Ministria e Brendshme   I    Policia e Shtetit  I    email: mb@moi.gov.al     I  Adresa: Sheshi "Skënderbej" Nr.3, Tiranë    I

• Pasaporta

• Shtetesia
• Licencat

• Te huajt
• Informacione

• Historia 

• Struktura
• Statistika

• Gradat

• Ligji i Policisë së Shtetit

• Paketa Antimafia

• Strategjia kombëtare antidrogë

• Akademia e Policise - ANKARA 

(Nga studentet shqiptare) 

• Europol

• Interpol

• Policia e UNMIK 

• FBI

• Policia Italiane

• Policia franceze

• Policia gjermane

Drejtori i Përgjithshëm i Policisë së Shtetit, Drejtues Bajram Ibraj, zhvilloi një takim me Përfaqësuesin e OSBE/ODIHR-it, Përgjegjës për Sigurinë, Z. Emil Pyrich

24.02.2007

Drejtori i Përgjithshëm i Policisë së Shtetit, Drejtues Bajram Ibraj, pasditen e sotme, datë 24.02.2007, zhvilloi një takim me Përfaqësuesin e OSBE/ODIHR-it, Përgjegjës për Sigurinë, Z. Emil Pyrich.

Gjatë këtij takimi Z.Pyrich përcolli falenderimet e Shefit të Misionit të Vëzhguesve të OSBE/ODIHR-it Z. Jorgen Grunnet, për ndihmën dhe bashkëpunimin e Policisë së Shtetit për garantimin e sigurisë personale për grupet e vëzhgimit të OSBE/ODIHR-it.

Po ashtu dhe vlerësimet për reagimin e performancën e policisë në kryerjen e detyrave të tyre në lidhje me zgjedhjet.

Në shkresën zyrtare dërguar Drejtorit të Përgjithshëm të Policisë së Shtetit, Shefi i Misionit të Vëzhguesve të OSBE/ODIHR-it, Z.Grunnet, është shprehur:

"Dëshiroj të shpreh vlerësimin tim për ndihmesën tuaj dhe për bashkëpunimin e shkëlqyer të ofruar nga Policia e Shtetit në nivel qendror dhe lokal në garantimin e sigurisë personale për grupet e vëzhgimit të OSBE/ODIHR-it të vendosura në të gjithë vendin.

Ata kanë lavdëruar reagimin dhe performancën e policisë në kryerjen e detyrave të tyre në lidhje me zgjedhjet."

"Në sajë të bashkëpunimit të frutshëm dhe zbatimit të Kodit të Sjelljes dhe udhëzimeve të sigurisë nga ana e vëzhguesve tanë ne nuk kemi patur ndonjë raport për incidente të lidhura me policinë duke përfshirë vëzhguesit ndërkombëtar të EOM-it dhe stafin e tyre lokal."

Gjatë takimit të zhvilluar Drejtori i Përgjithshëm i Policisë së Shtetit, Drejtues Bajram Ibraj, vuri në dukje faktin se vlerësimi i bërë për Policinë e Shtetit është një motivim për rritjen e standarteve jo vetëm përsa i përket angazhimit të policisë në zgjedhje, por dhe në përmbushjen e misionit për garantimin e rendit e të sigurisë publike. Po ashtu Drejtues Bajram Ibraj theksoi se angazhimi i policisë do të vazhdojë të jetë me po të njëjtin intensitet deri në përfudimin e të gjithë procesit zgjedhor.

Ndërkohë Përfaqësuesi i OSBE/ODIHR-it, Përgjegjës për Sigurinë, Z. Emil Pyrich në këtë takim evidentoi bashkëpunimin e shkëlqyer jo vetëm me strukturat qendrore, por dhe në nivel lokal ku vëzhguesit e OSBE/ODIHR-it kanë qëndruar për mbi 2 muaj.

Falë këtij bashkëpuni u shpreh Z.Pyrich nuk u evidentua asnjë incident lidhur me sigurinë e vëzhguesve dhe stafit të tyre, ku në terren ishin 350 vëzhgues ndërkombëtar, 350 staf lokal dhe 150 automjete.

Gjatë fjalës së tij Z.Pyrich, theksoi se dhe në takimin e zhvilluar më Zyrën e Sigurisë të Kombeve të Bashkuara në Tiranë të gjithë të pranishmit u shprehën se zgjedhjet në Shqipëri ishin shumë të qeta dhe policia reagoi shumë mirë.

Megjithë shqetësimet paraprake mbi numrin e punonjësve të policisë dhe faktin se mund të mungonin punonjësit e policisë që do të trajtonin problemet e kriminalitetit nisur nga angazhimi zgjedhor, gjatë procesit të votimit u vu re se nuk pati rritje të kriminalitetit, përkundrazi pati ulje të tij u shpreh Përfaqësuesi i OSBE/ODIHR-it, Përgjegjës për Sigurinë.

Drejtoria e Përgjithshme e Policisë së Shtetit