POLICIA E SHTETIT

Ministria e Brendshme 

 Policia e Shtetit

 email: policiaeshtetit@mrp.gov.al

Adresa: Bulevardi Bajram Curri, Tiranë-Shqipëri   

Njoftim për shtyp

Tiranë, me27.05 .2009

Shkolla e Policisë,  përfundon faza e fundit : intervista me gojë

Renditja përfundimtare e aplikantëve për Shkollën e  Policisë, pas intervistimit  me gojë

Kanë përfunduar sot, me datë 27.08.2009, fazat e konkurrimit për kandidatët që kanë aplikuar për të ndjekur studimet në Shkollën Bazë të Policisë, për Patrullë të Përgjithshme.

 Fazës së parë të konkurrimit, testimit me shkrim, iu nënshtruan 776 konkurrentë dhe bazuar në pikët e grumbulluara u kualifikuan fitues 292 prej tyre.

 Pas kësaj faze, u zhvillua testimi fizik i kandidatëve, ku pas përfundimit të tij u skualifikuan 58 nga 289 kandidatët që morën pjesë në këtë testim.

 Ndërkohë nga data 25-27 maj u zhvillua dhe faza e tretë e konkurrimit, intervista me gojë. Nga Komisioni i intervistimit gjatë këtij procesi u intervistuan 231 kandidatët e paraqitur.

Qëllimi i intervistës me gojë është vlerësimi i aftësive të kandidatit për të analizuar, komunikuar, marrë vendime dhe për të reaguar në mënyrën e duhur, si dhe vlerësimi i përshtatshmërisë së kandidatit për t’u bërë punonjës policie.

 Bazuar në pikët e grumbulluara gjatë testimit me shkrim dhe gjatë intervistës me gojë është bërë dhe klasifikimi përfundimtar i pjesëmarrësve në këtë proces konkurrimi.

 Pas këtyre fazave të konkurrimit aplikantët do t’i nënshtrohen procesit të kontrollit mjekësor pranë Qendrës së Profilaksisë së Drejtorisë së Përgjithshme të Policisë së Shtetit në Tiranë, e cila ndodhet në Qendrën e Formimit Policor. Për datat e kryerjes së kontrollit mjekësor kandidatët do të njoftohen nga strukturat e Personelit. 

Pas kontrollit mjekësor kandidatët do t’i nënshtrohen procesit të marrjes së gjurmëve të gishtave, si dhe procesit të verifikimit të aplikantit.

 Bashkëlidhur do të gjeni kopje të listës së renditjes përfundimtare të kandidatëve që kanë aplikuar për të ndjekur studimet për Shkollën Bazë të Policisë.

 Kujtojmë dhe një herë të gjithë të interesuarit se procesi i aplikimeve për të ndjekur studimet pranë shkollës së policisë është i hapur gjatë gjithë vitit.

 Të gjithë aplikantët për çdo paqartësi që mund të kenë lidhur me këtë proces mund të drejtohen pranë Zyrave të Personelit në Drejtoritë e Policisë në Qarqe ose pranë Sektorit të Pranimit në Drejtorinë e Përgjithshme të Policisë së Shtetit. Po ashtu mund t’i parashtrojnë pyetjet apo shqetësimet e tyre dhe me e-mail në adresën shkollaepolicise@mrp.gov.al.

 Çdo material i nevojshëm për procesin e aplikimit, si dhe për fazat e përzgjedhjes së kandidatëve do të publikohet dhe në faqen e internetit të Policisë së Shtetit ëëë.asp.gov.al.

Drejtoria e Pergjithshme e Policise se Shtetit