POLICIA E SHTETIT

Ministria e Brendshme 

 Policia e Shtetit

 email: policiaeshtetit@mrp.gov.al

Adresa: Bulevardi Bajram Curri, Tiranë-Shqipëri   

Njoftim për shtyp

Tiranë, më 28.06.2009

 Deklaratë e Policisë së shtetit  ora 11 ⁰⁰

Nga ana e Policisë së Shtetit janë marrë në ruajtje KZAZ dhe Qëndrat e Votimit që prej orës 20⁰⁰ të datës 27.06,2009. Gjatë natës shërbimet kanë vazhduar normalisht pa pasur asnjë problem.

Rreth orës 06 ⁰⁰ të datës 28.06.2009 , ka filluar dorëzimi i këtyre qëndrave nga ana e policisë tek Komisionet e qëndrave të votimit.

Dorëzimi ka përfunduar rreth orës 08⁰⁰, pothuajse në të gjitha qarqet pa asnjë problem dhe punonjësit e policisë janë tërhequr për në vendet e dislokimit.

Duhet theksuar se në orët e para të ditës së sotme, është konstatuar një ngjarje në qytetin e Durrësit, ngjarje e cila nuk ka lidhje me procesin zgjedhor.  Nga të dhënat e para hetimore ditën e sotme, rreth orës 07⁴⁵ në vendin e quajtur “Sheshi Pranvera “ Durrës,  pas një grindje për motive të dobëta, në vendin e nisjes së furgonave  është goditur me thikë në pjesën e kraharorit shtetasi Dritan Neza, 35 vjec, shofer furgoni. Si pasojë e plagës të marrë shtetasi Dritan Neza ka gjetur vdjekjen në spitalin rajonal të qytetit të Durrësit, disa minuta nga ngjarja e ndodhur. Nga ana e policisë është identifikuar autori dhe po punohet për kapjen e tij.

Gjatë ditës së sotme do të kemi komunikime të vazhdueshme në lidhje me sigurinë e procesit zgjedhor nga ana e policisë.
 

Drejtoria e Pergjithshme e Policise se Shtetit