	POLICIA E SHTETIT
		Historia
		Struktura
		Drejtuesit
		Kontakte

Policia e Shtetit

email: policiaeshtetit@mrp.gov.al

Adresa: Bulevardi Bajram Curri, Tiranë-Shqipëri

Këshilla për drejtuesit e automjeteve për një udhëtim sa më të sigurtë

Të jetosh rrugën nën shenjën e sigurisë.

Siguria në rradhë të parë është në trurin tonë, ajo është tipar i kulturës së njeriut.
Policia e Shtetit duke i rekomanduar drejtuesve të automjeteve të tregojnë kujdesin maksimal gjatë udhëtimit të tyre, i fton ato që të respektojnë me rigorozitet disa rregulla thelbësore për qarkullimin rrugor, me qëllim parandalimin e aksidenteve dhe rritjen e sigurisë në rrugë.

Evitoni përdorimin e pijeve alkolike para dhe gjatë udhëtimit. Alkoli dhe droga përbëjnë arratisje nga realiteti dhe jeta.

Neni 184 “Drejtim i mjetit nën ndikimin e alkolit”
Sanksioni me gjobë: 2.500-10.000 lekë
Sanksioni plotësues: Pezullim leje drejtimi deri në 1 vit
Neni 185 “Drejtim i mjetit nën ndikimin e lëndëve narkotike”
Sanksioni me gjobë: 2.500-10.000 lekë
Sanksioni plotësues: Pezullim leje drejimi deri në 1 vit
dhe 2 vjet per rastet perseritese.

Shpejtësia nuk është mit. Respektoni kufinjtë e lejuar të shpejtësisë dhe modifikoni shpejtësinë në funksion të rrugës, trafikut, kushteve atmosferike dhe shikueshmërisë në rrugë.

Neni 139 “Shpejtësia”

Sanksioni me gjobë: 500-2.000 lekë, 10.000-40.000 lekë

Neni 140 “Kufizimet e shpejtësisë”

Sanksioni me gjobë: 500-2.000 lekë, 2.500-10.000 lekë

Sanksioni plotësues: Pezullim leje drejtimi 1-3 muaj

Aksidentet nuk bien vetëm mbi të tjerët, por edhe mbi ju! Sigurohu: Mos filloni lëvizjen pa vendosur rripin e sigurimit. Përdorimi i tij shmang pasojat në rast aksidenti.

Neni 170 “Përdorimi i rripit të sigurimit”

Sanksioni me gjobë: 250-1.000 lekë

Përdorni gjithmonë kaskën mbrojtëse gjatë drejtimit të mjeteve me dy rrota.

Neni 169 “Përdorimi i kaskos mbrojtese... mjetet me dy rrota”

Sanksioni me gjobë: 250-1.000 lekë

Zbatoni rregullat për sinjalizimin pamor, mos e verboni kurrë me drita atë që parakalon apo që vjen përballë jush.

Neni 150, 151 “Sinjalizimi pamor dhe ndriçimi i mjeteve”

Sanksioni me gjobë: 500-2.000 lekë

Tregoni kujdes maksimal gjatë kryerjes së parakalimeve të mjeteve.

Neni 146 “Parakalimi”

Sanksioni me gjobë: 500-2.000 lekë

Neni 148 “Këmbimi i mjeteve në kalimet e zëna me pengesa ose në rrugët malore”

Sanksioni me gjobë: 2.500-10.000 lekë

Respektoni distancën e sigurisë mes mjeteve, për të shmangur goditjen.

Neni 147 “Largesia e sigurisë ndërmjet mjeteve”

Sanksioni me gjobë: 500-2.000 lekë, 5.000-20.000 lekë

Sanksioni plotësues: Pezullim leje drejtimi nga 1-2 vjet

Kufizoni përdorimin e telefonit celular dhe gjithmonë përdorni kufjet.

Neni 171 “Përdorimi i aparateve gjatë drejtimit të automjeteve”

Sanksioni me gjobë: 250-1.000 lekë

Mos shfrytëzo lëvizjen e mjeteve gjatë ekskortimeve nga policia.

Respekto mjetet e policisë gjatë shërbimeve të eskortimit, duke hapur krahun, ulur shpejtësinë deri në ndalim të plotë.

Neni 175 “Qarkullimi i mjeteve te policisë, zjarrfikës, urgjencës mjeksore” etj.

Sanksioni me gjobë: 10.000-40.000 lekë.

Sanksioni plotësues: Pezullim leje drejtimi 1-2 vjet.

Para çdo udhëtimi sigurohuni që keni gjithë dokumentacionin e duhur ligjor për qarkullim.

Neni 178 “Dokumentacioni i nevojshëm për qarkullim”

Sanksioni me gjobë: 250-1.000 lekë, 2.500-10.000 lekë
Sanksioni plotësues: Ndalim administrativ mjeti

Kujtohuni gjithmonë që:

Për të drejtuar mjetin duhet të jesh në një formë të plotë. Nëse je i lodhur gabon pa e kuptuar. Ji tolerant ndaj gabimeve të dikojet dhe respekto këmbësorët, biçiklistët dhe motorçiklistët.
Kontrolloni nga ana teknike automjetin (presionin dhe gjendjen e pneumatikëve, nivelin e vajit në motorr, alkolin e frenave, ujin në radiator).
Bëni ndalime të shpeshta në rast distancash të largëta deri në 15 minuta.
Duhet të pushoni mjaftueshëm para udhëtimit dhe të evitoni ushqimet e rënda.
Mos e tërhiqni vëmendjen gjatë udhëtimit nga radioja, cigaret apo pasagjerët.

Zbatoni me rigorozitet kërkesat e shërbimeve të policisë gjatë kontrollit të mjetit:

Nxirre mjetin plotësisht jashtë karrexhatës.
Në asnjë rast mos lëvizni nga mjeti, fikeni atë, qëndroni me duart mbi timon dhe zbatoni urdhërat ose kërkesat e patrullës.
Kundërshtimi ndaj punonjësit të policisë, ndëshkohet administrativisht.
Neni 190 parashikon sanksionin me gjobë 1.000-4.000 lekë dhe pezullim leje drejtimi deri ne 6 muaj.

Në rast aksidenti rrugor me pasoja:

Jep ndihmën e parë, pasi përveç se është e detyrueshme ligjërisht është edhe një detyrë qytetare. Telefono në numrin 129 dhe prit mbërritjen e mjeteve ndihmëse.
Në qoftë se largohesh nga vendi i ngjarjes, rrezikon ndalimin e menjëhershëm, përveç heqjes së lejes së drejtimit.

Neni 187 “Mënyra e veprimit në rast aksidenti”

Sanksioni me gjobë: 1.000-4.000 lekë, 5.000-20.000 lekë
Sanksioni plotësues: Pezullim leje drejtimi 6 muaj, Pezullim leje drejtimi deri në 1 vit

Për ta “jetuar” rrugën deri në fund mbaj parasysh faktin se: Të aksidentosh në rrugë është tragjedi. Mbetet një boshllëk i palotësuar, një dhimbje e pafund dhe keqardhje se mjaftonte vetëm pak për ta mënjëanuar aksidentin.

Qytetarë!

Mos jini indiferentë ndaj shkeljes së rregullave të qarkullimit, jepni kontributin Tuaj në rritjen e sigurisë rrugore dhe mbrojtjen e jetës.
Informoni për të gjitha mjetet dhe targat që kryejnë kundravajtje
Në rast nevoje apo për të dhënë informacion mund të kontaktoni me Policinë përmes numrit 129.
Telefonata në këtë numër është falas dhe mund të kryhet nga çdo lloj aparati telefonik.
Në rast përfshirje në aksident ju lutemi jepni informacion për :
Emrin dhe numrin tuaj të telefonit.
Vendin ku ka ndodhur ngjarja dhe nevoitet ndërhyrja.
Motivin e kërkesës së bërë, duke përcaktuar pse është e nevojshme ndërhyrja.

Kujdes!

Zhvendosni automjetin në vendin e ndalimit të lejuar dhe telefononi.
Neni 155 “Ndalimi, qendrimi dhe pushimi i mjeteve”
Sanksioni me gjobë: 500-2.000 lekë
Neni 156 “Ndalimi i qendimit dhe pushimit të mjeteve”
Sanksioni me gjobë: 500-2.000 lekë

Asbestos Attorney
Numri i vizitorëve nga 22shkurti 2007