Drejtoria e Përgjithshme e Policisë së Shtetit, kohët e fundit ka marrë vlerësime të shumta nga partnerët ndërkombëtarë, jo vetëm për marrjen e masave të duhura për përmbushjen e detyrave të ngarkuara me ligj për procesin zgjedhor të korrikut 2005, por dhe për bashkëpunimin shumë të mirë institucionet homologe.

Pas vlerësimit të Shefit të Misionit PAMECA, zotit Klaus Schimdt, si dhe të vlerësimit personal të Kreut të Zyrës së Prezencës së OSBE – së në Shqipëri, Ambasadorit Pavel Vacek, të tjera vlerësime kanë mbërritur në adresë së Drejtorisë së Përgjithshme të Policisë së Shtetit.

Kështu :

me datë 16.07.2005, Zëvendësministri i Brendshëm i Malit të Zi, njëherësh dhe Drejtor i Përgjithshëm i Policisë, i ka dërguar një mesazh urimi Drejtorit të Përgjithshëm të Policisë së Shtetit, Drejtues Bajram Ibraj, në të cilin shprehen «urimet më të sinqerta për bashkëpunimin e realizuar në interes të dyanshëm gjatë gjithë kësaj periudhe në përputhje me marrëveshjet e bashkëpunimit.»
Në këtë mesazh urimi shprehet ndër të tjera edhe vlerësimi për kontributin e dhënë nga Ministria e Rendit Publik të Shqipërisë dhe Ministria e Punëve të Brendshme të Malit të Zi në goditjen ndaj krimit të organizuar dhe terrorizmit, si dhe theksohet dëshira dhe vullneti për të rritur shkallën e bashkëpunimit mes të dyja vendeve në fushën policore
me datë 29 korrik 2005, Kreu i Zyrës Ndërlidhëse INTERFOZA në Tiranë, Dr. Giovanni Santoro, me anë të një Letër Përshëndetjeje shpreh vlerësimin për bashkëpunimin shumë të mirë dhe të frytshëm me Drejtorinë e Përgjithshme të Policisë së Shtetit. Ndër të tjera, citojmë:»Zoti Drejtori i Përgjithshëm, duke u larguar nga Shqipëria pas më tepër se pesë vjetësh, prej të cilave rreth katër vjet në krye të Zyrës Ndërlidhëse INTERFORZA, dëshiroj t’Ju shpreh falenderimet e mia personale për mbështetjen dhe bashkëpunimin që i keni dhënë pa kursim kësaj Zyre në të gjithë veprimtarinë e saj.
Ju përgëzoj për faktin, që nën drejtimin Tuaj, Policia Shqiptare ka bërë të mundur të përmirësohet dhe të arrijë nivelin aktual të besimit, kualifikimit profesional dhe transparencës. Hetimet e rëndësishme të koordinuara bashkarisht dëshmojnë që Policia Shqiptare ka qenë për vendin tonë një partner i besueshëm, bashkëpunues dhe ekspert.»

me datë 1 gusht 2005, Drejtori aktual i Qendrës SECI, Gjeneral Alexandru Ionas, në emër të institucionit që drejton, i ka dërguar një mesazh urimi Drejtorisë së Përgjithshme të Policisë së Shtetit. Ndër të tjera citojmë :«Zoti Ibraj, Qendra SECI i paraqet komplimentat e saj Policisë së Shtetit të Republikës së Shqipërisë dhe do të dëshironte të përfitonte nga ky rast për të përcjellë urimet tona më të mira për përmbushjen me sukses të misionit tuaj për të garantuar rend dhe siguri publike për vendin tuja, për faktin se jeni treguar objektivë, të paanshëm dhe se keni drejtuar me nivel të lartë profesionalzimi, proçesin elektoral në vendin tuaj!
Qendra SECI e vlerëson shumë rolin dhe influencën e dhënë nga ana Juaj dhe nga Policia Shqiptare për aktivitetet tona dhe është kënaqësi për mua të ndaj së bashku me Ju progresin që kemi arritur nëpërmjet Task Forcave të Qendrës sonë dhe aktiviteteve të përditshme të këtyre Task Forcave.«

Vlerësimet më të fundit nga partnerët tanë ndërkombëtarë dëshmojnë dhe një herë për profesionalizmin në rritje të institucionit të Policisë së Shtetit dhe shërbejnë si nxitës të ecjes gjithnjë e përpara të Policisë së Shtetit në përmbushjen me rigorozitet të ligjit dhe të misionit të Policisë së Shtetit.