POLICIA E SHTETIT

Ministria e Brendshme 

 Policia e Shtetit

 email: policiaeshtetit@mrp.gov.al

Adresa: Bulevardi Bajram Curri, Tiranë-Shqipëri   

Njoftim për shtyp

Tiranë,  25.06.2009

Deklaratë për shtyp

e Drejtorit të Policisë së Qarkut Tiranë, Drejtues i Parë Tonin Vocaj

 

Në lidhje me tubimin përmbyllës të fushatës elektorale të organizuar nga Partia Socialiste e Shqipërisë me datë 26.06.2009, Sqarojmë Opinionin publik si më poshtë:

Partia Socialiste e Shqipërisë, në njoftimin e saj, të datës 17.06.2009, ka njoftuar Drejtorinë e Policisë Qarkut Tiranë për organizimin e një tubimi në Bulevardin “Dëshmorët e Kombit” në orën 18.⁰⁰, si dhe gjithashtu ka njoftuar se në orën 14.⁰⁰ të datës 26.06.2009, Partia Socialiste fillon instalimin e strukturave të nevojshme për mbajtjen e mitingut.

Nisur nga njoftimi i kësaj date dhe me qene se ne këtë njoftim nuk saktësohej vendi i vendosjes se tribunës, me date 24.06.2009, Drejtori i Policisë Qarkut Tirane ka kërkuar takim me kryetarin e Partisë Socialiste për Tiranen, Zotin Besnik Bare, te cilit i është kerkuar saktesimi me shkrim i vendit te vendosjes se tribunës.

Gjithashtu i është sugjeruar qe për shkak edhe te mitingut përmbyllës qe do te zhvilloje Partia Demokratike ne sheshin “Skënderbej”, mitingu i Partisë Socialiste te zhvillohej ne Bulevardin “Deshmoret e Kombit”, pas kryqëzimit te këtij bulevardi me rrugën Ismail Qemali, me qëllim formimin e një distance te domosdoshme për policinë qe te beje te mundur menaxhimin e te dy mitingjeve.

Me datë 25.06.2006, Paria Socialiste nëpërmjet një njoftimi ka sqaruar se vendi i vendosjes së tribunës është para godinës se Kryeministrisë.

Nisur nga sa më sipër dhe në përputhje me nenin 8 te ligjit Nr 8773, date 23.04.2001 “Për Tubimet”, duke vlerësuar :

-         Faktin se tubimi i parashikuar nga ana Partisë Socialiste ka një shtrirje nga godina e Kryeministrisë e deri ne afërsi te Galerisë se Arteve Figurative;

-         Faktin se pothuajse ne te njëjtin orar zhvillohet edhe një tubim tjetër i organizuar nga Partia Demokratike e Shqipërisë, ne sheshin “Skënderbej”;

-         Mundësinë e pjesëmarrjes se një numri te konsiderueshëm te simpatizantëve të të dy subjekteve politike, ne tubimet respektive;

-         Rrezikun e cenimeve te renda te rendit publik si rezultat i afërsisë se vendeve te zhvillimit te tubimeve;

-         Pamundësinë e policisë për menaxhimin e bllokimin e turmave te përmasave te mëdha;

-         Domosdoshmërinë e zhvillimit normal te këtyre dy tubimeve përmbyllëse te fushatës elektorale, për zgjedhjet e 28 Qershorit;

Vendosa:
Të ndaloj zhvillimin e tubimit në vendin e kërkuar nga ana e Partisë Socialiste me shkresat e datës 17.06.2009 dhe 25.06.2009.

Të lejoj dhe garantoj zhvillimin normal të tubimit të kërkuar nga ana e partisë Socialiste, në sheshin “Nënë Tereza” dhe në bulevardin “Dëshmorët e Kombit” deri tek kryqëzimi i këtij bulevardi me rrugën “Ismail Qemali”, në të njëtën orë dhe datë, të kërkuar.

Bashkelidhur  Kerkesa e Partise Socialiste
 

Drejtoria e Policisë së Qarkut Tiranë