POLICIA E SHTETIT

Ministria e Brendshme 

 Policia e Shtetit

 email: policiaeshtetit@mrp.gov.al

Adresa: Bulevardi Bajram Curri, Tiranë-Shqipëri   

  Tiranë, më 30.07.2010

Njoftim për shtyp

 Finalizohet me sukses operacioni policor “Liqeni i pastër”

Nga Departamenti Kundër Krimit të Organizuar dhe Krimeve të Rënda në Drejtorinë e Përgjithshme të Policisë së Shtetit, në bashkëpunim me strukturat e Drejtorisë së policisë së Qarkut Korçë, dje më datë, 29.07.2010, rreth orës 20.30, u finalizua me sukses operacioni “Liqeni i pastër”, në kuadër të të cilit u bë i mundur arrestimi në flagrance i shtetasve:
1- Meardi Arben Berberi, 24 vjeç lindur dhe banues në Pogradec i pa dënuar më parë.
2- Aleks Avni Hamzallari 27 vjeç lindur dhe banues ne Pogradec i dënuar me parë për "Vrasje e mbetur ne tentative".
Këta shtetas akuzohen se në bashkëpunim me njëri-tjetrin kanë kryer veprën penale të "Shtrëngimit me anë të kanosjes ose dhunës për dhënien e pasurisë", parashikuar nga neni 109/b dhe 25 i Kodit Penal.

Veprimet hetimore ndaj këtyre shtetasve kanë nisur pas kallëzimit penal të bërë nga ana e një shtetasi me inicialet GJ.L, banues në qytetin e Pogradecit, të cilit këta shtetas i kishin kërkuar një shumë prej 4000 eurosh duke e kanosur me jetë atë.

Ne cilësinë e provës materiale këtyre dy shtetasve u janë sekuestruar:

-200-mijë lekë të reja , te cilat ja kishin marrë shtetasit Gj.L.,

-një automjet tip Benz me targa OH 112 F,

-dy celularë dhe një diktofon.

Këto sende janë përdorur nga autorët gjatë kryerjes së veprës penale.

Nga strukturat e Policisë së Shtetit po punohet edhe për dokumentimin e veprimeve të tjera të këtij lloji ndaj subjekteve juridike e fizike (biznesmenë), për të cilat dyshohet se janë autorë këta persona.

 

Materialet procedurale në ngarkim të këtyre dy shtetasve i kanë kaluar për hetime te mëtejshme Prokurorisë së Krimeve të Rënda për veprën penale “Shtrëngim me anë të Kanosjes ose dhunës për dhënie pasurie në bashkëpunim”.

----------------------------------------------------------------------------

Ndërkohë, po ditën e djeshme, më datë 29.07.2010 nga Drejtoria kundër Krimit Financiar në bashkëpunim me strukturat e Drejtorisë së Policisë së Qarkut Fier dhe  Njësinë Taks-Force në Prokurorinë e Rrethit Gjyqësor Fier, u finalizua me sukses operacioni i koduar "SHKODRANI", ku u bë i mundur arrestimi ne flagrance i shtetasve:

1- Tushe Qalliu, 49 vjeç, banuese ne Mallakastër, me profesion Mjeke, me funksion Anëtare e Komisionit te Paaftësisë për Pune, e padënuar më parë.

2- Leon Shpataraku, 46 vjeç, banues ne Fier, me profesion Mjek-Kirurg, me funksion Anëtar i Komisionit të Paaftësisë për Punë, i padënuar më parë.

-si dhe është shpallur në kërkim shtetasi

- Stavri Furrxhiu, 66 vjeç, banues ne Fier, me profesion Mjek-Neuropsikiatër, me funksion Kryetar i Komisionit të Paaftësisë për Punë.

Këta shtetas akuzohen për veprën penale "Korrupsion pasiv nga persona që ushtrojnë funksione publike", parashikuar nga neni 259 i Kodit Penal.

Finalizimi i ketij operacioni u be si rezultat i nje hetimi disa mujor, në fokus të të cilit  ishte Komisioni i Trajtimit të Aftësive për Punë pranë Drejtorisë së Sigurimeve Shoqërore Qarku Fier.

Te tre këta shtetas në periudha kohore të ndryshme në bashkëpunim me njëri-tjetrin, duke shfrytëzuar funksionin e tyre, kanë përvetësuar shuma të ndryshme monetare në favor të dhënies së të drejtës për t’u trajtuar si të paaftë për punë nga Drejtoria e Sigurimeve Shoqërore. 

Materialet procedurale në ngarkim të tyre i kaluan Prokurorisë së Rrethit Gjyqësor Fier për veprime të mëtejshme.

Drejtoria e Përgjithshme e Policisë së Shtetit