin dhe Migracionin, Drejtues i Parë Saimir Muçaj, drejtues të tjerë të lartë të Policisë së Shtetit, dy oficerët ndërlidhës, ai i Policisë Federale Gjermane për Kufirin në Shqipëri dhe ai për Ballkanin Perëndimor, si dhe përfaqësues të Projektit EU4FAST në Shqipëri.

Gjatë fjalës së mbajtur në ceremoninë e dorëzimit, Zëvendësdrejtori Bizhga falënderoi, në emër të Drejtorit të Përgjithshëm të Policisë, Ambasadorin e Gjermanisë dhe Menaxheren e Projektit, për mbështetjen konsistente të dhënë prej tyre në funksion të modernizimit të strukturave të Policisë së Shtetit. Ai theksoi se pajisjet bashkëkohore do t’i vihen menjëherë në dispozicion Departamentit për Kufirin dhe Migracionin dhe do të kenë një impakt tepër pozitiv për parandalimin, konstatimin e menjëhershëm dhe goditjen e rasteve të trafikimit të qenieve njerëzore dhe të lëvizjes ilegale të emigrantëve.

Ndërkaq, gjatë ceremonisë, Ambasadori Bergner theksoi:
“Ky moment përfaqëson më shumë sesa thjesht dorëzimin e disa pajisjeve teknike. Ai është një sinjal i fortë i angazhimit tonë të përbashkët për të forcuar sundimin e ligjit dhe për luftën kundër krimit të organizuar. Gjermania mbetet krenare që mbështet Shqipërinë dhe rajonin e Ballkanit Perëndimor në përmirësimin e menaxhimit të kufijve dhe mbrojtjen e njerëzve vulnerabël. Kjo përpjekje është pjesë e një qasjeje më të gjerë dhe të koordinuar, që përfshin Gjermaninë, Bashkimin Europian, Italinë, Francën dhe Holandën, të cilët punojnë së bashku për të përmirësuar kushtet për parandalimin dhe luftimin e kontrabandimit dhe trafikimit të migrantëve, në përputhje me standardet e BE-së.”

Më tej, znj. Varlese u shpreh:
“Kontrabandimi i migrantëve dhe trafikimi i qenieve njerëzore janë krime të shëmtuara që shfrytëzojnë të cenueshmit, minojnë sundimin e ligjit dhe kërcënojnë sigurinë tonë. Ballkani Perëndimor, si një rajon kyç tranziti, luan një rol vendimtar në këtë luftë. BE-ja ka qëndruar në krahun tuaj, duke ofruar mbështetje financiare, ekspertizë dhe trajnime, për të forcuar kapacitetet dhe për të siguruar një përgjigje të bashkuar.”

The post Pajisje të teknologjisë së fundit, tashmë në dispozicion të Policisë Kufitare appeared first on Policia e Shtetit.

Investim dhe pajisje të fjalës së fundit të teknologjisë, i dhurohen Policisë së Shtetit, nga Zyra e Operacioneve Ndërkombëtare e Ministrisë së Brendshme të Britanisë së Madhe.

Donacioni, tregues i bashkëpunimit të ngushtë ndërmjet 2 agjencive dhe besimit të partnerëve britanikë, te puna e Policisë shqiptare.

Në ceremoninë formale të nënshkrimit dhe dorëzimit të donacionit morën pjesë Drejtori i Përgjithshëm i Policisë së Shtetit, Drejtues Madhor Ilir Proda, Menaxheri Ndërkombëtar Ndërlidhës nga Zyra e Operacioneve Ndërkombëtare, z. Stephen Law, si dhe drejtues të tjerë të Policisë së Shtetit.

Në fjalën e mbajtur gjatë ceremonisë, Drejtor Proda falënderoi Zyrën e Operacioneve Ndërkombëtare dhe Ministrinë e Brendshme të Britanisë së Madhe, për mbështetjen e vazhdueshme për strukturat e Policisë së Shtetit. Drejtori theksoi se kjo mbështetje është dëshmi e vijimit të bashkëpunimit të suksesshëm me partnerët britanikë, dhe se kontributi është i një rëndësie të veçantë për forcimin e kapaciteteve logjistike për Policinë e Shtetit shqiptar dhe kryesisht të strukturave të cilave iu adresohet.

Ndërkaq, z. Law, gjatë ceremonisë, tha: ”Është kënaqësi të jem këtu, në emër të HOIO. Gjithashtu, është kënaqësi që të realizojmë donacione të tilla për Policinë e Shtetit shqiptar. Bashkëpunimi me ju është i një rëndësie të veçantë për ne. Ndihem krenar që mundëm të mbështetnim Njësinë Speciale për Kufirin dhe Migracionin “Delta”, Vlorë, për rimobilimin e ambienteve, si dhe për pajisjen me teknologji bashkëkohore. Gjithashtu, që mundëm të vëmë në dispozicion të Njësisë së Informacionit për Pasagjerin, ekrane me parametra të lartë.”

Donacioni përfshin përmirësimin e ambienteve të Njësisë Speciale për Kufirin dhe Migracionin “Delta”, Vlorë, si dhe 1 automjet në funksion të punës së kësaj Njësie. Gjithashtu, përfshin 4 dylbi termike multispektrale dhe 7 ekrane me parametra të lartë teknologjike që do t’i vihen në funksion Policisë Kufitare dhe Njësisë së Informacionit për Pasagjerin.

The post Policia e Shtetit/Investim dhe pajisje të fjalës së fundit të teknologjisë, i dhurohen Policisë së Shtetit, nga Zyra e Operacioneve Ndërkombëtare e Ministrisë së Brendshme të Britanisë së Madhe appeared first on Policia e Shtetit.

Gjatë takimit, IOM i dorëzoi Departamentit për Kufirin dhe Migracionin, rreth 50 pajisje teknologjike, përfshirë kompjutera, laptopë, printera dhe mjete të tjera, të cilat do të kontribuojnë në procesin e digjitalizimit dhe modernizimit të infrastrukturës së Policisë së Shtetit.

The post IOM i dhuron pajisje kompjuterike Departamentit për Kufirin dhe Migracionin në Policinë e Shtetit appeared first on Policia e Shtetit.

Në ambientet e Drejtorisë Vendore të Policisë Tiranë, u zhvillua një ceremoni me rastin e dorëzimit të 4 automjeteve elektrike, nga ABI Bank, të cilat do të vihen në funksion të patrullave të rendit.

Donacioni, i një rëndësie të veçantë, synon të përmirësojë ndjeshëm efikasitetin e shërbimeve policore në terren dhe të forcojë lidhjen me qytetarët, nëpërmjet një qasjeje moderne dhe miqësore me mjedisin.

Gjatë fjalës së tij, Drejtori i Drejtorisë Vendore të Policisë Tiranë Drejtues Elton Alushi shprehu mirënjohjen për donacionin dhe ndër të tjera, tha: “Kam kënaqësinë që, në ambientet e Drejtorisë Vendore të Policisë Tiranë, të mirëpres këtë akt me vlerë të veçantë nga ABI Bank, që përfaqëson më shumë se një donacion, një vlerësim konkret për punën e Policisë së Shtetit.

Dhurimi i 4 automjeteve elektrike do të rritë kapacitetet tona logjistike dhe operacionale, duke promovuar një polici më moderne dhe më pranë qytetarëve. Në emër të punonjësve të Drejtorisë Vendore të Policisë Tiranë, falënderoj ABI Bank dhe Drejtorin e saj të Përgjithshëm, z. Andi Ballta, për këtë kontribut me rëndësi. Shpresoj që ky të jetë vetëm fillimi i një bashkëpunimi të qëndrueshëm, në funksion të forcimit të sigurisë publike.”

Ndërkaq, Drejtori i Zhvillimit të Shitjeve në Rrjet, z. Dore, u shpreh: “Motoja jonë është “Investo në optimizëm”, dhe këtë kemi bërë gjithmonë, gjatë tërmetit, pandemisë, në art dhe kulturë. Këtë vit, prioritet kemi sigurinë publike. Dhurimi i këtyre mjeteve vjen si një shprehje mirënjohjeje për Policinë e Shtetit dhe për punën tuaj të palodhur, çdo ditë.”

The post ABI Bank i dhuron Policisë së Tiranës, 4 automjete elektrike appeared first on Policia e Shtetit.

Në kuadër të përpjekjeve të vazhdueshme në luftën kundër zotërimit të paligjshëm, keqpërdorimit dhe trafikimit të armëve të zjarrit, municioneve dhe lëndëve plasëse, Bashkimi Evropian dhe Programi i Kombeve të Bashkuara për Zhvillim (UNDP), përmes SEESAC, dorëzuan gjatë ditës së sotme pajisje të specializuara për Policinë e Shtetit Shqiptar. Në ceremoninë e dorëzimit, të organizuar në Tiranë, morën pjesë z. Besfort Lamallari, Zëvendësministër i Brendshëm dhe Kryetar i Komisionit të AVL-ve, Drejtuesi i Lartë z. Sokol Bizhga, Zëvendësdrejtor i Përgjithshëm i Policisë së Shtetit Shqiptar, z. André Rizzo, I Ngarkuari me Punë i Delegacionit të BE-së në Shqipëri dhe znj. Randi Davis, Përfaqësuesja e Përhershme e UNDP në Shqipëri.

“Ky donacion i vlefshëm nuk është thjesht mbështetje për forcat tona të policisë. Ai përbën një testament të partneritetit të fortë ndërmjet Qeverisë së Shqipërisë, Bashkimit Evropian dhe partnerit tonë zbatues, UNDP, për të kontribuuar në sigurinë rajonale dhe për të ecur përpara në rrugën tonë drejt integrimit në BE”, u shpreh Zëvendësministri i Brendshëm, z. Besfort Lamallari.

Pajisjet e dhuruara kanë një vlerë totale prej 1 192 782 dollarë amerikanë dhe janë financuar nga Bashkimi Evropian, në vijim të vlerësimit të nevojave operacionale të shërbimeve të Policisë Kufitare dhe Policisë Kriminale në Shqipëri.

“Mbështetja që kemi marrë nga partnerët tanë ndërkombëtarë, më konkretisht nga SEESAC përmes UNDP-së dhe financimit të Bashkimit Evropian, ka qenë vendimtare në disa drejtime: përmirësimin e legjislacionit, rritjen e kapaciteteve analitike dhe operative, krijimin e strukturave të specializuara dhe forcimin e bashkëpunimit rajonal. Sot po pranojmë një paketë pajisjesh të teknologjisë së lartë, e cila do të përdoret nga Policia Kufitare dhe Policia Kriminale. Ky investim është i drejtpërdrejtë, i nevojshëm dhe i miradresuar, si dhe vjen pas një procesi të kujdesshëm të vlerësimit të nevojave nga vetë ekspertët tanë, në bashkëpunim me partnerët”, deklaroi Zëvendësdrejtor i Përgjithshëm i Policisë së Shtetit Drejtues i Lartë Sokol Bizhga.

“BE-ja mbetet një partner i palëkundur dhe i besueshëm në përpjekjet për të mbështetur autoritetet shqiptare përmes një angazhimi të qartë: të ndihmojë në ndërtimin e një rajoni më të sigurt dhe më të mbrojtur. Shqipëria ka bërë progres të dukshëm, veçanërisht në kuadër të luftës kundër trafikimit të paligjshëm të armëve dhe rritjes së koordinimit institucional. Ceremonia e sotme e dorëzimit të pajisjeve të specializuara për Policinë Kufitare dhe Policinë Kriminale të Shqipërisë, në kontekstin e kontrollit të armëve të vogla dhe të lehta (AVL), është rezultat konkret i përpjekjeve tona të përbashkëta dhe simbol i partneritetit tonë të vazhdueshëm”, u shpreh z. André Rizzo I Ngarkuari me Punë i Delegacionit të BE-së në Shqipëri.

Detektorët e metalit, kamerat termike dhe skanerët me rreze X, si dhe kompletet për lëndët plasëse dhe vendngjarjen, janë të gjitha pajisje të vyera që do të forcojnë aftësinë e autoriteteve shqiptare për të mbledhur prova, realizuar hetime, si dhe për të parandaluar dhe për t’iu përgjigjur incidenteve me armë zjarri në mënyrë më efektive.

“Përmes mbështetjes strategjike të Bashkimit Evropian, UNDP-ja, përmes SEESAC, po dorëzon pajisje të specializuara për Policinë e Shtetit Shqiptar, duke forcuar kështu kapacitetet e Departamentit për Kufirin dhe Migracionin, si dhe të Policisë Kriminale. Këto pajisje rrisin kapacitetet e zbulimit, thjeshtojnë analizën kriminalistike dhe përmirësojnë përpjekjet e Shqipërisë në luftën kundër trafikimit të paligjshëm të armëve dhe përgjigjen në rastet urgjente, si dhe theksojnë angazhimin tonë të përbashkët për të ndërtuar komunitete më të sigurta dhe për të trajtuar ndikimin e thellë të armëve të vogla dhe të lehta në të gjithë rajonin”, deklaroi Përfaqësuesja e Përhershme e UNDP, znj. Randi Davis.

Kjo mbështetje është financuar nga Bashkimi Evropian përmes Vendimit të Këshillit (CFSP) 2019/2111, të ndryshuar përmes Vendimit të Këshillit (CFSP) 2024/381.

The post BE dhe UNDP dorëzojnë pajisje të specializuara me vlerë 1,1 milionë dollarë amerikanë për të forcuar përpjekjet e Shqipërisë në luftën kundër trafikimit të armëve appeared first on Policia e Shtetit.

The post Qeveria e Mbretërisë së Bashkuar i dhuron Policisë shqiptare, pajisje imazherike të teknologjisë së lartë, me vlerë mbi 18 000 euro appeared first on Policia e Shtetit.

Donacioni i rradhës për Policinë e Shtetit, pajisje dhe automjete me vlerë rreth 345 000 euro, në funksion të përmbushjes efektive të detyrave nga Departamenti për Kufirin dhe Migracionin, Departamenti për Sigurinë Publike, Instituti i Policisë Shkencore dhe Departamenti për Policinë Kriminale.

Donacioni përfshiu automjete, jelekë mbrojtës, laptopë, programe, pajisje për leximin e dokumenteve, komplete pajisjesh mbrojtëse, radio komunikimi dhe uniforma taktike.

Ceremonia e dhurimit u organizua në ambientet e Drejtorisë së Përgjithshme të Policisë së Shtetit, ku Drejtori i Përgjithshëm Drejtues Madhor Ilir Proda dhe drejtues të lartë të Policisë, mirëpritën Ambasadorin e Gjermanisë Sh. T. Z. Karlfried Bergner, i cili dorëzoi pajisjet dhe automjetet.

Gjatë ceremonisë, Drejtor Proda shprehu mirënjohje të thellë për miqtë solidë të Policisë shqiptare, partnerët gjermanë, të cilët e demonstrojnë në mënyrë të vazhdueshme besimin e tyre te profesionalizmi dhe korrektesa e efektivëve të Policisë së Shtetit. Gjithashtu, Drejtori garantoi se pajisjet dhe automjetet e destinuara për sektorët kyç të Policisë së Shetit, do të rritin dukshëm rezultatet e punës së tyre, përsa i përket rritjes së performancës dhe standardeve të policimit, si dhe progresimit të luftës kundër krimit të organizuar dhe trafiqeve. Më tej, Drejtori siguroi Ambasadorin Bergner, se Policia e Shtetit mbetet plotësisht e angazhuar për intensifikimin e bashkëpunimit me agjencitë ligjzbatuese gjermane, me qëllim përmbushjen e objektivave të përbashkët.

Ndërkaq, Ambasadori Bergner theksoi rolin e rëndësishëm të Policisë së Shtetit Shqiptar në ndërtimin e shtetit të së drejtës, i cili është qëllimi i anëtarësimit në BE. Ai u shpreh që urat e konsoliduara të partneritetit ndërmjet policisë shqiptare dhe policisë gjermane janë ndërtuar me kontribut reciprok dhe duke patur prioritet luftën e përbashkët kundër krimit. Ambasadori garantoi se bashkëpunimi me Policinë e Shtetit do të vijojë të jetë konkret dhe direkt nëpërmjet donacioneve, trajnimeve, skuadrave të përbashkëta hetimore, shkëmbimit të metodave dhe praktikave, si dhe nëpërmjet operacioneve me impakt ndërshtetëror.

The post Policia Federale Gjermane dhe Zyra Federale Kriminale Gjermane (BKA), donacion me vlerë rreth 345 000 euro për Policinë e Shtetit appeared first on Policia e Shtetit.