POLICIA E SHTETIT

Ministria e Brendshme 

 Policia e Shtetit

 email: policiaeshtetit@mrp.gov.al

Adresa: Bulevardi Bajram Curri, Tiranë-Shqipëri   

 Dhjetor 2008

Mbi punën e bërë  nga drejtoria e policisë qarkut shkodër për parandalimin, zbulimin,

goditjen  e  veprimtarisë kriminale  dhe  ruajtjen e rendit e sigurisë publike,

gjatë  vitit  2008

Gjatë vitit 2008 efektivi i Drejtorisë Policise Qarkut Shkodër, në zbatim të detyrave institucionale dhe atributeve qe i ngarkon ligji “Per Policine e Shtetit”, te Urdherave e Udhezime te Ministrit te Brendshem si dhe te Leter-Porosive te Drejtorit te Pergjithshem te Policise Shtetit me ndjenje te larte pergjegjesie ka perballuar me sukses detyren  ne luften kunder kriminalitetit dhe garantimin e rendit e te sigurise publike ne te gjithe territorin e Qarkut Shkodër.

Qe ne fillim te ketij viti stafi drejtues i Drejtorise dhe Komisariateve te Policise, analizuan situaten konkrete te rendit dhe te sigurise publike dhe gjendjen e kriminalitetit ne shkalle Qarku dhe mbi kete baze percaktuan objektivat, perparesite dhe drejtimet kryesore te punes te cilat jane zberthyer e konkretizuar ne planet vjetore e periodike mbi baze Drejtorie, Komisariatesh e Sektoresh.

Bashkëpunimi me organin e Prokurorise, Gjykates dhe SH.I.SH-it, ka qene efektiv dhe frutdhenes, gje qe eshte pasqyruar ne rezultatet pozitive te arritura ne veprimtarine e perbashket te zhvilluar ne drejtim te dokumentimit ligjore, kapjes dhe arrestimit te autoreve te veprave penale.

Mjaft mirë ka funksionuar edhe bashkepunimi me organet e pushtetit vendor me te gjitha nivelet  dhe me komunitetin. Eshte rritur më tej besimi i publikut tek Policia e Shtetit gjë që tregohet me rritjen e pjesemarrjes se publikut ne dhënien e informacioneve për ngjarje dhe autor të veprave penale.

Vëmëndje e veçantë i është kushtuar mardhënieve me Mediat, me qëllim rritjen e transparencës së veprimtarisë së Organeve të Policisë ndaj komunitetit dhe informimin e publikut me rezultatet dhe arritjet e Drejtorisë së Policisë Qarkut.

Mjaft efektiv ka qenë bashkëpunimi me Drejtorinë Rajonale të Kufirit dhe Migracionit gjë e cila është reflektuar në rezultatet konkrete të arritura në drejtim të parandalimit dhe godittjes së veprimtarisë kriminale që realizohet nëpërmjet kufirit siç janë trafiqet e kundraligjëshme të qënieve njerzore, mjeteve motorike, drogës, kontrabandës së mallrave, etj.

Lufta ndaj krimit të organizuar si prioritet i programit të Qeverisë është trajtuar me përparësi gjatë gjithë veprimtarisë së efektivave të Policise në procesin e punës për zbulimin, parandalimin dhe goditjen e kriminalitetit.  Serioziteti i treguar në këtë drejtim është pasqyruar në rezultatet e arritura dhe goditjet e realizuara në të gjitha drejtimet që paraqitet kjo veprimtari kriminale.

Treguesit e Drejtorise Policise Qarkut Shkodër për vitin 2008 :

Situata kriminale :

Ne Shkallë Qarku jane evidentuar 759 vepra penale, zbuluar 663, në masën 87,3% me 864 autore, prej te cileve 228 jane arrestuar e ndaluar, 584 jane ndjekur ne gjendje te lire , 51 janë shpallur ne kerkim dhe 1 autor i vdekur.

Krahasuar me të njëjtën periudhë të vitit të kaluar ku jane evidencuar 570 vepra penale, zbuluar 478, ose në masën 83,8% me 615 autore, prej te cileve 254 jane arrestuar e ndaluar, 279 jane ndjekur ne gjendje te lire dhe 158 shpallur ne kerkim, kemi një rritje me 189 vepra penale, por dhe rritje të lehtë të forcës zbuluese në masën 3,5%. Po kështu kemi rritje edhe të numrit të autorëve të veprave penale me 249 përsona më shumë.

Ndër përparësitë e punës së policisë të përcaktuara që në fillim të vitit kanë qënë rritja e efektivitet të punës për zbulimin e ngjarjeve të vjetra dhe rritja e sigurisë në rrugë për parandalimin e aksidenteve të cilat kanë qënë shqetësuese vitin e kaluar.

Theksojmë se gjatë këtij viti janë zbuluar 33 ngjarje të mbartura nga vitet e kaluara, ndër të cilat 8 vrasje, 2 vrasje mbetur në tentativë dhe 3 vjedhje me armë e dhunë dhe 9 vepra penale në fushën financiare.

Po kështu ka patur rënie prej rreth 20 % të numrit të aksidenteve automobilistike, nga 101 të evidentuara në vitin 2007 në 81 këtë vit.

Ulje të ndjeshme prej 45 % ka pësuar edhe numri i viktimave në aksidentet rrugore, nga 40 në vitin 2007 në 22 këtë vit.

Mjaft e mirë është punuar për identifikimin e parcelave të mbjedha me bimë narkotike, ku gjatë operacioneve të organizuara deri në zonat tepër të thella malore është bërë e mundur asgjësimi i 86 603 rrënjëve bimë narkotike canabis sativa. Krahasuar me vitin 2007 ku janë asgjësuar 16 800 rrënjë, këtë vit janë asgjasuar 5 herë më shumë.

Një vënd të rëndësishëm në dinamikën e Drejtorisë Policisë Qarkut ka zene organizimi dhe drejtimi i te gjitha sherbimeve te policise per kapjen e personave ne kerkim si persona potencialishte te rrezikshem per rendin dhe komunitetin. Si rezultat gjatë këtij viti është bërë e mundur gjetja dhe kapja e 148 përsonave të shpallur në kërkim.

Ndarë sipas tendencave kriminaliteti në shkallë Qarku paraqitet si më poshtë :

1. Krime kunder personit : Evidentuar 170  vepra penale,  zbuluar 163 ,  ose 95.2 % , me 171 autorë, arrestuar e ndaluar 40, shpallur në kërkim 29, në gjendje të lirë 101, ndërsa 1 autor vdekur. Krahasuar me vitin 2007 ku janë evidentuar 194 vepra penale,  zbuluar 191  ose  98,4 %, ka një rënie me 24 vepra penale më pak.

2.Krime kunder pasurise : Evidentuar 192 vepra penale,zbuluar 133, ose  68.2 %, me 162 autorë, arrestuar e ndaluar 81, ndiqen në gjendje te lirë 68, ndërsa 13 autorë janë shpallur në kërkim.  Krahasuar me vitin 2007 ku janë evidentuar 135 vepra penale, zbuluar 90, ose 66,6 %. Këtë vit janë evidentuar më shumë vepra penale, por është rritur fuqia zbuluese në masën 2 %. ka një rritje me 57 vepra penale më shumë.

3.  Krime te tjera : Evidencuar 113, zbuluar 108, ose 95.6 %., me 97 autorë, arrestuar e ndaluar 32, ndiqen në gjendje të lirë 63 dhe 2 autorë shpallur në kërkim.

4. Armëmbajtje pa leje : Evidencuar 49, zbuluar 48, me 51 autorë, arrestuar e ndaluar 36, ndiqen në gjendje të lirë 12 autorë, shpallur në kërkim 3.

5. Krime financiare : evidentuar 176, jane zbuluar 165, në masën 93,7 %, me  262 autore, ku prej tyre jane arrestuar e ndaluar ne flagrance 16, jane derguar ne gjendje te lire prokurorise 245 autore dhe  shpallur ne kerkim 1.  Krahasuar me vitin 2007 ku janë evidentuar 118 vepra penale dhe jane zbuluar 90, ose në masën 76,2 %. Ka patur rritje të veprave penale si dhe rritje të forcës zbuluese në masën 17 %.

6. Krime ne fushen e trafiqeve te paligjshme: evidencuar 23, zbuluar 20, në masën 87%, me 31 autore, prej te cileve 7 arrestuar ne flagrance dhe 24 ndiqen ne gjendje te lire. Krahasuar me vitin 2007 ku janë evidentuar 16 vepra penale, zbuluar 16, këtë vit janë evidentuar 7 vepra penale më shumë.

7. Krime ne fushen e narkotikëve : Evidencuar 36, zbuluar 26, në masën 72,2 %,me 31 autor, prej te cileve 14 te arrestuar ne flagrance, 14 ndiqen ne gjendje te lire dhe 3 autorë shpallur në kerkim.  Krahasuar me vitin 2007 ku janë evidentuar 30, zbuluar 17. Ka rritje të ndjeshme të numrit të veprave penale në 6 vepra penale më shumë.

Gjatë këtij viti në Qarkun e Shkodrës janë evidencuar 20 vrasje, prej të cilave 17 janë zbuluar e dokumentuar nga ana ligjore, me 20 autorë. Duhet vlerësuar fakti që nga 20 autorë të veprave penale për 17 prej tyre është bërë e mundur kapja dhe arrestimi, menjëherë ose disa ditë pas kryerjes së krimit.

Theksojmë se edhe për vrasjet e mbetura pa u zbuluar, nga ana e fektivave të Policisë është bërë një punë e madhe hetimore dhe janë kryer një sërë veprimesh proceduriale për dokumentimin ligjorë të ngjarjeve, punë e cila vazhdon me intensitet. Nga vrasjet e evidentuara 3 prej tyre kanë qenë për motiv gjakmarrje.

Seksioni i Antikorrupsionit

Ne kuader te luftes kunder korrupsionit, nga ana jone eshte treguar vendoshmeri dhe impenjim serioz ne evidentimin dhe zbulimin aferave korruptive ne institucionet shteterore, duke bere keshtu te mundur, qe  nga Seksioni i Antikorrupsionit te  referohen ne Prokurori për marrje në përgjegjësi penale mjaft zyrtarë dhe persona që kryejnë funksione publike ku nga këta :  një Kryetar Bashkie, 8 Kryetarë Komunash, një anëtari Këshillit të Qarkut, një gjyqtar, një noter, 20  punonjës të hipotekës dhe kadastrës, 9 janë nënpunës të komisionit të kthimit dhe kompesimit të pronave, 2 punonjës të gjendjes civile, 1  ish punonjës policie, 2 punonjës tatimesh, një doganier, 2 punonjës të sigurimeve shoqërore, 1 punonjës i zyrës së punës, 3 ish Drejtorë të Spitalit Rajonal Shkodër, 8 punonjës të KESH-it, 9 janë punonjës të Drejtorisë së Shërbimit Pyjor, 15 përsona përfaqësues të këshillave të Komunave dhe punonjës në Komuna.

Sektori i Rendit dhe Sigurisë Publike

Efektivat e Sektorit të Rendit në Drejtori e Komisariate janë karakterizuar nga një mobilizim e përkushtim maksimal në realizimin e detyrave të planifikuara, në përballimin e situatave të krijuara nga ngjarje të ndryshme kriminale si dhe gjatë sigurimit të rendit e të qetësisë dhe në realizimin e misionit që ka Policia e Shtetit.

Vlen per tu theksuar, se ky Sektor ka bashkëpunuar ngushte me organet e pushtetit vendor dhe me komunitetin, duke bere te mundur përmirësimin e vazhdueshëm te parametrave të rendit dhe sigurisë publike dhe duke krijuar tek komuniteti më shumë siguri dhe mbështetje ndaj tyre, në zgjidhjen e situatave sado të rënduara që na janë paraqitur, me qellim sigurimin në këtë mënyrë te rendit e sigurise, te kërkuar nga vete komuniteti.

Disa nga detyrat dhe treguesit e realizuara nga ky Sektor janë :

-         Jane shoqeruar ne ambjentet e policise 1744 shtetas. Jane keshilluar dhe gjobitur 238 shtetas.

-         Janë përballuar gjithsej 248 aktivitete masive, nga këto 160 veprimtari shtetërore, 254  aktivitete kulturore-sportive dhe 38  tubime e manifestime politike.

-         Janë zgjidhur në bashkëpunim me organet e pushtetit vendor 1180 konflikte për motive hasmërie, pronësie e të tjera.

Puna e bërë në pranimin dhe prodhimin e pasaportave

-         Dokumenta të pranuara 17.925, pasaporta te prodhuara 17.394. Janë përpunuar 8 aplikime të ardhura nga përfaqësite tona diplomatike apo konsullore.

-         Jane bllokuar dhe kaluar Seksionit te Luftes K.K.Ek-Financiar 3 praktika.

-         Gjate periudhes se fluksit  te muajve Korrik-Gusht i gjithe sekstori i rendit e sigurise publike eshte anagazhuar maksimalisht ne perballimin e kerkesave te shtetasve per tu paisur me pasaporte  brenda afatit  7 ditore. 

Sektori  i Qarkullimit Rrugor

Sherbimet e Policise Rrugore  gjate kesaj periudhe jane angazhuar per parandalimin, konstatimin dhe ndeshkimin e shkeljeve te rregullave te qarkullimit rrugor ne veçanti ndaj atyre qe jane burim aksidentesh, me qellim parandalimin e tyre, rregullimin e trafikut dhe rritjen e sigurise rrugore.

Gjate vitit jane konstatuar 44.678 kundravajtje administrative me vlere te gjobave 32.442.790 leke te reja. Jane pezulluar 169  leje drejtimi si dhe jane bllokuar per shkelje te ndryshme 609 automjete.

Kane ndodhur 81  aksidente me 22  te vdekur dhe 94  te plagosur. Krahasuar me vitin 2007 rezulton se ka një rënie të aksidenteve nga 101 ne 81 dhe numri i viktimave me pasoje vdekjen eshte ulur nga 40 në 22.

Për t’iu pergjigjur më mirë  situates kriminale, për te ardhmen vëmendja do të përqëndrohet në këto  drejtime kryesore:

- Në zbatim të prioritetit të programit të Qeverisë  për tolerancë zero ndaj krimit të organizuar, do të kërkohet nga të gjithë Sektorët e Drejtorisë, përgatitja e strategjisë së punës së tyre sipas drejtimeve dhe specifikave që kanë me detyra dhe objektiva konkrete, plus dinamikës së përditshme që mund të sjellë situata kriminale, në të cilat do të përfshihen:

            a – Ngritja në një shkallë më të lartë të profesionalizmit në të gjithë punën dhe veprimtarinë e strukturave të Hetimit të Krimeve në bazë e për zbatim të Udhëzimeve të Ministrit të Brëndëshëm të dala kohët e fundit.

            b – Zbulimi e dokumentimi ligjorë i ngajrjeve të vjetra të mbartura nga vitet e kaluara,  kryesisht vrasjeve dhe krimeve të tjera të rënda.

            c – Rritja e profesionalizmit dhe organizimi i punës për kapjen e përsonave në kërkim që i fshihen organeve të drejtësisë, sidomos atyre që janë dënuar për krime të rënda, si përsona të cilët mbartin rrezik potencial për rendin dhe sigurinë publike.

            d – Organizimi i punës për rifreskimin e evidencave dhe mbajtjen nën kontroll të përsonave me precedent kriminal për të gjitha tendencat.

            f – Forcimi i bashkëpunimit me Prokurorine si per zbulimin e dokumentimin ligjore te veprave panale që mund të ndodhin në dinamikë ashtu dhe për rifillimin e hetimeve, sigurimin e provave me fuqi ligjore dhe veninen para përgjegjësisë penale të autorëvë te krimeve të mbartura nga vitet e kaluara.

- Të përcaktohen masa konkrete e realizohen veprime efektive për sensibilizimin e opinionit dhe tërheqjen e komunitetit në ndihmë të Policisë në luftën ndaj fenomeneve negative të kultivimit të bimëve narkotike si dhe dhunën në familje e ndaj të miturve.

- Për rritjen e sigurisë në rrugë dhe uljen e aksidenteve automobilistike, mbështetur në shkaqet e dala nga analizat e bërë këtij fenomeni, do të kërkohet nga Sektori i Qarkullimit të përgatitet një strategji për shërbimet e policisë rrugore me shtrirje të gjërë në gjithë Qarkun, në  bashkëpunim të ngushtë me pushtetin vendorë për përmirësimin e situtës dhe parandalimin e aksidenteve.

- Rritja e transparences së policisë nëpërmjet Medive dhe zbatimi i praktikave të policimit në komunitet  në gjithë veprimtarise e organeve te  policise me qëllim rritjen e besimit të policisë ndaj komunitetit  duke shfrytëzuar në këtë drejtim edhe eksperiencën e krijuar gjatë viteve të fundit.

Drejtoria e Policisë së Qarkut Shkodër