POLICIA E SHTETIT

Ministria e Brendshme 

 Policia e Shtetit

 email: policiaeshtetit@mrp.gov.al

Adresa: Bulevardi Bajram Curri, Tiranë-Shqipëri   

Njoftim për shtyp

Tiranë, me 18.05.2009

Shkolla e Policisë, Shpallen fituesit e testimit me shkrim

për qarqet Elbasan dhe Korçë  

 Lista e fituesve te testimit me shkrim për këto rrethe

Në ambjentet e Universitetit “Aleksandër Xhuvani” në Elbasan, ditën e sotme datë 18.05.2009,  u zhvillua testimi me shkrim i  kandidatëve nga qarqet Elbasan dhe Korçë, që kanë aplikuar për të ndjekur studimet në Shkollën Bazë të Policisë për “Patrullë të Përgjithshme”.

Këtij testimi ju nënshtruan 100 aplikantë nga këto qarqe dhe në përfundim të konkurrimit të ditës së sotme u shpallën fitues të testimit me shkrim 41 aplikantë, të cilët arritën të grumbullonin mbi 60 pikë. Korrigjimi i testimit u realizua me skaner dhe kandidatët u njohën me rezultatin brenda ditës.

Kandidatët e shpallur fitues të testimit me shkrim do t’i nënshtrohen fazave të mëtejshme të konkurrimit.

Aplikantët që rezultuan fitues të testimit me shkrim të zhvilluar sot, do t’i nënshtrohen testimit fizik me datën 19.05.2009, në orën 08.00’ në Stadiumin e qytetit të Elbasanit. Aplikantët duhet të paraqiten ditën dhe orën e përcaktuar për testimin fizik të veshur me uniformë sportive.

Të gjithë aplikantët për çdo paqartësi që mund të kenë lidhur me këtë proces mund të drejtohen pranë Zyrave të Personelit në Drejtoritë e Policisë në Qarqe ose pranë Sektorit të Pranimit në Drejtorinë e Përgjithshme të Policisë së Shtetit. Po ashtu mund t’i parashtrojnë pyetjet apo shqetësimet e tyre dhe me e-mail në adresën shkollaepolicise@mrp.gov.al.

Për gjithë të interesuarit bëjmë me dije se procesi i aplikimeve për të ndjekur studimet pranë Shkollës së Policisë është i hapur gjatë gjithë vitit.

Drejtoria e Pergjithshme e Policise se Shtetit