POLICIA E SHTETIT

Ministria e Brendshme 

 Policia e Shtetit

 email: policiaeshtetit@mrp.gov.al

Adresa: Bulevardi Bajram Curri, Tiranë-Shqipëri   

Nga Drejtori i Përgjithshëm i Policisë së Kosovës Z.Sheremet AHMETI

REPUBLIKA E KOSOVËS

MINISTRIA E PUNËVE TË BRENDËSHME

Drejtoria e  Përgjithëshme e Policisë

Mesazh  Ngushëllimi

Prishtinë 08 Gusht 2009

     I Nderuar Drejtor i Përgjithshëm i Policisë së Republikës së Shqipërisë.

                                     Z. Ahmet Prençi,

         Me hidhërim të thellë mësova lajmin për humbjen e jetës së katër zyrtarëve policorë: Fatos Xhanit, Sajmir Duçkallarit,  Altin Dizdarit dhe  Kastriot Feskës,  të cicët ishin në krye të detyrës.  Ky lajm tragjik tronditi të gjithë pjestarët e Policisë së Kosovës.

         Ngjarja që ndodhi dje është shumë  e rëndë jo vetëm për ju, qytetin e Durrësit apo Shqipërinë por edhe për të gjithë ne.  Shteti shqiptar ka humbur katër policë,  djem të rinj që punonin me besim për shtetin në mbrojtje të rendit dhe  ligjit.

        Rënia e tyre me nder në krye të detyrës,  në mbrojtje të jetës,  sigurisë dhe rendit të qytetarëve shqiptarë,  është një humbje e madhe jo vetëm për familjarët e tyre por  për të gjithë Policinë e Shtetit.

        Duke u përulut me nderim të thellë përpara veprave të tyre,  Unë në emër të gjithë pjesëmarrësve të Policisë së Kosovës dhe në emrin tim personal i shpreh ngushëllimet më të sinqerta të gjithë efektivëve të Policisë së Shtetit Shqiptar.

    Sinqerisht

    Sheremet  Ahmeti

    Drejtor i Përgjithshëm

    Policia e Kosovës